家訪AV狂熱份子 - 蒲東

hkp1196

近排成日俾汽水管理員炸型話我懶唔出POST，要我去家訪出下POST喎。我叫得大蛇明，蛇王偷懶就梗架喇，第一日識我咩 。我心諗我秒秒鐘幾廿萬上落，無啦啦跟你地去踢波，無啦啦去參加比賽仲要贏埋冠軍 ……呀唔係！係無啦啦跟你地去家訪，無啦啦寫幾千字家訪報告，我梗係閃得就閃喇 ！點知聽汽水管理員講，原來今次家訪嘅對象係蒲東兄，聽閒佢最近換哂成套PROCELLA監聽級喇叭，咁就唔同咁講，梗係即刻應承去聽下全套PROCELLA有幾正喇 。

其實小弟之前已經家訪過蒲東兄，但上次仍然是全套M&K喇叭，而藍光機及前級則由PIONEER BDP-LX91及MARANTZ AV7005，換了現在的OPPO BDP-93及CARY 12，可以講係全面升級，只有後級仍然是CINENOVA GRANDE 7，未開聲已經相信比上次一定提升不少，廢話少講，先介紹一下蒲東兄現時的器材先：

藍光機 : OPPO BDP-93
前級 : CARY 12
後級 : CINENOVA GRANDE 7
前置及中置 : PROCELLA P8 X 3
後置及後中置 : PROCELLA P6 X 4
超低音 : PROCELLA P18 + M&K MX-350SFXL



























相信很多朋友都上過米樂聽過PROCELLA喇叭，亦大概知道PROCELLA喇叭的特性，但大家都可能試過在SHOW ROOM聽到的好好聲，但當買回家之後才發覺和SHOW ROOM有很大分別，而香港的PROCELLA用家確實不多，所以今次是一次難得的機會，可以真正在普遍家居試聽這套PROCELLA監聽級喇叭。

一開始先試MI4沙塵暴一幕來個熱身，PROCELLA P18超低音和米樂試聽時一樣厲害，低音扯動了全屋的氣流，隱若感覺到頭髮也因為低音扯動的氣流而郁動，完全令人置身於沙塵暴中一樣。

之後試孤星淚一開場拉隻船入港一幕，在狂風暴雨和海浪聲中，還夾雜了奴隸們的歌聲，如果整套器材沒有一定水準，試這一段時只有一個「亂」字，但在蒲東兄家中一點亂的感覺都無，狂風暴雨和海浪聲既洶湧澎湃，歌聲又仔細清楚，確實難得！

之後再試了很多套戲，PROCELLA P18超低音的雙18吋單元，和M&K相比的確是另一種層次，當然價錢也不能相提並論，以前全套M&K 7.1的價錢，也不夠買一隻PROCELLA P18超低音。PROCELLA P18的低音無論勁度、包圍感、下潛度，都可以說是超水準，非常全面，亦係我聽過的低音喇叭中最滿意的，要數缺點的話，就只有一個貴字 ！

今次家訪真的非常毒，慶幸小弟完全沒有能力去購買這套PROCELLA喇叭，否則的話又要破財了 。現在唯有回家冷靜一下，這個星期不要開機住，盡快忘記這次的家訪。最後要多謝蒲東兄的招待，而蒲東兄對AV嘅熱情和執着，亦令小弟汗顏，希望下次再有機會和蒲東兄交流更多AV心得！

蒲東

多謝明哥、炳雄、百事佬一眾版主上嚟，招乎唔到，下次換機目標係投影機，都係時候了。

kelvinchow8

一套 PROCELLA 喇叭 . 希望有天可以買得到的一流器材 !

浦東兄是百份百的狂熱份子 ! 單看環景及器材已經無話可說了 !

10bucks360

成套堅野羨慕屎我了

bigpun1975

仲堅過上次!

蒲東

10bucks360 發表於 2013-6-30 19:01
成套堅野羨慕屎我了

拾北兄你套全有源MK都好強吖。

tst123

有機會也想聽Cinenova後級的威力和Anthm P5 比較

BoB182

可唔可以透露下隻P18大約要咩價位架

chongun

兩年幾前有幸家訪東兄強勁組合，今次器材進一步升級威力之強，另人期待
好想再次家訪

pepsiman

對上一次係米樂搞"明醒你"show時,第一次以咁大音壓去睇碟,估唔到今次去蒲東兄度,都一樣可以做到咁大音壓而無失真,始終showroom同家居環境唔同,今次既家訪絕對係大開耳界啊! 有唔少試過既電影片段我返到屋企再試同一段,表現簡直係兩個世界,尤其超低音果浸,根本就唔使買果d咩咩震震椅,由頭震到落腳趾尾,要量有量,要punch有punch,真正既快、狠、準,可惜價錢正如大蛇明所講,貴...貴...貴...貴! 但係就算免費送俾我同大蛇,應該都無福消受,以咁既音壓咁既震盪,樓上樓下都會以為土瓜灣冧樓事件翻版,肯定得物無所用呢...

hkp1196

pepsiman 發表於 2013-7-1 12:17
對上一次係米樂搞"明醒你"show時,第一次以咁大音壓去睇碟,估唔到今次去蒲東兄度,都一樣可以做到咁大音壓而 ...

hkp1196

BoB182 發表於 2013-7-1 01:16
可唔可以透露下隻P18大約要咩價位架

6位數字..........

curtis9797

好很勁呀

BoB182

hkp1196 發表於 2013-7-1 15:26
6位數字..........

果然非一般人可以擁有

BoB182

pepsiman 發表於 2013-7-1 12:17
對上一次係米樂搞"明醒你"show時,第一次以咁大音壓去睇碟,估唔到今次去蒲東兄度,都一樣可以做到咁大音壓而 ...

送俾你咪棧又有鐘響，叮噹叮噹

pepsiman

BoB182 發表於 2013-7-1 20:50
送俾你咪棧又有鐘響，叮噹叮噹

我好肯定有鐘響都聽唔到...

BoB182

pepsiman 發表於 2013-7-1 22:53
我好肯定有鐘響都聽唔到...

堅到不得之了

蒲東

chongun 發表於 2013-7-1 03:17
兩年幾前有幸家訪東兄強勁組合，今次器材進一步升級威力之強，另人期待
好想再次家訪 ...

先上你屋企再講啦~~~~

蒲東

pepsiman 發表於 2013-7-1 22:53
我好肯定有鐘響都聽唔到...

我真係聽唔到鐘響，有一次警察上嚟按咗十分鐘，重要叫管理處打我手提，我先至識開門......

蒲東

tst123 發表於 2013-7-1 00:36
有機會也想聽Cinenova後級的威力和Anthm P5 比較

cinenova grande7係我負擔能力以內最好的後級了.......
anthem statement係我聽過最好嘅av前後級，可惜我只係窮x打工仔一名，唔係一早成套買返屋企啦.......你問下犀牛兄嘅一班兄弟，我幾乎逢人就講逢人就推，可惜依家好似連代理都無咗......