|
|
樓主 |
發表於 2013-9-11 21:51:57
|
顯示全部樓層
各人評語:
http://www.hiendy.com/hififorum/ ... page%3D1&page=1
bmb_hd
第一部机一開声，细緻声同人声都好出好有質感，例如那些忍者從背後拔劍声很sharp很鋒利，低音控制力非常好，算夠punch (18" !)及收得緊，
到第二部開声, 因前一部机声音記憶猶新，所以一聽就感覺所有東西缩了，不是說音場缩了，而係細緻度減了，所有東西尤其是金屬声变得無咁金屬，例如飛錶跌落地上的声音無咁鏗鏘，忍者背後拔出來的劍聽落無咁鋒利，但可喜是低頻給我的感覺还是不錯，只是收得無咁緊。
到第三部，一開声感覺細緻度回來了，但没有第一部質感强，低頻是三部中最輕的，但環繞感最强，就是一些由前去後的音效是最突出的。
Based on 一分$一分貨的觀念及對Anthem 處理空間環繞强的經驗，我估:
1. Classe SSP800
2. Cary 12
3. Anthem D2V
JKC710
首先講講第一部, 如果唔係版主講出因器材韌體問題而未能調校, 我真係唔信係無SET過, 前後左右都非常連貫, 金屬聲鏗鏘有力, 迅變力強橫, 非常濃厚既品牌味道, 小弟非常LIKE呢部~~
第二部一開聲, 有種似DATASAT試聽會既感覺, 玩分析力/空間感主導, 數碼味濃, 覺得唔會係CARY, 不過又唔肯定係Anthem D2V定係CLASSE SSP800.
第三部 - 感覺比較埋身, 背景音樂好出, 分離感非常好, 好肯定呢部係CARY, 去幾位師兄屋企都係聽到呢種味道.
第四部 - 說老實, 個人集中力已經開始下降, 話哂前面幾部都係頂班質素, 聽到呢部無乜特別驚喜, 感覺同第二部一樣, 都係玩分析力/空間感主導, 印象唔算深刻.
總括黎講, 歐美血統真係好吸引, 硬橋硬馬, 紮紮實實, 對於仲係用日系合併搭美藉北姑既小弟黎講, 真係好想擁有其中一部
7500martin
先撇除Krell不談！第二部明顯中低頻欠缺墊底，形成中高過份突出，錯覺上以為迅變快和細節多！坦白講毫不耐聽，小弟懷疑可能是配搭不佳所致。
第三部平衡度相對第二部來得自然得多，只是爆炸力和起動力比起第二和第四部又有點距離！音軌方面亦帶點含糊。
第四部最深得小弟歡心，中低墊底夠，質感密度足，倒有幾分Lexicon MC12HD的影子！細節不錯，音軌清淅，不拖泥帶水。
eosteven
第一部聲音實淨,密度高, 高音利得黎有肉, 低音控制力好,好快好狠
第二部暖聲, 但濛d, 全面細節度同控制力都不及第一部,較鬆散
第三部聲音比第二部清, 同第一部分析力不分上下, 不過聲底較清淡, 無第一部咁狠勁,火辣
另外未set好個部Krell既低音應該都好正, 雖無第一部咁快狠準, 不過洶湧既低音能量感特別強
如果質素同價錢正比, 第二部應該係Cary 12, 不過以價論聲, 無比較下, 都已好正!
另外我聽過幾次Anthem D2V, 覺得第三部既聲低應該係D2V
咁第一部應該係Classe SP88, 當日我覺得係最佳表現,襯得起身價
mark16365
我覺得呢幾部機出來既內容支節基本上差不多,沒有話邊部多d邊部少d,唯一覺得每部機既演繹重點都有放在唔同既地方 , 好像在聽第一部機時 , 個人覺得高頻好出 , Surround同金屬聲音好強(我覺得有d吉耳) 但聲音比較薄 , 底頻係3部之中最有層次.
第2台 比較平均 , 但中低頻比較明顯 , 特別係睇G I Joe 韓國佬掟飛鏢時件衫同空氣撞擊既聲音感覺好強.
第3台 聲音連貫性最強 , 特別係低頻 , 3部中最連貫最離箱 .
基本上呢4部機我之前都完全未聽過 , 所以都唔知點估(Krell 果部唔洗估) , 但個人感覺最後果部機既聲唔係1 , 2 日可以調到出來咁既效果 , 再加上在開始播果台機唔到10秒突然皇上龍顏大怒 ,然後大渴一聲 “停” , 跟住唸唸有詞說有人做錯野 , 要從頭來過 ,(呢幕奇景 我諗只有第一場既師兄有幸目睹) , 跟住出來d聲完全脫胎換骨唔同晒 , , 可想而知皇上對呢部機是可等熟悉 , 唔係 Cary 就有鬼囉 .(希望皇上唔好冼我)
所以 我估 : 1. CLASSE SSP800
2. Anthem D2V
3. Cary 12
不過結果唔重要 , 因為我都係中意 KRELL.
micma
krell 未set好, 只係開機示範, 我覺得都唔太差喎.
第一部表現機, 高音好好好出, 所以凌碎弱音特別出, 但對我來講高音太剌ears, 可能我年記大, 我頂唔順, 或者換番d厚實d嘅喇叭可能會夾d.
第二部, 好似short左咁加大sound,俾佢嚇一跳, 但弱音真係同第一部比, 真係好似唔見左好多...但覺得好耐聽....人sound出包圍感都及低音都好平衡
第三部, 我覺得surround 好但低音唔多夠...
其實我未聽過anthem 及 classe...所以我真係估下....
1.) classe
2.) cary
3.) anthem
astrid1211
第1部: 底音個尾收得幾快. 高音出. 但係聽落我覺得麻麻.
第2部: SURROUND 較得幾好. 各樣都好平衡. 密度又夠. 要乜有乜. 但係又唔會OVER 咗. 細節聽得最多. 完全感受到睇戲個氣氛.
第3部: 呢部係3 部之中PUNCH 最重. 嘢嘢都中我心口D聲密度高. 動態大. 細節交代清楚. 但係睇超能特工隊入山洞D 聲有D 亂.
睇完返去再聽多次部安橋. 覺得細節聲日系機係冇咁出. 鬼妹都係有同一個取向. 力大有細節. 聲底厚實. 睇戲過引D.
咁多部我只係聽過一次ANTHEM MRX700
所以都只係估下.
第1部: CLASSE SSP800
第2部: Anthem D2V
第3部: Cary 12
crazybull
第一號佳麗：百事鬼話冇set機情況下......老實講:你問我一句打我一拳 ,我都話唔信冇set過,論音場,論連貫,論質感,論細緻，我真係覺得好正
第二號佳麗：Gi Joe忍者大戰一幕,劍聲,飛標感覺鋒稜銳利,喺中高頻方面，可以話表現得無懈可擊
第三號佳麗：好聽d就形容係一隻脫韁野馬,或者有如一位不修邊幅既大隻佬,完全冇晒線條(細緻),只感到力量 ，但可惜既係,呢d力量完全變成躁音
第四號佳麗：正如bmb_hd師兄話齋細緻度回來了 ，質感,連貫性都好好
rockychan
講番四部機的表現，第一部無得cal唔講，其餘三部的音質的也不錯，只是某些位表達方式有啲唔同﹗口味嘢多過比高下﹗
第二部：比到最大驚喜我，細節多，surround效果最明顯，但高音多了點。
第三部：聽得比第二部舒服，但感覺啲聲無第二部咁立體，底頻控制比第二部好些﹗
第四部：底頻較第三部更大舊，聽超人特工時，配樂同音效有點黏在一起的感覺，但第二套又無
喎，唔知係咪較低volume有關﹗
聽兩隻碟去體驗三部機的特性，我想都係係咁E攞個感覺，要聽多啲碟先能作準，但最令我驚喜係無一部明顯比下去，證明cary性價比真高﹗
我估，第二部：Anthem
第三部：Classe
第四部：Cary
ryanenen
弟一部高音好出好標, 有少少燥, 低频控制比弟二, 三部差, 中低吾夠punch, 其餘表現吾錯,
弟二部一開声,我巳有好感,各樣平均, 高音無弟一部甘刺耳, 低频量同控制力都恰到好處, 中低频punch 三部中最好, 睇GI Joe 黑白隱者对打時, 有幾下兵噐打落木門到既声效, 弟二部表現最實淨, 岩我口味.
弟三部表現最平實, 樣樣都平衡, 但欠了刺激感, 谈口味, 低頻收得快, 反而覺得低頻有少少掘. 睇GI Joe 隱者係山崖对打, 有幾个慢鏡shots, 低頻跟慢鏡出時, 弟三部明顯比其餘兩部收得太快同量少. 而弟二部係依个位, 表現比較好.
三部我最喜歡弟二部声效, 岩口味. 係一分錢一分貨定律影响下, 我估左弟二部係最貴果部.
弟一部: Cary 12
弟二部: Classe 800
弟三部: Anthem D2V
今次比併4部av processors, 各有自己音色, 真係無話邊部贏邊部.
反而cary 12 真係C/P值好高.
ice_man
因為部Krell S1200韌體問題而未能調校好，只係開機作示範所以唔計，雖然未set好但我覺得都唔太差，算係高分析力及力量型。
第一部機一開聲，即時發覺细緻度同密度都幾高，音場宏大氣勢磅礡，高頻清脆利落，忍者拔劍出黎嘅時候感覺到極為鋒利嘅聲音，亦因為咁樣感覺可能會剌耳一點，如講耐聽度的話相對就會差些少，而中頻亦相當清晰，低音控制力亦非常之好。
第二部細緻度不及第一部，而音場感覺比第一部缩減了，而係細緻度相對第一部就差一點，特別係忍者拔劍時嘅金屬磨擦聲得無咁滿清脆，感覺冇第一部咁鋒利，但耐聽度相對會高一啲。而低頻方面就潛得非常深，係三部當中最強勁有力，但就收得無咁緊，較為鬆一啲。整體黎講算係比較重口味，非常適合比較重口味嘅師兄。
第三部感覺細緻度返晒黎，中頻清脆有力，係三部機之中最有Punch感，出拳時嘅聲效嘢嘢打心口，可惜低頻量感是三部之中最弱，冇第一同埋第二部咁狠勁，仲差啲感覺唔到隻KEF REFERENCE 209 Sub仔正在工作，所以整體上刺激感會差些少，而包圍感就相當唔錯。
第一部估佢係 Classé Audio SSP-800
第二部估佢係 Cary 12
第三部估佢係 Anthem D2V
claero
繼聽完krell後，第一部一出聲分析力超班 ，幼細的質感,底聲空氣感極出，心諗有機會anthem ,再聽雖然偏薄同過清但仍保持濕潤同hifi聲,，起動強勁，配樂交響樂咁嘅氣勢，個下飛標迥音正到呢 ，跟手幾個忍者轉缐軌跡亦非常明確，總括我覺得配塔最差係呢部，主聲道中頻低頻收太緊，純粹部機個質同控制力頂住，如果吾係一定好抄耳
第二部一開聲喑左空氣感細左個圈，平均左中低有番量感，配樂相對第一部無咁出，低頻比較散，起動比一同三弱，算自然平均比較夾到的一部,個人集中力開始下降
第三部一出個人醒神番啲 ，分析力出番好多但空間無第一部咁出，音色非常清澈，起動收放同第一部差吾多，環繞亦出色、中低量感比第一部平均有肉地、整體舒服又夠勁，幾肯呢部先係anthem,咁第一部就應該係classe 了
三部我最喜歡弟一部声效, 岩口味. 係一分錢一分貨定律影响下, Cary 交足功課,如classe配鬆啲低頻缐相信表現幾級跳
Classe
Cary
Anthem
BoB182
第一部聽感係音場好闊，高音可以去得好盡。
由其係D飛鏢聲好利，我又唔覺介耳重好鍾意添。
低音方面層次好好，但個人覺得量感比較小。
所以我估呢部係Anthem D2V
第二部一聽已經估佢係Cary 12，
聲音埋身，低音量三部中最多。
不過聲音就三部中最濛，但爆戲嘅刺激感最好。
第三部聽感好舒服，好耐聽。
由其睇超人特攻隊後面D配樂聲最出，音樂感較強非常好聽。
不過低音量就三部中最差，由其最尾黑忍者爆雪山一幕。
直頭覺得唔夠喉，可能因為自己比較重口味（低音）。
所以我估呢部係Classe SSP800
最尾可以講下部Krell S1200，雖然部機Set唔到唔可以參賽。
但呢部野應該唔講得笑，係乜都冇Set之下。
我竟然覺得佢係4部機中低音層次同量感最好，勁呀。 |
|
IP卡
狗仔卡
發表於 2013-9-11 21:51:47
提升卡
置頂卡
沉默卡
喧囂卡
變色卡
顯身卡
發表於 2013-9-12 21:32:26
發表於 2013-9-12 22:23:54
