本帖最後由 racewong 於 2013-9-2 01:43 編輯
比較資深既發燒友, 一聽到Shunyata, 就會聯想到POWER CORD. 這間以玩電玩得出晒名既廠商, 其電源線早已毒死左我.
除左電源線, 佢地既電源處理器更加係得獎無數, 就好似今代既頂級電源處理器TRITON, 以及專為佢而設計既TYPHON, 定價每件要七萬八, 兩件加埋, 再加多兩條ZITRON ANACONDA....多謝廿多萬...
發燒還發燒, 要我一次過用廿萬去玩電, 我就真係未捨得住! 所以我就算幾鐘意SHUNYATA這牌子都好, 始終都未玩過TRITON+TYPHON.
剛完結HIFI SHOW, 代理話有套最新既平價版拖板組合, 可以借比我玩...
一套三件既組合,
一個VENOM PS8拖板, 一條VENOM HC電源線, 加多一粒 VENOM DEFENDER. 聽聞折實唔駛一萬.
還掂都係, 我就再貪心D, 問代理拎多粒DEFENDER, 試吓原廠建議一粒好聲D, 或是兩粒好聲D呢?!
當然, 玩得SHUNYATA拖板, 點都要借埋佢套SSF釘 + 墊 (折實大約$1800四粒釘+墊)
講OUTLOOK, 我就十分鍾意佢地今次依個比較傳統長條型設計, 提供八個HUBBELL既分插可供使用, 唔好睇少依D HUBBELL插座, 每個都係經由SHUNYATA既獨門冷凍技術處理過, 對於電流傳輸比市面其他牌子既冷凍技術更為穩定.
至於供電插位, 是一個20A既插座. 這一貫都係SHUNYATA電處拖板既作風. 至於這20A插位, 大家不用擔心條電源線既插頭問題, 因為這套裝已包了一條20A的VENOM HC供電.
由於這套是全新比我開苞, 所以要煲夠一個星期先可以試測試, 所以我一開始就插晒我全套機 (包括一對MONO後級) + 兩粒VENOM DEFENDER落VENOM PS8, 諗住煲佢一個星期先詳細測試.
話就話等一個星期先測試, 但心痕痕, 點都要聽返兩首, 比較一下. 哈哈.
駁好晒開聲, 先試小品 - 劉美君對上一隻新碟 [偷]第五首[小城大事],
背境寧靜度比我預期高出好多, 因為令到中高線條既改善尤其明顯, 人聲聚焦力加強, 令到劉小姐既咀型得以立體化.
但問題來了, 人聲有點乾, 有點硬聲... 鋼琴的力度, 瞬變速度都淋左小小, 唔夠快速.
再來當然係搵隻棚爆黎聽吓有無壓抑到某個頻段啦. 我最近鍾意搵隻EIN STRAUSSFEST第十二首, 測試下場面大細, 低頻伸延等等.
當全套器材插晒落VENOM PS8後, 比較起後級直插入牆, 低頻力感弱左好多...唉! 睇黎都係要煲一煲佢先可以再作準了.
煲左三日, 有個身痕網友知道我借左套VENOM拖板, 身痕叫我拎上去佢屋企試試.
當日我拎住一套四件 (兩粒DEFENDER)去到佢屋企, 見佢屋企無接獨立線, 用DIY PC駁住個S字頭本地拖板, 將成套兩聲道既器材插晒入S拖板開聲.
咁我當然立即坐底聽兩首歌先啦, EEE...所有野都唔錯喎, 只係缺少左小小超高, 音場比較矮, 唔夠開揚活潑. 全頻線條都有改進空間.
試完兩首歌, 當然要試吓我帶黎既VENOM套裝啦, 一開始, 我已插住兩粒DEFENDER開聲. HEHE. 開聲唔夠半首歌, 屋主已聽到VENOM套裝所表達既強項, 背境寧靜, 線條靚番晒. 人聲厚度仲有感情左.
估唔到依個拖板, 喺我屋企煲左佢三日啫, 咁快就熟左咁多!
聽多首小品, 發覺始終音場有小小壓抑, 好似唔夠開揚.
之後我地就試吓甩走一粒DEFENDER, 只插一粒, 再聽番之前果兩首歌, 音場升左起碼多一尺, 分隔度更高, 超高都有著顯著提升. 這次令屋主雙眼發光. 口中念念有詞咁不繼講: 有料到喎, 有料到喎. 我正正就係想改善依D野.
之後再上埋SHUNYATA既專用釘腳+釘墊, SSF.
這套價位並不便宜的SSF, 能使超高頻, 分隔度, 空間感都得到明顯提升. 但低頻量感又唔會小左. 又係必買之選.
最後, 確定左身痕屋主已深深中毒, 我就甩番晒套VENOM回家去, 等佢慢慢心思思! 哈哈.
回家後, 在自己的組合, 再聽一次沒有VENOM既曲目, 聽兩首, 再駁番VENOM, 將CD8 & REFERENCE 5SE插甶喺PS8, DEFENDER就直插VENOM HC PC既下面個位. 後級就直插牆蘇.
在我家, VENOM既分別比之前既身痕家訪更為明顯. 最鍾意佢夠靜, 分隔度 & 線條都靚左好多. 唉... 估唔到諗住拎去毒人, 最終都係毒埋自己. 睇黎下星期又要洗多一萬了...
總結, 我一直都好想玩SHUNYATA既電處TRITON+TYPHON, 但礙於銀根短缺, 到依家都未能擁有.
但今次既VENOM HC PC + PS8 + DEFENDER, 售價竟如此親民, 但表現絕對有TRITON+TYPHON既影子.
以不到二十分一既價錢, 享受到6成既效果, 真係好鬼容易令人中毒.
我就中左啦, 你地又幾時一齊中毒呢?! 哈哈. |
IP卡
狗仔卡
發表於 2013-9-2 01:37:00
提升卡
置頂卡
沉默卡
喧囂卡
變色卡
顯身卡
發表於 2013-9-2 02:07:37
