安橋TX-RZ 3100

wildmanhk

安橋TX-RZ 3100 試玩篇

wildmanhk

試玩安橋TX-RZ 3100

自從我部環繞聲擴音機壞咗之後。有成年都冇再玩過AV，無響屋企睇過碟。手頭上仲有三四十隻藍光碟全新未開過。一心諗住等待最新嘅環繞聲擴音機出先至再買，而期間唯有一直苦等。喺呢段好失落空虛時侯好彩得hiendy版主百事兄相助，從安橋代理借來一部合併旗艦機Onkyo TX-RZ 3100一解我睇碟玩AV之苦，亦都使我了解到最新一代安橋產品嘅威力。首先申報下我自己嘅經驗，之前我玩過幾代馬仔6系、天龍6系、同劍橋7系。而安橋係我第一次嘅接觸，並且有幸一試就係玩佢老頂合併機TX-RZ 3100，而且足足玩足三個禮拜真係開心。

首先介紹下我屋企嘅器材。我係用緊一部60吋led Full hd嘅電視，前三聲道係用MK950，環繞聲係用MK M4t surround喇叭。天空喇叭係用JBL Control X，十仔係老登雙D12+，藍光機用Oppo 205，2 ch speaker 係Eventus Phobos 影院面積約170呎。而所有線材主要以AudioQuest同埋Arcolink為主。

由於呢部TX-RZ3100已經賣咗有一年多，所以詳細嘅資料我唔會再喺呢度講，係咁以交代一下主要嘅功能。Onkyo TX-RZ3100 為7.2.4 輸出，也繼續是市面上較少有一機可以出齊 11 聲道的選擇，用 Class D 驅動，配備了 Onkyo 自家的高電流數碼放大電路，每聲道輸出功率大幅提升至 340W。並且取獲 THX Select 2 Plus 認證。獨立用上一枚 32bit/384kHz AK4490 作兩聲道 DAC 及一對 32bit/768kHz AK4458 多聲道 DAC，分別負責左/右聲道及環繞聲道的數碼/模擬轉換。TX-RZ3100還對應傳輸 4K/60Hz/HDR/HDCP 2.2 影像訊號、網絡串流或 USB 直讀最高 11.2MHz DSD 及 24bit/192kHz PCM 數碼音樂訊號，以及支援 TIDAL 無損串流音樂平台及 AirPlay/Google Cast 網絡投放功能。

原生就已經支援Dolby Atmos，DTS ：X，而值得一提Dolby 系音效可轉換成 Dolby Surround 輸出，而 DTS 系音效則可使用 DTS Neural:X 功能。唯獨不能對應Auro 3D係有少少遺憾，亦可能較即將新上市的天龍及馬仔機輸蝕。眼見新機種三大制式有齊，真有不悅之感，但話說回頭能玩好當中其一制式已相當好，所以二話不說就開始去片。


而我主要今次係玩AV環繞聲及同兩聲道為目標。好就開始去片而試影片段我係用標殺令、悍戰太平洋、功夫熊貓等等一些舊片.....去試機。而在兩聲道係會用Pure direct直出推我對座地Eventus Phobos。題外話，安橋嘅服務真係抵讚，經電話聯絡之後第二日就準時送到我屋企，我隻傻貓都對呢部機好有興趣。係咁以影下前前後後，之後就上架嚟一張大合照先。


我家器材

我家器材

我隻傻貓都對呢部機好有興趣

我隻傻貓都對呢部機好有興趣

wildmanhk

為咗隆重其事！首先我都會重新setting過所有器材包括十仔。一開始先做一次Auto setup，不消10分鐘已有初步結果，其後出動咗音壓計同鐳射尺希望量度得更精準，並作一次手動調教，而為求原汁原味我將所有EQ都關閉，好啦！開始setting所有喇叭嘅分頻點距離同埋 db。


出動咗鐳射尺

出動咗鐳射尺

出動咗音壓計

出動咗音壓計

重新setting十仔

重新setting+仔

wildmanhk

初試聽感Onkyo TX-RZ 3100
環繞聲系統著重於包圍感，聲音也較為貼身聲爽快，整體音效包圍感，和方向感都相當令人滿意，而力度稍微偏柔。低頻反應出力量與深度共存，不會出現力大但肥腫的情況，而高頻悅耳不刺很耐聽。

在標殺令中的刀劍聲清脆俐落，流星鎚對打一幕包圍及空間感極高，低頻反應出感同身受打心口的感覺。

悍戰太平洋中的低頻反應相當快，在海中群揪一幕，海水及爆炸氣流的密度及分析力亦十分高，機械人被怪獸打的金屬聲好真實。

而在功夫熊貓中標鎗的方向及定位亦好準，雙眼緊閉下亦能清楚感受到標鎗的方向同力度。唯獨個人覺得主聲道和背景聲稍為拉得較遠，但因為音效定位方面十分準確，可彌補不足。

總括來講在新一代音效制式下，不單硬件提升，而在軟件發展的步伐真是一日千里。就以Onkyo TX-RZ3100為例，7.2.4 輸出340W，機身8 入 2 出的 HDMI 足夠大部分用家使用，支援 4K/60P 的 HDR 視訊。有Dolby Atmos，DTS ：X，雖則不能對應Auro 3D，但已確實領悟到真正天空聲道那種震撼的包圍音效，真的感覺是可以置身電影其中，相信日後更多時間留在家中煲碟。

2 ch明天待


海水及爆炸氣流的密度及分析力亦十分高

海水及爆炸氣流的密度及分析力亦十分高

機械人被怪獸打的金屬聲好真實

機械人被怪獸打的金屬聲好真實

低頻反應出感同身受打心口的感覺

低頻反應出感同身受打心口的感覺

流星鎚對打一幕包圍及空間感極高

流星鎚對打一幕包圍及空間感極高

wildmanhk

功夫熊貓

標鎗的方向及定位亦好準

標鎗的方向及定位亦好準

Shadow

很用心的分享，環境企理超正！

wildmanhk

Shadow 發表於 2017-12-19 05:59
很用心的分享，環境企理超正！

bigair

呢部萬幾蚊，屋企唔夠地方，一部搞掂晒，係幾抵玩

KennyKo2@FB

師兄,文筆寫得好好,精簡報告!

wildmanhk

bigair 發表於 2017-12-19 11:37
呢部萬幾蚊，屋企唔夠地方，一部搞掂晒，係幾抵玩

仲表現得有板有眼，一的都唔失禮，不愧係安橋合併老頂。如果唔使玩Auro 3D同欠少少4K最新的什摩eARC 等，真係入得過。

bigpun1975

依家D合併機越來越高質

wildmanhk

KennyKo2@FB 發表於 2017-12-19 12:41
師兄,文筆寫得好好,精簡報告!

謝謝誇獎

bigair

wildmanhk 發表於 2017-12-19 12:42
仲表現得有板有眼，一的都唔失禮，不愧係安橋合併老頂。如果唔使玩Auro 3D同欠少少4K最新的什摩eARC 等， ...

而家主要都係玩Atmos多，其他兩種制式都唔多戲有，而家買應該都可以玩3-5年

pepsiman

野男初試啼聲處男作果然非同凡響,用心之作...
以後要寫多D報告造福HIENDY會員...

wildmanhk

pepsiman 發表於 2017-12-19 15:25
野男初試啼聲處男作果然非同凡響,用心之作...
以後要寫多D報告造福HIENDY會員... ...

我啲咁嘅文筆怎登大雅之堂， 真係獻醜先真。今晚再出埋2ch聽感先。

pepsiman

wildmanhk 發表於 2017-12-19 16:00
我啲咁嘅文筆怎登大雅之堂， 真係獻醜先真。今晚再出埋2ch聽感先。
...

期待

marco

有圖有字,精彩萬分

Davidsky

wildmanhk 發表於 2017-12-19 03:49
初試聽感Onkyo TX-RZ 3100
環繞聲系統著重於包圍感，聲音也較為貼身聲爽快，整體音效包圍感，和方向感都相 ...

wildmanhk兄：合拼AV方便抵玩

timmywan

精彩期待2ch報告

wildmanhk

Onkyo 安橋TX-RZ 3100 2 ch聽感包膠

係經歷一年多無聲無畫的黑暗日子之後，家中的影音器材亦逐步開始重新建立起來。由以前嘅合併機發展到宜家用前後級，揚聲器亦由書架喇叭升級到現在的小型座地喇叭。如有睇開我嘅貼文嘅朋友都估到我surround喇叭亦會進行升級，而這套MK組合亦好快就光榮引退。就係呢個等待升級時刻，得到百事版主鼎力相助，幫我同安橋借得一部Onkyo旗艦合併擴音機TX-RZ3100，以一解我一年無影音之苦！有呢個千戴難逢嘅機遇，豈能唔認真咁試下呢部頂級合併機嘅威力呢。能夠稱得上為當代安橋頂級合併機，我好相信喺影同音方面都有一定嘅水準。響試完環繞聲方面質素之後，已經感覺到呢部機好對板好正路，以眼見佢用喺兩聲道上面獨立用上一枚 32bit/384kHz AK4490 兩聲道 DAC，並且在網絡串流或 USB 直讀最高 11.2MHz DSD 及 24bit/192kHz PCM 數碼音樂訊號，以及支援 TIDAL 無損串流音樂平臺及 AirPlay/Google Cast 網絡投放功能，點可以輕視佢喺兩聲度嘅表現呢？

縱觀喺日糸環繞聲擴音機中/包括前級在兩聲道用上AK4490晶片的只有上一代馬仔嘅8802。同天龍7200等頂級機種，可見安橋呢部頂級擴音機能同天龍同馬仔看齊。但係大家有冇留意到呢三部機嘅價錢呢？只要心水清嘅大家自有判斷。既然佢喺兩聲度用上一粒咁高級嘅晶片作解碼，我一於留返多啲時間去認真試下佢喺兩聲道世界入面嘅表現。喺環繞聲試聽中我亦都講過之前我玩過幾代嘅馬仔7系天龍6糸同埋劍橋嘅7系擴音機，所以我對AV擴音機用嚟玩2ch聽歌都有相當嘅認知。當然講到依家作比較梗係要有另一套器材同佢作對比。喺兩聲道入面我會用Oppo 205用RCA連接安橋來推我的小座地speaker Eventus Phobos。作對比的器材作用Oppo 205 用同一款RCA去 Rogue Hera ll 前級再RCA去Bryston 4B sst2後級。你哋可能話邊有得比呀兩套器材級數相差太遠，但係如果冇比較點知道呢部安橋究竟能力有幾多？重播2 ch方面能有什麼質素呢？而我亦會用我經常聽嘅CD慢慢去瞭解清楚兩套組合嘅特質並作出對比，當然我主打係會講用安橋喇。



大家好驚奇點解唔見咗部安橋嘅

大家好驚奇點解唔見咗部安橋嘅