gundamfix2005的六國大封相組合

pepsiman

Hiendy 家訪交流室 ( 2010年12月號 之一 )

編輯 & 圖片: Pepsiman
文字: 豬賓


     經過上次造訪完AV曾近榮lulu sir之後，筆者與Pepsiman再到家住距離 lulu sir不遠的KK網友(網名 gundamfix2005)作一次家訪交流，玩機之餘再討論下 AV與家庭之間嘅微妙關係。



二人世界

     KK 與太太家住牛池灣，兩口子住在大約600呎之單位當中。家居陳設很企理，而且非常簡潔，唔講唔知 KK 在此已經住咗三年多，屋企保養得非常之好。家訪當日，温度雖然有二十幾度，但係上到去 KK 屋企一啲都唔覺得熱，仲有陣陣涼風從窗口吹入，KK 跟住就講：係呀，呢個單位嘅坐向好好風，平時唔係咁熱嘅日子都會開住窗嚟爆機，而且從未收過投訴添。Pepsiman聽完之後，不禁嘆咗三聲，然後說：KK，你真有福，揾倒一個咁好嘅屋苑，同埋有咁好嘅鄰居，真係恨都恨唔倒！但係Pepsiman之後細細聲同我講：當日我都係咁同Ｄ網友講無俾人投訴過有幾幸福，點不知開口中，仲要係接二連三添，希望 KK 唔會步我後塵啦！



器材列表

AV Amp: Denon AVR-2809  PC: Oyaide Tunami, HDMI: SAEC-810, BDR MK3 Mini Pits





BDP: Pioneer LX-52  PC: Nanotech #302, HDMI: WW 6.0 Starlight, FE Cerabase



Int. Amp: Luxman L-507u  PC: Oyaide Tunami, RCA: Tara Labs RSC Prime M1



前置: Audio Pro Black Peral V2  SC: Sound from heaven President X(black) double run, BDR MK 4 Cones & Mini Pits





中置: KEF Cresta 2  SC: Sound from heaven President X(black) double run, BDR MK 4 Cones & the Discs



後置: Mirage Nanosat





SUB: JL Audio Fathom f-112  PC: CSE L550R, WW Oasis 6



TV: LG 42" Plasma



PB: Bailiyin G&W 806



環繞聲調校

     KK 嘅影院空間約為8呎乘7呎，梳化貼牆擺放，梳化左邊為窗門, 右邊為飯廳，前中置放在影音櫃上面，超低音在影音櫃右面，單元面向皇帝位，後置就放響梳化椅背兩邊。KK 表示，有時睇戲睇到啲槍戰場面時，前面啲聲好朦，但後面啲聲又太搶，唔係好夾聲。首先沿用 KK 嘅設定去試下精武風雲同蜘蛛俠3。聽完之後，Pepsiman表示，中置嘅聲音好焗促，高音有啲暗啞，啲聲每每到中置出嘅時候，都有啲凹咗落去嘅感覺。後置搶耳嘅原因係因為低音單元呎吋太細關係，好多低頻都出唔倒，所以高音會顯得特別突出，同埋後置放得太低太近耳仔嘅關係，吓吓在耳邊爆會使到聆聽者覺得唔舒服，而且會好有耳筒feel添。正因後置嘅擺位比聆聽者嘅耳仔水平還要低，觀眾得一位時還好，兩邊後置聲都可以清楚聽倒。但係多一位朋友一同觀看時，問題就會出現了，一邊嘅後置聲會被鄰坐的朋友擋住，大大影響了聽感和聲音嘅連貫性。
Pepsiman就問 KK：點解唔將對後置掛上牆呢？
KK就回應道：入伙時未有將喇叭線入牆，而太太亦反對在牆上鑽窿，所以唔可以掛上去。試過想揾後置腳架，但揾來揾去都只係揾倒啲同張梳化差唔多高度嘅腳架。
最後；KK都係放棄咗將對後置喇叭掛高嘅念頭了！ Pepsiman亦問到 KK 以什麼方法去校聲，KK表示：只係做咗一次自動音場校正，然後依照自己嘅口味去加或減各聲道之音壓，並沒有借助其他儀器去調校。於是乎，Pepsiman就開着事先帶嚟嘅音壓計，然後坐響皇帝位去量度一下各個聲道之音壓，發覺前面三隻喇叭嘅音壓都唔同，所以睇戲時就覺得啲聲邊大邊細了。首先Pepsiman先將中置於AV Amp 裡面嘅音壓校到0 db，再以音壓計量度中置喇叭所出嚟嘅音壓，得出嚟嘅數值就會記低，然後各聲道嘅音壓，就會依照剛才中置所得出嚟嘅數值，調校到各聲道嘅音壓一致。由於後置喇叭距離太近關係，先前試機時Pepsiman已經覺得好夠聲，所以就無需再加大音壓了。有感中置同後置出低頻時有點吃力，而有隻咁有質數嘅 JL 十仔就無謂浪費咗佢啦，原先各聲道分頻點為80Hz，Pepsiman將中置分頻點調高到100Hz，後置調高到110Hz，十仔 set 110Hz，AV Amp EQ方面再作適當嘅微調。再試番先前兩套戲，聽感上，中置同後置啲聲變番厚，音牆亦都連貫番，再無邊大邊細聲嘅情況出現，後置因為得到JL十仔所發出嘅低頻墊番住，搶聲嘅情況已經有所改善，唯一係中置高音暗啞嘅問題始終解決唔倒，睇嚟...........呢隻中置好快會同 KK 講拜拜架喇！


影音分家

     KK 一直都揾緊一對可以影音兩用嘅喇叭，取代現時用緊嘅 Audio Pro 喇叭。KK 覺得呢對喇叭聽歌時好薄聲，唔夠圓潤。既然一場嚟到，就希望我哋可以比啲意見。聽完兩首歌之後，感覺上聽女聲還可以，但係一聽到管絃樂就出現問題喇，聲音唔開揚之餘，中頻仲十分朦。Pepsiman 就指出，問題可能出於喇叭線唔夾嘅原因，建議 KK 可先問朋友借條喇叭線番嚟試下先，無需急於去更換前置喇叭。其實；兩聲道同AV，根本就係河水同井水嘅關係。聽歌嘅喇叭，係要聲音甜美，分析力强。至於睇戲嘅喇叭，簡單嚟講首要係條件係要爆得。從設計概念上，兩者已經有明顯嘅分別，硬要去揾一對多用途喇叭，最終得出嚟可能兩頭唔到岸。因為 KK 隻中置喇叭都差不多夠期嘅關係，筆者就建議 KK 不如換曬全套 Mirage 喇叭嚟睇戲，作一個影音全面分家。一來 Mirage 喇叭體積小巧，方便擺位。二來唔會出現唔同牌子喇叭唔夾聲嘅情況，KK 表示會認真考慮一下。   


大畫面會好聲啲咩?

     睇戲畫面大啲會好聲啲，聽落就真係幾搞笑。KK 聽完 Pepsiman講呢句野都唔係好明點解！Pepsiman便說：畫面太小，就會影響睇戲嘅投入感，就以筆者家中的組合為例，睇[功夫熊貓] 天山吊橋一幕，飛虎女比大砲從左面踢到右面，响我家感覺啲木板聲斷幾下就完。响網友 ryanenen 屋企度睇個大銀幕，聽到啲斷木板聲延伸到很遠，音效完全可以配合到個畫面，投入感自然大大提高，如果唔係咁，筆者都唔會比人笑响ryan 屋企睇 Jason Bourne 會避玻璃啦！ Pepsiman 補充：觀看者因為要兼顧眼前嘅大畫面，因此對聲音嘅敏感度會相對地降低，同時由於大銀幕兩邊貼近左右前置，聲音自然亦可套入畫面之內。試諗吓，喇叭擺放距離10呎，但只睇14"電視，你叫觀看者點會覺得大炮fing繩繞一圈嘅效果吖！觀看 KK 嘅屋企，其實都有條件裝投影機，只要將現時梳化後的客房打通，已經可以得到超過十呎嘅空間，足夠建立一個投影機私人影院。 當然，呢個大 Project KK 一定要寫份詳細計劃書比老細啦！


女性係AV 最大嘅敵人!?

     早前有網友都討論過相同問題，借家訪又同 KK 討論一吓。其實好多網友都覺得自己嘅另一半唔識聽咩叫做好聲，其實事實剛剛相反，女性對聲音不知幾敏感，只不過佢哋係好怕一啲聲音動態大嘅片種，你一開佢哋一定會話好嘈，叫你細聲啲。呢啲，只不過係推銷嘅手法唔夠好而已，你試下開隻佢好鍾意嘅歌星嘅演唱會比佢聽吓，反過來叫你大聲啲都有可能。依家 KK 嘅另一半，已經開始同佢出去試聽吓其他網友嘅組合，其實咁樣已成功咗一半。相信；KK 距離要建立一個終極私人影院嘅時間不遠了。


後記......

     常言道：獨樂樂，不如眾樂樂。玩 AV 其實唔係一件壞事，只要多加同家人溝通，了解大家之喜好，揾倒一個玩機嘅平衡點，與民(家人)同樂，可能一件原本屋企人好反對嘅事，變成一件大家都開心嘅事，何樂而不為呢？

nwwedmond

用得507u, 唔好嘥咗佢2ch果part, 快啲入埋D-06聽歌啦, 包你開心死.

hkp1196

叫人打通間房玩投投, 呢個版主都好毒吓.................

bigpun1975

叫人打通間房玩投投, 呢個版主都好毒吓.................
hkp1196 發表於 2010-12-8 01:15

    .... ..... ....

gundamfix2005

首先今次真係多謝2位板主，百仕同朱賓兄光臨寒舍，幫我調下d音效

用得507u, 唔好嘥咗佢2ch果part, 快啲入埋D-06聽歌啦, 包你開心死.
nwwedmond 發表於 2010-12-8 00:43

我都想

gundamfix2005

叫人打通間房玩投投, 呢個版主都好毒吓.................
hkp1196 發表於 2010-12-8 01:15

玩投投.........要換個間屋先有得諗

ryanenen

玩投投.........要換個間屋先有得諗
gundamfix2005 發表於 2010-12-8 09:53

都吾一定要换屋既.
如果兩輻牆有7,8尺, 扣除投投机身,Tv有6尺左右,
都可以投60~70寸畫面,
依家投投重平过電視机,
係值得考慮,
尤其是你老細都like, 事半功倍la

chrisclw

玩投投.........要換個間屋先有得諗
gundamfix2005 發表於 2010-12-8 09:53

都唔一定嘅......睇你要投幾大尺吋！

chrisclw

都吾一定要换屋既.
如果兩輻牆有7,8尺, 扣除投投机身,Tv有6尺左右,
都可以投60~70寸畫面,
依家投投重平过 ...
ryanenen 發表於 2010-12-8 10:17

我就係咁玩囉

ryanenen

我就係咁玩囉
chrisclw 發表於 2010-12-8 10:19

你咪好law, 老細陪你試机一齊玩.

gundamfix2005

都吾一定要换屋既.
如果兩輻牆有7,8尺, 扣除投投机身,Tv有6尺左右,
都可以投60~70寸畫面,
依家投投重平过 ...
ryanenen 發表於 2010-12-8 10:17

哈哈.......咁要落毒成功先

chrisclw

你咪好law, 老細陪你試机一齊玩.
ryanenen 發表於 2010-12-8 10:22

都係多得百事佬嗰92"投影幕姐

ryanenen

哈哈.......咁要落毒成功先
gundamfix2005 發表於 2010-12-8 10:25

快手la.....哈哈

chrisclw

快手la.....哈哈
ryanenen 發表於 2010-12-8 10:28

咁就要去你度先得啦！

eosteven

hiendy既人真係好狠毒

gundamfix2005

hiendy既人真係好狠毒
eosteven 發表於 2010-12-8 10:31

認同.......要導你玩埋投投(但又真係有d想玩)，套AV 同 2CH 都未玩掂

SmallEar

認同.......要導你玩埋投投(但又真係有d想玩)，套AV 同 2CH 都未玩掂  ...
gundamfix2005 發表於 2010-12-8 10:34

  also,   要將現時梳化後的客房打通

bigpun1975

都係多得百事佬嗰92"投影幕姐
chrisclw 發表於 2010-12-8 10:26

    又係佢{:5_528:}

kachow

very Nice!!   套cerabase夠唔夠位放係部luxman度? 可能效果又會好d.

gundamfix2005

very Nice!!   套cerabase夠唔夠位放係部luxman度? 可能效果又會好d.
kachow 發表於 2010-12-8 15:56

其實Cerabase係買來放CDP，因為有優惠所以入定先，因未買CDP所以放係BDP度先聽住歌仔先，又要換Hifi Rack來個小變身。