本帖最後由 bigpun1975 於 2011-1-14 09:47 編輯
第二章:無腳的雀仔
自從同三叔分開咗之後, 總要揾番個伴, 素聞P 仔血统優良, 又無暗病, 所以無幾耐就同佢行埋咗喇.......
但係唔知係咪重未能忘記同三叔分手嘅傷痛, 搞到我有啲失常, 重不自覺哋係咁掉野添......
原本間屋係咁嘅樣.....
變成咁.....
無腳嘅雀仔(喇叭) , 終於要落番地喇.....
本來用番原裝嘅膠墊, 墊住喇叭與腳架之間, 發覺低頻濛, 聲音死咕咕咁o 之後用咗個最危險嘅方法, 就係對書架喇叭落番釘之後先放落腳架道, 出嚟啲聲有番啲彈跳力, 生猛番, 但係高音都係略為sharp一啲, 呢個時候, 住我隔離嗰個毒王, 又拎啲野嚟毒我.....
其貌不洋嘅FE釘墊
無錯, 就係佢, 一墊咗之後, 第一個感覺係: 點解聽啲野好似慢咗咁嘅!! 再聽落去, 發覺高音收圓咗, 低頻控制力好咗, 啲野慢慢嚟, 無之前好似趕收工咁, 最後套釘墊又要同佢主人講再見喇
條mogami 3173 訊號線都玩咗成年, 想轉吓口味.....
比我睇中肥仔條野, 一於借嚟試下先...
依條線啱曬我口味, 高低延伸好, 空氣感亦佳, 聲底暖, 正 ....咁當然又再次破財啦
待續... |