十仔擺放位置可唔可以在前置之外？

patrick123456

睇好多 demo 既相 / 圖, 十仔都係放在前置喇叭之間 (如下)

f.left/ hi-fi 櫃 / 十仔 / right

但小弟對前置同中間既 hifi 櫃就剛剛好 fit 晒位, 無得再放十仔在中間,
咁請問十仔可否放在前置喇叭既外邊？(如下)

f.left/ hi-fi 櫃 / right / 十仔

thanks!

hkp1196

十仔無話一定要放前置中間, 米樂就將十仔放牆角....................

白影

放係中置下只是THX的建議擺法之一, DTS同dolby都有唔同既建議, 所以唔係一定的, 因為那些建議擺位本身附帶的聲學環境已不是一般家庭可以達到。

放係中置下的一般好處是比較容易把超低音融入中/前置聲, 而且當大多數電視近一半主要聲音是由中置傳出時, 十仔於中置下的好處是很明顯的。

但如之前說, 家庭環境是重要考慮之一, 而且十仔聲本身是無指向性的,
假設超低音是指80HZ以下(THX建議的分頻點)
Wavelength=330/80    (330是聲音每秒速度 (米, 於22-25度))
即是4.125米, 即是說80HZ要走了4米多先有完整Wavelength,
所以於一般家庭中, 聽到的已一定由不同方向而來的反射聲,
而人的聽範最低可以聽到是20HZ (無乜十仔可以去到咁低)
即是16.5米!

所以於數字上, 十仔點放都可以, 但仲有要考慮的環境上出現的駐波問題,
簡單是說當兩組或以上相同Wavelength的聲音於某點同時到達而重疊,
本身的波峰及波谷就會加大, 再簡單講就係大家說的booming

只要放一個位置而不出現booming那就是最基本的一步
以長方型的環境, 有學說放於3:7位置就可以, 但當中未計現行環境中的家具

不過打打下字, 我記得師傅的一句, 「耳仔收貨」
你可以試放你環境中容許的擺位, 之後聽下, 好的十仔聲最基本的要求是隱形,
融入於各聲道之中, 只要做到此點, 基本上之後只是十仔聲底表現的調校,
但要做到完係隱形卻是一件很難做到的事, 呵呵。

patrick123456

放係中置下只是THX的建議擺法之一, DTS同dolby都有唔同既建議, 所以唔係一定的, 因為那些建議擺位本身附帶 ...
白影 發表於 2011-1-3 14:28

多謝 ching 咁詳細既解答先!
如我無誤解, 即是 subwoofer 應該要放得遠一點, 加長聲音由 subwoofer 走到耳朵之間的距離,
所以有人會將 subwoofer 向牆去放, 做反射令聲音走更多的路程, 對嗎？

如果係咁, 是否如 subwoofer 放在前置後面都 ok, 但就一定要向牆做反射？
如直接向住前置既 pat pat 是否有問題？  或打橫向住 hifi 櫃 (唔貼實) 又得唔得呢？

thanks!

白影

多謝 ching 咁詳細既解答先!
如我無誤解, 即是 subwoofer 應該要放得遠一點, 加長聲音由 subwoofer 走到 ...
patrick123456 發表於 2011-1-3 15:46

如我無誤解, 即是 subwoofer 應該要放得遠一點, 加長聲音由 subwoofer 走到耳朵之間的距離,

「應該要放得遠一點,」理論上係, 但仲有很多野考慮, 現實環境的影響性, 反射出來的聲音變化。

所以有人會將 subwoofer 向牆去放, 做反射令聲音走更多的路程, 對嗎？

不對, MK提出的backfire, 是為了加大量感同包圍感。

如果係咁, 是否如 subwoofer 放在前置後面都 ok, 但就一定要向牆做反射？
如直接向住前置既 pat pat 是否有問題？  或打橫向住 hifi 櫃 (唔貼實) 又得唔得呢？

放係前置後如果直接向前置, 會好影響前置表現, 放大的一個比喻, 即係你不斷用手搖你既喇叭, 向HI櫃, 好易出現AV友講既家私出聲。


thanks!

不用言謝, 我都係亂吹的新手, 呵呵。
最後, 其實最簡單的方法就是自己去慢慢試, 因為大家的環境唔同, 就算大家用同一套野, 同一個設定, 套野係你的環境中表現出來的聲音都是獨一無異的,
所以理論還理論, 那只是幫助了解基本的調校同擺位, 到最後還是實戰中的經驗累積最重要, 而所謂實戰就是不斷嘗試。