本帖最後由 7500martin 於 2016-5-1 18:16 編輯
借得嚟玩, 就一定要還! 想吾還!? 音響事, 自然銀紙解決! 話説點調點校, 都校不出用上Harmonix TU-812MX唱片碟壓那種聲音! 左思右想! 死就死啦！ 反正我前面已經有好幾個死士! 多我一個吾嫌多!埋單鬆人之際, 個屎肥仔sell屎又露出一副貓哭老鼠可憐相. 四萬咁口攞出一對金色大孖潤腸! 攞返去玩當答謝我多年支持! 心諗你話㗎! 身為男人, 有窿吾入, 仲係男人!
其實我都吾知乜名堂, 只知又係Zensati貴價model! 今次純講聽感! 因為開聲已知家中無一對線係同Grade! 因此比較都多餘!
玩開貴線的金錢幫, 都應該知道頂級線材必定有以下幾個特點!
- 能量感强
- 密度超高
- 性格剛烈
捨下沿用多年的TaraLab 0.8 (CD機至前級), 換上Zensati Seraphim! 明顯感覺密度超强, 音場完全密不透風, 相比售價只是四份一的0.8, 即時發覺0.8音場稀薄. 自問小弟較為喜歡斬釘截鐵式清爽聲音, 因此對Zensati的性格, 小弟不算有大愛! 去到老頂Seraphim, 依然保留Zensati性格, 聲音依然帶點黏性, 下盤飽滿, 質感強, 高頻略帶輕微修飾! 整体是有着微微討人歡喜的音色!
不算過份, 但毒性十足十! 聽了一整晚, 只會有令人愈聽愈想聽下去的衝動, 以小弟試過有限貴線的經驗, 我會將Seraphim歸為Crystal - Absolute Dream 那一類! 強調音樂中的Passion, 而非HiFi元素! 但又相對來得平均和中性一些!
講到能量感, 頂級型號線材, 通常能量感超强. 聆聽環境假如有好幾百尺確是不錯, 但以一般一二百尺窩居卻好多時攪到通屋奇應!
可惜這亦是一般發燒友的通病! (包括小弟) 貪大貪老頂! 最後可能又要用另一条性格更強烈的線材來去遮遮掩掩. 絶對揾自己笨! 以往試過Nordost Odin 訊號線和Stage III頂級電波線便是在小弟窩居有此問題. 錯不在線材, 只是錯在小弟太窮, 買不起大屋.
僥倖地, Zensati Seraphim在小弟的窩居上没有此問題. 當然這不是代表Seraphim没有頂級線材的料子! 至少那種音場深闊層次和一浪接一浪的低頻暗湧我是從未在我現有的組合感受過! 結像玲瓏浮突, 人味不足, 相反突顯出自用的0.8, 音場過於平面, 人聲表達亦過於機械和呵刻, 缺乏耐聽的元素.
總括來説, 假如要我去形容Zensati Seraphim, 我會形容他是一個平易近人, 君子不出惡言的大好人! (但賣線個位屎肥仔絶對相反!!!) 某程度上甚至有隱惡揚善修飾之美! 就算我聽一些質素較差的file, 聲音依然有聽高級CD的感覺! 最後個屎肥仔sell屎問我, 今次尼条Zensati掂吾掂！我答好惦！ 還非常喜歡! 但可惜這些機會不是屬於我! ! 你今次揾錯水魚了！
|
IP卡
狗仔卡
發表於 2016-5-1 18:15:15
提升卡
置頂卡
沉默卡
喧囂卡
變色卡
顯身卡
發表於 2016-5-1 19:05:28
……精彩！
