本帖最後由 fatso 於 2013-2-15 17:47 編輯
過年前有幸在中環雅典陳列室試聽了貴豐旗艦Mephisto Mono後級 , 身價九十幾萬 , 當日其實諗住上去買對特價線, 點知上到去喺間大房見到有對Mephisto Mono開緊聲, 前級用同廠Mirage,CD機係Mikado Sig.一套貴豐西裝開聲, 就順便坐低聽吓 , 而我自己也是用緊貴豐的Diablo合併機, 坐低聽咗一陣.....今次大獲!!! 完全起唔返身, 貴豐真的有一種感染力, 會另你乖乖哋坐定定响度聽音樂, 唔好話我講得誇張, 呢對Mephisto Mono後級係我玩音響以來聽過最靚聲的, 音場極闊而又深, 喇叭完全離哂箱, 聽人聲有如企在你前面正中位唱, 不會大口及埋身, 而左右兩邊的樂器整齊及定位準確, 感覺舒服且不其然會跟住一齊唱。 試交响樂時, 在大音壓時不會亂和炒耳, 控制力極高, 動態也超出我想像, 感覺有如身在現場, 還原度極高。 最後試了一首中樂, 大家都知中樂最難播得好, 但播出來的樂器, 二胡, 古箏, 琵琶, 大鼓.....等, 每一種樂器都交代得清清楚楚, 弱音的細緻度清析可見, 樂器的位置左右前中後也清楚聽到, 後面的大鼓聽到已超越後牆, 真的另我配服! 今次試聽另我大開耳界, 過百萬的組合真的非同凡响, 不得不配服貴豐的高貴音色, 相信其他組合也難已超越它!
試聽後那一種難忘的喜悅真的好想和大家分享!
可惜小弟只是窮人玩HIFI ,絕對買唔起百萬元級數的HIEND機,但係有一兩小時試聽都已經好滿足了!
在此感謝KEN哥給我影相留念及可跟大家發燒友分享!
大房照
Mephisto Mono
Mirage Pre-amp
Mikado Signature
旁邊的主器材
完!謝謝
|
IP卡
狗仔卡
發表於 2013-2-15 17:43:03
提升卡
置頂卡
沉默卡
喧囂卡
變色卡
顯身卡
