試聽Fono Acustica Allegro 電源線

sumchung

近期疫情無所事事, 就上去hiendy俱樂部混混, 借下啲電源線返屋企幫部解碼器調聲, 都已經借左幾條了, 全部都是各適其式, 各有所長, 係借到差不多完後發現有Fono Acustica Allegro 電源線, 於是又借左返屋企試!
包裝為一個圓型袋, 線有一個塑膠袋套套著, 橙金色頭尾插與其它常見銀色黑色等等都別樹一格。



這個牌子近這幾年在香港開始有知名度, 而且產品很hiend, 越來越多人注視了, 他們的Virtuoso系列一開始就技驚四座, 而且外觀亦相當獨特漂亮, 聲音就更加唔洗講, 但價錢亦係天價, 所以這次有機會可以借Allegro入門系列返去試一賭Fono Acustica味道風彩都係一個難得機會!

根據網上資料Allegro電源線為入門系列, 導體用純銀加銅混合而成, 使用大型隔離特氟龍和空氣電介質以及Oyaide連接器製成!

此線線身柔軟, 1.5米重量不多, 對安裝走線及機器負荷不構成問題;


當插入解碼器後, 即時試聽我平時聽開既老餅粵語流行曲, 初頭用李克勤啲歌熱身, 已經覺得人聲幼滑, 不粗糙, 後來聽陳慧嫻女高音時, 聲線突出、厚實, 樂器高音軟綿幼滑, 若高音伸延較高時亦可以很高很盡, 整體條電源線感覺係從容不迫, 這點對我黎講可不是說笑, 因為我部解碼、guru樂訊號線、同埋喇叭線2404air, 加加埋埋出黎效果係比較緊湊型, 聽啲激情澎湃啲歌就好過引, 但性格就一面倒, 依家這條電源線就比到我一個平衡聲音效果!


再黎聽下打鼓測試下低頻如何! 都係例牌既三國之見龍卸甲, 係第七首啲雄偉既低音一下一下拳拳到肉, 與我條Kubala Sosna Sensation cables比較, 後者低頻力水下潛力感覺強橫, 但前者一樣有肉地, 無感覺有明顯差距, 但低頻分柝力感覺就更多, 聽到鼓皮聲, ks要比較留心先會有!


聽小提琴測試, 以前年台灣音響展既cd響樂30裡既第一首巴哈:第三號無伴奏小提琴組曲, BWV 1006第一樂章前奏曲/小提琴:佛羅林.保羅, 第一下出聲真係如上述所說琴音軟綿幼滑, 整個高音音場都顯得幼滑地廣闊耐聲, 完全係享受。
第五首薩拉沙泰:卡門幻想曲/小提琴:安娜斯塔西亞, 初頭的聲音都算係大棚野, 音場大氣磅礡, 高低音伸延得高, 去到後半段小提琴拉得快速緊溱, 但沒有刺耳感覺。


弱音分析力方面, 它都可以聽到弱音, 但佢又唔係好似啲鍍銀嗰類特別響亮, 反而比較耐聽點。

一分錢一分貨係鬼佬音響一向都無錯, 佢地係會度到自己產品等級位置而有相對價格, 對比我前排試既幾條電源線, 格價比佢地高, 但質素係高過佢地, 當然, 條Allegro 1.5米電源線索價近3萬5千(實價要問雅詠)對我地平民點都唔係平架啦! 如果大家想試聽下fono acustica既味道可聯絡雅詠或肥版主啦!