六年前, 初玩HIFI, 以一條ACROLINK 4030為我既目標. 當年大賣既ACROLINK型號, 到今天2014年, 都係好多初燒師兄既至愛.
兩三年前, 當我仲用緊我部二嫂X-01LTD既時侯,
曾經對ACROLINK有過一番研究. 記得當時ACROLINK最頂級MODEL係PC-9100, 我老友肥棍仲買左條插喺佢部K03添! 第一次上去佢屋企聽K03 + PC9100, 被佢地既合拍所深深吸引, 二嫂K03既精準, 配以9100既連貫性, 使得音樂感大為提升. 貪心D咁諗, 如果可以在高頻/超高頻再加多一點點華麗感, 分析力再強D既話, 就完美了.
上兩星期, 大昌通知ACROLINK有條老頂PC-9500到港, 我當然好有興趣拎黎試試, 睇下夾唔夾我部CD8啦.
到手既PC-9500, 一貫ACROLINK紙盒裝, 入面膠袋袋住條PC9500. 睇睇佢既造功, 同PC9100 / PC9200 / PC9300差唔多, 都係炭纖頭 + 硬身既紅色線身.
由於我現用既SHUNYATA ZITRON ANACONDA (下稱"ANACONDA")同PC-9500差唔多價位, 所以我自己都好有興趣知道兩者既分別係咩?
由代理送過黎既PC9500係15A頭, 所以今次測試, 我只能用我部ARC CD8作比較之用.
當使用ANACONDA聽左一首人聲, 一首古典爆棚後, 就換條PC9500試番頭先果兩首歌.
PC9500初步聽感比到我一種沉穩, 寧靜既感覺. 你地唔好諗住夠沉穩, 夠寧靜就係一條好PC呀! 無論咩線材, 要做到夠沉穩寧靜一D都唔難, 這可說是造線基本步添.
咁點先稱得上為一條好線呢? 尤其電源線, 寧靜+力水, 這已是必須品了. 但如要在寧靜背景下, 超高與高頻並無減少, 這就是頂級線既要求了.
PC9500在音效方面, 沉穩 / 寧靜, 低頻力感/量感, 中頻厚度都比ANACONDA略勝一籌. 就以這種輕微偏向性, 配合我部ARC CD8 + 屏風出黎既平衡度比使用ANACONDA, 顯得更耐聽, 質感更佳.
超高/高頻在PC9500的表達方式, 係一種屬於高密度質感既高頻, 佢無雙皇冠/ODIN果種既華麗高頻, 但由於質感特佳, 當配搭一D高頻特別出色既組合上, 就會顯得更夾. o係我套以屏風組合黎講, 換左PC9500, 其高頻擴散方面, 我絕對收晒貨! 音場方面只係在闊度細左小小. 高度適中.
如果說ANACONDA係高平衡度的話, PC9500就有輕微偏向中下盤. 如果配搭二嫂盤, 我諗會更有驚喜. 諗諗下, 我鄰居低音王咪用緊部P01轉盤囉. 哈哈. 過兩日拎埋去佢屋企毒鬼埋佢先.
由於條友仔唔想公開佢既器材, 所以我只能影佢部二嫂P01既玉照. 而佢既喇叭就係使用FOCAL GRAND UTOPIA二代.
當PC9500配上二嫂P01, 大家都嘩左一聲, D聲滑左好多, 背景靜左. 最主要既改善同我屋企既表現十分相似, 就係中頻水份好足, 下盤穩健. 至於高頻方面, 就明顯係偏向柔和易入耳.
總括黎講, ACROLINK這牌子能活上咁多個年頭, 佢既技術無可否認已到達最高階既層面. 在這價位中, 佢在中至中低頻有著明顯優勢. 如各網友用緊二嫂CDP / CDT的話, 我極力推薦你地一定要試試這條PC9500既魔力. 又如好似我套屏風組合咁, 想再改善密度質感與中低連貫性. 又係值得推介.
ACROLINK PC9500 1.5M 定價為 $27800 |
IP卡
狗仔卡
發表於 2014-4-12 11:03:34
提升卡
置頂卡
沉默卡
喧囂卡
變色卡
顯身卡
發表於 2014-4-12 11:10:32
是否oem來的？
