摩改Jas Audio Orior Grand

halfnew

原本都無諗過寫分享文，只是簡單的換內接缐，所以連相都無影，但改善之大簡直出呼意料，忍不住跟大家分享，遲D再補相

經高人指點，前一個週六將orior grand內接線換上taralab 8n speaker cable, 高音single run, 低音double run。這已是我改第三個喇叭，先換右喇叭以對比換前換後的分別，經兩個多小時搞掂，我都覺得我手腳慢！

即刻試聽，陳百強sacd, 未run in 下，較焗促，較濛，但都有左邊的七八成功力，心想唔知要等幾耐先可以有較好表現，我條jmr 1132的經驗200 hr D聲都未定。

但聽了四五小時後，有D樂器叮叮聲明顯從右邊走過來，再比較左右speaker的聲，係喎，右邊的叮叮聲真係好D，不過整體D聲仲係左邊好D。

如是者，大約聽咗八小時，好似左右都幾平衡，再分開左右邊細聽，我會話左右質素差唔多，估唔到只係8小時有咁嘅效果。

再一路聽，大約去到12hr,  聽緊Shostakovich Symphony #5 single layer sacd，我頂唔順啦，左右完全唔同聲，右邊通透很多，立體感多好多，有活力，聽多很多細節，再聽左邊，平面，沉悶，粗聲。再換陳百強做比較，右邊聽到唔願停，左邊聽了兩秒便彈開。因已夜，第二日即刻把左邊喇叭換內接線。

左邊喇叭也經歷跟左邊相差的變化，到現在，右邊約run in 22hr, 左邊大約10hr, 右邊的通透度音素仍比左邊好好多，但已聽得很開心，玩咗音響10年第一次覺得自己套嘢係自己標準叫合格，現在聽緊林子祥sacd, 剛試過佢個sacd層同cd層，發覺兩者的分別很大，sacd好聲好多，以往試過很多隻碟也只覺得sacd層小勝，忍不住過用原音2012比較，發覺兩層的分別明顯大過未接線時很多，真的很開心！