成日聽人講「香港玩影音其實好死」

白影

常聞道「香港玩影音其實好死」

以年資來說，小白只是新手，但亦對此有很深的體會，朋友間亦常取笑小弟是環境鬥士，
某版主更每次見面也笑我可以用腳來控制部AMP，因為皇帝位跟整套影音的距離只是一腳之隔，哈！
但今日跟一個由英國回來的親戚上，我發現身為香港的影音玩家有一個很好的地方，就是我們玩家之間的互動性及交流性是他們想像不到的緊密……

他是一個雙聲道的玩家，今日下午致電給我，說他回來香港了，正前往鴨寮街中他相熟的樓上店，於是我請了半日假，一盡地主之宜。
當我來到時，他介紹了店主我認識，跟介紹場中的喇叭，但他不用介紹，我已知是甚麼牌子的喇叭，於是聽了一回，之後我就開始有一些問號，
問了店主「跟我之前聽過既，個性好唔同，你Mod過嗎？唔似只係DAC既影響」
「係呀，原裝喇叭入面係銅線，依家改哂做銀線」
之後就再討論佢同左咩喇叭線，PC線，我個親戚完全唔明我地討論緊咩……
我就開始同佢解釋番唔同線材既物料都會對聲音有好大既影響，
佢好似完全唔知原來要咩聲就要搵咩既線，
只係會買左番去，喜歡同唔喜歡……

之後佢請左店主換左台DAC，比我聽佢認為好聲點的（佢用緊既），佢話好過本身係店中開聲音樂那隻，
一開聲，識我既人都知道，我聽野好無耐性，只係聽幾十秒就走去主店度（佢番左入去，比較遠，我留低左我親戚）
「這台幾錢？之前那台幾錢？」
「面價係3千同千八，自己友平o的比你」店主。
「千八好聲o的波，密度高好多，又靜好多」
「um.....」店主。
「雖然個高音這台比較好，而且空間感好似好左，但相對地低音又薄左好多。」
「係，我都覺得千八好聲o的，厚潤好多。」老闆娘（我估）
我仲主動同老闆娘握手，因為欣賞佢既老實同品味，唔會話貴既就會好一點。
之後先知道原來千八係佢自家出品，自己既mod機，而貴一點既係代理番黎。

於是我走番去親戚度，同佢講番好似之前平一點既好聲一點，之後同佢分析番，
叫佢留心聽下個背景聲，之前靜好多，而且低音實一點，量多一點……
討論良久，之後就帶佢去買平價PC線比TV用，佢現在才知道原來TV也要轉PC線，就算是平價線也會比原裝的有明顯改善。
（買左條啡Denko，哈！特意比佢見識下咁平既錢都會有分別，費時一開始就毒佢買貴既PC線比TV用，因為佢仲未好信PC線於TV既影響性)

其實我一點都唔勁，我發現最大的原因是我們香港玩家，很易可以互相家訪，交流，而且也有很多地方可以去聽不同的組合，
而他於英國：
「你地就好啦，我地唔好話去人地度聽，連影音店都唔多，仲要入到去，得一隻，好少少有幾隻牌子聽下」

之後我帶了他去MK，上了我一個朋友開的店中，介紹一些入門線材給他（我只是個認識入門線材的新手，哈）
由單支跟多芯的分別，銀跟銅的分別，再介紹我最喜歡的單支單晶銅(OCC）給他看，
「我地那邊，好少人講PC線/HDMI線，無乜review睇，只係多講喇叭同喇叭線」
香港玩影音真係好，我走時，仲順手拿了一對入門級既RCA線，佢話比條Gotham 11001好，但係同價，仲未正式出街，叫我試下，比番意見佢……

香港人玩影音的確會好多限制，環境上很難做到好既Room Acoustic，而且外國貨因運費、代理、exchange rate等而賣得可以很貴，
但我們因為人口密集，住得近，而很方便互相家訪，加上影音店的百花齊放，令我們可以聽盡各地的影音品牌，
常聽到一些師兄說，如果係外國就好了，因為地方夠大，點玩都得，
但我發現原來又是老土的一句「你睇我好，我睇你好」
我很開心可以於香港這個地方玩影音，因為可以很短時間就可以聽到很多不同既聲音……

以上非以偏概全的推論，
因為這已是我第N個由外國回來香港的影音朋友跟我交流之後的體會。


小結：最理想就是於香港學習，學到一定程度之後，
就於外國整間屋，係地下室玩，呵呵。

番薯

最理想就是於香港學習，學到一定程度之後，就於外國整間屋，係地下室玩，呵呵。
白影 發表於 17/12/2010 08:28 PM

    這是每個發燒友的夢！

eosteven

對入門級既RCA線試左未?

eosteven

香港玩hifi仲有一樣好特別, 好多ching都好謙虛, 鍾意扮新手

白影

香港玩hifi仲有一樣好特別, 好多ching都好謙虛, 鍾意扮新手
eosteven 發表於 2010-12-18 01:21

包括你, 呵呵。

未試喔, 星期日先...

白影

這是每個發燒友的夢！
番薯 發表於 2010-12-17 23:44

我有想過當退休之後番大陸整間地下毒氣窒架...
但依家人仔升得咁勁, 到時退休番大陸可能仲貴過係香港, 真係無野好講...

白影

對入門級既RCA線試左未?
eosteven 發表於 2010-12-18 01:19

搵日拿去你度玩吧, 同你條11001比較下...

camelblue

你講果兩間都去過......
多謝精品文章

白影

你講果兩間都去過......
多謝精品文章
camelblue 發表於 2010-12-18 02:51

咁都知係邊兩間? 師兄果然勁, 洗鬼多謝咩, 吹水文章一篇, 呵呵。

camelblue

咁都知係邊兩間? 師兄果然勁, 洗鬼多謝咩, 吹水文章一篇, 呵呵。
白影 發表於 2010-12-18 02:56

    第一間有9成
第二間我敢講10成

加油加油

PP-HK

香港玩hifi係集中d, 但外國並唔係好似樓主朋友咁講咁無知, 相反外國既forum比香港專業好多, 而且review亦比香港多好多。另外, 外國的hifi舖距離可能較遠, 不過環境比香港好, 而且試機隨時比你玩足一日, 唔似香港咁試兩野就面黑。

當然, 香港就華洋集處, 所以品種係比外國多既, 例如玩diy就八國聯軍咁大把散線比你玩。

白影

香港玩hifi係集中d, 但外國並唔係好似樓主朋友咁講咁無知, 相反外國既forum比香港專業好多, 而且review亦比 ...
PP-HK 發表於 2010-12-18 09:57

可能我寫得唔好, 師兄誤會了, 小白無意話外國既影音朋友無知, 只要清楚了解本文的中心思想, 就會明白小弟是想道出於香港玩影音的好處,
而一般文章的中心思想會於命題,首段,尾段最為明顯, 中段的陳述的作用往往是為了令到文章重點更立體及鮮明, 所以於選材,著墨, 角度, 難免會有一些跟整體事實上的落差,
正如本文, 如果行文內容要提及師兄你說的「相反外國既forum比香港專業好多, 而且review亦比 ...」就沒了那強烈的對比, 說出香港玩家的方便及長處,
而且想深一層, 雖然外國的討論區很專業, 已有很多很深入的評論, 但亦暗示了他們之間因為地域上的分隔已互作家訪的機會比香港的少很多,
文字是死的, 聲音只有親身聽過才真正的有用,
這正正是外國玩家比較難有的機會,

再說行文, 如果一篇文章要寫得很公平, 很公正, 包括各方的意見及價值, 那是一篇議論文, 還要是一篇很悶的議論文,
一篇文章沒有提及的事, 不等於它們不存在, 同樣地, 一篇文章提及的, 亦不見得是事實的全貌,
所以最重要還是了解一篇文的中心思想。

camelblue

====試兩野就面黑====

呢句正

第時佢地可能進化到要放低按金先比試

purple

可能我寫得唔好, 師兄誤會了, 小白無意話外國既影音朋友無知, 只要清楚了解本文的中心思想, 就會明白小弟 ...
白影 發表於 2010-12-18 10:39

>>>>>>>>所以最重要還是了解一篇文的中心思想。

整個帖子是現今香港學生的'行文'教材。提議轉貼至學生多的地方。

謝謝! 是認真的。

白影

====試兩野就面黑====

呢句正

第時佢地可能進化到要放低按金先比試 ...
camelblue 發表於 2010-12-18 11:41

真係要睇下熟唔熟,  熟起上黎, 任你黎去玩都得, 唔熟既, 連開機都費事...

白影

>>>>>>>>所以最重要還是了解一篇文的中心思想。

整個帖子是現今香港學生的'行文'教材。提議轉貼至學生 ...
purple 發表於 2010-12-18 12:05

反面教材就可以, 而且只是一時隨筆, 起承轉合皆無, 師姐見笑了

purple

>>>>>>>>>>.再說行文, 如果一篇文章要寫得很公平, 很公正, 包括各方的意見及價值, 那是一篇議論文, 還要是一篇很悶的議論文,
>>>>>>>>>>一篇文章沒有提及的事, 不等於它們不存在, 同樣地, 一篇文章提及的, 亦不見得是事實的全貌,所以最重要還是了解一篇文的中心思想。


至正的是這段，現今年青人要學的是思維方式。
見笑了，我祇是感嘆而已!

purple

老人家，係多嘮叨些!

camelblue

真係要睇下熟唔熟,  熟起上黎, 任你黎去玩都得, 唔熟既, 連開機都費事...
白影 發表於 2010-12-18 12:56

    都試過 如果好近期買過野佢就一定記得
插好曬喇叭
任我自己入碟試囉
過多幾日可能就會失憶呢
可能我樣既問題

白影

>>>>>>>>>>.再說行文, 如果一篇文章要寫得很公平, 很公正, 包括各方的意見及價值, 那是一篇議論文, 還要是 ...
purple 發表於 2010-12-18 13:09

你是老師嗎? 呵呵
咁大感觸
不過講開又講, 可能依家多左太多玩兒了, 節奏又快左好多,
以前我細個時, 好多同學仔都有寫日記, 而且仲興寫情信, 我家中之前仲有一大盒情信呢 (不過買樓時,比老婆丟哂, 哈)
始終寫作是需要不斷練習的, 日子有功下才會寫得好, 唔係單靠轉數, 小聰明就得, 依家的小朋友又有幾多個會每日都寫野, 比起以少, 一定少了很多...