終於都中近期兩款大熱 fuse!

里克1

之前都冇諗過玩fuse, 一來自己唔熟電呢家嘢, 二來怕粒fuse 改變我器材聲底...

直至有日, 一條免费hifi tuning送俾我, 好啦, 還掂唔使錢就試下啦.

只放心用响個CAS player 度因為覺得佢對整套器材聲底影响最少. 雖然要開機縠, 換fuse 冇我想像咁難. ok, 果然有D提升, 主要係靜咗, 咁對分隔度自然亦有所提升.  對音色影响亦有限. 整體算正面, 可以留低. (後來知到咗個價錢...重想點呀)

有了小甜頭, 覺得好多C兄話fuse 投資少回報大冇講大話. 開始想玩落去.  因為換線換器材實在太貴啦, 今時今日想提升只有玩呢D附件或者本土產品.  

Dac 同preamp係我下一個目標. 先買條俾dac, 是獲好評的SR black. 的確如網上分享, 方向會分別, 我就選用質感實在的那一方向.  因為我對source 的要求係要出真實聲音. SR black 的質感提升係對真實感有幫助的. 而另一方向雖然音場大但感覺有D亂唔自然.   

跟住到preamp, 目標都係SR black, 原來朋友有條可以借俾我試, 唔使買住.  快快換埋試下. 點解咁既, 聲音太"行", 而且音埸略有收窄.  變得唔耐聽.  同我想像都幾大出入. 想試另一邊竟然燒埋. 要賠錢.

响度見infinity power出咗第4代新fuse話跟SR black同級. 行開hifi show都有得賣, 問價錢又唔差太遠, 決定買咗支for 2channel 用的8000嚟玩下.  近排多嘢做呢幾日先得閒試.  一插, 聲音感覺音場大但聲音有D鬆散. 於是換另一邊, 咦, 質感有喎, 但冇 SR black 咁勁. 重有少少堂音添, 就用呢邊啦.  雖然高音同音場出咗D, 煲佢一晚應該會有改善.

點知第二日再聽, 咦, 點解咁既, 高音都係咁標, 唔耐聽. 唔通選錯方向? 再換方向試下. 細聽下真係順耳好多. 可能我用咗SR black 的質感去期望Infiinity power 8000. 佢地根本唔同效果. 由於之前個方向已煲咗一晚, 而家倒轉方向都要煲番晚先作準.

煲咗一晚後再聽, 我可以話而家先聽到infinity power 8000真正實力. 質感唔係佢強項. 佢會俾到宏大音場加迷人堂音音色, 但又唔太有味道. 而這迷人音色音場這正正係對前級所期望. 質感強唔係我前級聲底.  佢比SR black 更適合用响我個前級, 勉強改變冇幸褔.

總結可以話呢次fuse 升級係成功滿意的. SR black 同infinity power 8000 各有優點.  用fuse 始終都係要講配合器材, 跟器材個性配合就真係投入少而回報大.

bigpun1975

好詳細

racewong

同我既測試大致相同

pepsiman

呢期我都俾佢玩屎....

chanche927

始終SR做開大电流產品, power amp 用SR is the most recommendation....

Xylitol1

I am also using 8000 fuse in cd transport nowadays.  
In comparison with my old SR red fuse, it feels more musical and richer / expensive tone.  I also tried Sr black before, definitely not my cup of tea.  It is super dense sound, but everything sound squashed together. Just my two cents.

vhs