兩聲道首次夜晚聚會 - 有源喇叭同好聚會

racewong

話說最近HIENDY吹起一片ACTIVE SPEAKER風. 當然要多謝CCHOME兄開個咁靚既POST比ACTIVE友分享下玩有源喇叭既技術或分享.

我見大家都傾得咁開心, 所以就問國聲借左個場, 喺今天星期五晚19:15開始既聚會.

而我地既目標當然係三對FOCAL ACTIVE SPEAKER啦.



唔知係咪星期五晚, 各會員收左工就出旺角聚一聚, 各人既輕鬆心情SHOW晒喺塊面上.

未開場前, 各會員與國聲員工有說有笑, 等齊人就開始聽下今日既主角 - FOCAL有源喇叭.



而國聲為我地首先安排左一對入門FOCAL SOLO6既有源喇叭, 以於前面既器材分別係

CEC TL0X





最新既白金鹿



前級就使用AYRE





當然唔少得一眾SINE 電源處理啦.





大家用對SOLO6聽左兩首歌, 發覺對SOLO6喺這個有二三佰尺既環境下, 加上成十個麻甩佬個吸音下, 發揮的確未如理想. 可說是有D勉強.

聽國聲職員講, SOLO6用家多數都是放在電腦枱前, 空間最多都係一般百幾尺既客廳, 所以今次只是比我地簡單聽下SOLO6的音色.

我鎗王當然唔會聽完SOLO6就收貨啦, 所以我就要求搵對TWIN6聽下. 這對TWIN6特別之處係喇叭背有個制可以比你選擇邊個做中音單元, 邊個做低音單元. 仲有可以打橫放又得, 打直放又得.



TWIN6多個隻單元, 加上喇叭入面對AMP由SOLO6既250W增加至400W. 全頻厚度得以全面提升. 而我今晚帶去分享既CD, 大部份都係以LIVE為主, 所以大家都覺得這TWIN6比SOLO6, 喺聲色音效來說, 強左不只一倍.

用TWIN6聽多兩首鋼琴, 大家都急不及待, 要求換上SM9再聽多一次.













國聲員工亦為會員介紹這對FOCAL ACTIVE旗艦SM9有咩特點.







這是我今晚為大家準備既CD...希望無毒死大家啦...



後話 - 這次的確係HIENDY兩聲道第一次喺平日晚上攪既小型聚會, 大家收左工輕輕鬆鬆咁聽一陣歌. 其實都幾RELAX.

你地想唔想我攪多D依類型既小型聚會? 地點最好當然係旺角啦. 如果你地都有興趣, 我就約多幾間代理, 比我地一齊去上玩番晚, 聚一聚, 聽完歌仲可以一齊食埋飯先返屋企. 諗起都興奮!





http://www.hiendy.com/hififorum/ ... &extra=page%3D1

ma73

thanks for sharing

kelvncyl

最正隻鄧麗君CD, 打算睇下幾錢, 如果價錢OK或者會考慮入手, 點知剛睇R33, 日版天龍版開$1500都已經交收完成

版主呢隻真值錢, 如果可以問佢借完之後......
下次有機會再攪試聽會, 要把握機會再聽多次了, 如果唔係冇機會聽到

racewong

kelvncyl 發表於 2015-12-12 13:15
最正隻鄧麗君CD, 打算睇下幾錢, 如果價錢OK或者會考慮入手, 點知剛睇R33, 日版天龍版開$1500都已經交收完成 ...

嘩! 升到千五蚊?

racewong

kelvncyl 發表於 2015-12-12 13:15
最正隻鄧麗君CD, 打算睇下幾錢, 如果價錢OK或者會考慮入手, 點知剛睇R33, 日版天龍版開$1500都已經交收完成 ...

原來個個都比隻小鄧毒死左.

我自已己就比部Cec毒到成晚訓唔著

CHRISTTL

三隻focal有源實力都十分高，高音三隻都交到貨，但低頻，控制力同氣勢上SM9明顯正好多適合較大空間去發揮。Active monitor省卻後級的匹配，性價比
本來相參加埋晚飯，但今日又要參加方浪活動所以要早D返去交人希望下次join la