温哥華發燒友家訪報告(五) - 一對誘人的中形波

eds60

要先多謝温哥華的C君， 全靠他介紹上一篇家訪的 Norman兄和本篇家訪的 Simon兄給我認識。

聽說 Simon兄玩 HiFi 時間不算長， 但已玩了不少名器。 之前用 PMC MB2 加 Elac 4pi plus、 BAT VK50前級、 Jadis JA80 單聲道後級、 Krell MD1 CD 盤、 64 解碼、 Sonic Frontier phono amp 和 Pierre Lurne Audiomeca J4 盤加 SL5 直切臂和 Benz Micro 唱頭。 因 Jadis JA80 唔夠力推動 MB2。 後來升級至4件頭 Cello Performance。Simon兄認為 MB2 的 transmission line 迷官式聲箱設計， 低音量對於他的聽音空間來說有點多。 結果換了現用的 30週年 ATC Anniversary 100 有源版，即內置電子分音和三份擴音機分別推高、中、低音單元。 ATC 最厲害的武器就是球型中音單元， 編號 SM-150S。 ATC 内置擴音機為 50w 推高音、100w 推中音和 200w 推低音。 Anniversary 100 用的是 class A 功放，而普通有源的 ATC 用 class AB 功放。 喇叭後方， 雖然熱量不少。 但對於一部純A的後級來說，並不算很熱， 尤其是每聲道共 350w。我個人認為它的 class A bias 没有調得很高。  除了熱量不算高外， 用電量也不算高。  從 Torus 電源處理器的顯示表可見，全套機插進去只用 4.5A 電流。 我所用的每聲道 25w class A 後級在我的 Exact Power EP15A 顯示用接近4A 電流， 而且後級上的散熱片更熱。 聲音亦反映出來。 一般 Class A 後級音色較暖。 而Anniversary 100 所發出的聲音並不屬於厚暖類型。 Simon兄説從 BAT 前級升級至 Audio Research Reference 2 mk2 的分別相當大。



















黑膠盤， Pierre Lurne Audiomeca J4 和原廠 SL5直線循跡臂連原裝碟壓算是較冷門牌子。 來自法國，是彈弓盤， 用3隻特製大直徑彈弓。 特別避震系統稱為 Double compliance suspension, 諧振低於 3hz。 唱盤重66磅。 我睇了一篇 Stereophile 1987年12月的一篇文章。Pierre Lurne 的公司在 1983年設計和生產 Goldmund Studietto 唱盤。 次年設計和生產 了 T5 直線循跡臂。1986年 Goldmund 把公司由法國搬往瑞士後，合作關係停止。 Pierre Lurne 生產屬於自己的唱盤， Audiomeca J1, $2700US。 1987年在 CES 展出。











至於音效如何， 暫時唔講住。 先講下如要有好效果必須要做的事情。 初接觸 HiFi 的朋友可能認為買一套貴價器材便可獲得好聲音。 基本上是對的想法， 不過小弟認為有兩樣嘢更重要， 如沒處理好。 套系統可能連一半都發揮唔到。


電

純正乾淨的電對器材發揮極其重要。 如果唔重要，沒有人會願意花費幾萬或以上來買電源處理器。玩電要在電源處理器或牆蘇之前就要開始做起。 先講下我自己先。 加拿大的電是 120V 15A。 如果住獨立屋，電源已經相當乾淨和穩定。 就算大厦，人口密度仍遠低於香港。 我在同一屋內， 在3個不同廳和房放我套又舊又平的系統(被迫遷)。 3個聽音空間都從電箱拖兩條獨立電。 第二、三次是找有牌電工安裝。 兩次都是用 10 gauge solid core 銅線， 不同只是上次用 15A 跳掣， 現在用 20A 跳掣。我和認識的 HiFi 友一樣。 電工一定會問裝咁粗既入牆線用來接什麼和唔駛用咁粗。不過我堅持要用。

Simon兄是做電力工程的。 今次有意外收獲，可以偷師和請教。 當我提及我的做法後。 他表示他未玩 HiFi 前，曾有客人要求裝 30A 獨立線。 他對客人表示幫你度過，你套機跟本用唔到咁多電。 客人話你唔明的， 總之多點電唔限流會好聲D。Simon兄玩 HiFi 後終於明白那發燒友客人為何要求裝30A 獨立線了。 他從電箱拖兩條 50A 到牆蘇 和打一條 10尺長銅棒在屋外地底做 grounding。他用 6 gauge 工業用 prack線， 耐壓達 1000V。 多芯獨立包裝和多層不同物料絕緣物包裹。 內部線材不會受外來干擾。 他說我用的只是外皮是膠， 效果不及 prack線。 擋不到外來干擾和耐壓只有300V。 不過兩條獨立 20A 已比什麼都不做差很遠了。 我問 Simon兄用到 30A 和 50A 唔識跳掣會否有危險。他說 hifi 器材有 fuse 是可以的。沒有 fuse 的家電就不要插進去。Simon兄說他遲早會從電力公司的來電，直接拖一條入獨立電箱。 完全和家用電分開。









房間處理

Simon兄把系統放在其中一個廳內， 沒有牆身間隔。 在左邊有大面積玻璃窗。 皇帝位後面有牆， 不過左後方有約3、4尺沒牆身。 右邊是相連飯廳沒有間隔。 Simon兄用簾和簾後用白色foam diffusers 作為聽音空間和飯廳的間隔。 天花板亦是用這種從中國訂回來的 foam diffusers。 聽音空間右邊和飯廳有間隔非常重要。 想要有較佳音場和定位感非處理不可, 當然做實牆效果更佳。 前牆的木製(white oak) diffusers 是 Simon兄的朋友幫手做的。 他説非常費時和很多工序， 花了5天才完成。手工非常好。 兩件裝在一起共4尺高和闊。 在木身嘖了層透明保護油。剩係買木都 $3000加元，約$18000HK。 以前曾用 mahgony 木做 diffusers。









今次聽了一些CD和黑膠。 CD 聽了 FIM K2HD sampler、陳潔麗醉花蔭和 Dave Brubeck Time Out。 聽陳潔麗時， 人聲通透之餘並不薄聲有感情，與我在不同組合聽過此碟的人聲感覺很不同。這中音單元充滿質感和能量感， 不帶任何音染。 完全不像在聽純A後級的甜暖厚潤感覺。

聽 Time out 時， saxphone 能量感十足 。 高音自然伸展， 不是金光閃閃類型刺穿耳膜的高音。 12寸低音把套鼓和 double bass 表現得有勁度、有速度、結實而受控。 高、中、低音十分平直， 完全不强調任何頻段。 這正是 Simon兄喜愛 Anniversary 100 的原因。

可能有人會認為套舊 Krell 數碼系統應該要换了。 第一首聽的歌是用黑膠聽弦樂。 之後先聽CD，最後聽番黑膠。 其實 Krell 的表現仍不差。 最後聽黑膠播 Emil Gilels 的 Brahams Piano Concerto。 音色優美自然，我陶醉在樂聲中而沒有去留意任何音效上的分析了。

最後一提，聽黑膠時唱臂上有燈在閃動。 原來是用來顯示唱臂正在作出調整。一邊唱一邊自行調整。

remychiu

A門同學，呢篇作文吾錯，夠詳盡! 我資質愚昧人又老吸收慢，但總算睇晒。
屋主真識歎，30週年 ATC Anniversary 100有源同埋MB2都係一對喇叭，尤其低音雖然取向不同，但同屬過引非常。另電、房間處理亦見到不悉功本兼用心處理，真係睇完即興(非常高興)，我相信閣下不久將來可出一書「家訪逍遙遊」。
後話 : 快D再出另一家訪、吾好偷懶

eds60

remychiu 發表於 2016-4-28 14:29
A門同學，呢篇作文吾錯，夠詳盡! 我資質愚昧人又老吸收慢，但總算睇晒。
屋主真識歎，30週年 ATC  ...

remychiu兄，多謝支持。

尚未找到家訪對像。 仲等緊朋友介紹。

necrobutcher

正啊！！！

hksarac

ATC +Cardas+胆，陳潔麗想薄聲都幾難

timmywan

睇你的分享真係學到嘢
更加發覺自己的不足，甘就有改善空間

kslsfz

最正就係枝銅棒，可惜香港很難做到

7500martin

台Audiomeca J4真係好靚仔!

racewong

kslsfz 發表於 2016-4-28 19:05
最正就係枝銅棒，可惜香港很難做到

最正就係枝銅棒，可惜香港很難做到 x 2

eds60

kslsfz 發表於 2016-4-28 19:05
最正就係枝銅棒，可惜香港很難做到

kslsfz兄，第二篇家訪物主D君有在朋友家 AB 比較銀地盒和10尺銅棒在地底有何不同。 他的朋友向他説銅棒會受天氣影響而有負面效果。

温哥華發燒友家訪報告(二)  - 多聲道聽歌和睇戲新體驗
http://www.hiendy.com/hififorum/ ... hread&tid=93875
(出處: Hiendy.com 影音俱樂部)

eds60

7500martin 發表於 2016-4-28 21:32
台Audiomeca J4真係好靚仔!

Martin兄，據物主講温哥華好可能只有兩部 J4。

Samson2011

睇你的分享真係學到嘢 x 2
Thank you for sharing

GREENSPAN

eds60 發表於 2016-4-28 19:14
kslsfz兄，第二篇家訪物主D君有在朋友家 AB 比較銀地盒和10尺銅棒在地底有何不同。 他的朋友向他説銅棒會 ...

Eds 兄,

其實照一般做法喺屋内駁水喉會唔會比另外駁條銅更有效呢, 因為水喉入面有水流動, 照計grounding 能力應該比就咁一條銅條吸收得更有力吧.

如果會受天氣影响, 原因是否不及水喉埋得深呢? 你朋友做電的可否問問他看法.

eds60

GREENSPAN 發表於 2016-4-29 09:44
Eds 兄,

其實照一般做法喺屋内駁水喉會唔會比另外駁條銅更有效呢, 因為水喉入面有水流動, 照計grounding ...

唔記得問呢個問題。

kslsfz

我咁講因為我以前做過醫療儀器，在神經電生理中有一種diagnostic equipment叫做Evoked potential measurement。訊號係所有人體訊號中最弱，比腦電圖弱好多，部機如果接地不良，的噪音干擾馬上在個monitor visualize到。任你點搞都無用，有啲用户直情整個Shielding room將部機同個病人放入去，但係個shielding cage個地接得唔好，一樣哂氣，以前被啲落後國家一味投訴部機，十次有十次都係間醫院個grounding不良，無論接插頭定係水管都無用，只要insist要佢地自己跟足spec打一條銅柱獨立地，幾長幾粗幾深跟到足，馬上啲波出哂嚟靚仔非常，如果自己聽hifi有條獨立地，一定靚聲。

eds60

kslsfz 發表於 2016-4-29 11:07
我咁講因為我以前做過醫療儀器，在神經電生理中有一種diagnostic equipment叫做Evoked potential measureme ...

明白晒。

kslsfz

以前睇音響之路話班神木佬金山勇士聽hifi前直情倒啲盐水落枝銅棒，不過咁搞法以後方圖數尺寸草不生！

Law記

有心機&水準之作
中左家訪毒嘅人一般會不斷升級

eds60

Law記 發表於 2016-4-29 12:00
有心機&水準之作
中左家訪毒嘅人一般會不斷升級

除咗我。 真窮人唔怕中毒。同埋換少少嘢 upgrade 係冇用的。

eds60

kslsfz 發表於 2016-4-29 11:16
以前睇音響之路話班神木佬金山勇士聽hifi前直情倒啲盐水落枝銅棒，不過咁搞法以後方圖數尺寸草不生！ ...

師兄二十幾年前已睇 hifi，如果唔係都唔識金山勇士。音響之路有金山勇士嗎？我只是在發燒睇過。