|
多謝大家既支持, Hiendy在香港音響圈入面越來越多人認識. 更加令到音響業界人士見到網上平台對Hifi發燒友既重要性. 而Hiendy既網友, 無論討論氣氛, 意見分享, 家訪互動, 都令代理們睇到心郁郁, 所以代理們都對Hiendy十分感興趣. 亦都見到各位發燒友, 無分彼此分享音響心得十分欣賞. 所以都想加入大家既行列. 而品牌區就係一個非常適合佢地既地方. 雖然品牌區未必可以好似Hiendy主區咁日日興旺. 但係大家可以透過呢個渠道同代理傾談最官方最真實既資料. 而每區既駐場版主都係代理公司入面資深既工作人員. 希望可以滿足大家既求知慾.
今次得到新漢建業有限公司, 聲望音響既協助, 成立5個相關品牌區. 包括Burmester, PMC, Devialet 及AMR, Shunyata Research. 希望大家可以多多支持. 而Music Elements 就係一間新成立既音響附件公司. 之前有網友都出過佢地產品既Post. Hiendy 都希望支持一下本地創作牌子.協助 Music Elements 建立官網. 請大家多多支持.
Hiendy品牌區成立左唔短時間, 見到有品牌區多姿多彩, 亦都有個別冷冷清清, 我係度想請大家幫個忙. 代理們其實都係開始摸索緊網上討論既技巧, 但係呢方面既經驗, 一定比起各位網友少, 所以希望大家可以多d參與, 令到佢地融入Hiendy既音響網上世界.
而Hiendy既宗旨一貫不變, 志在聚合一班hifi發燒友, 擴大音響/音樂人既圈子, 唔會參與任何音響買賣活動, 所以Hiendy只係一個中立角色. 希望可以令大家傾得安心, 玩得舒服.
|
評分
-
2
查看全部評分
-
|