建國大典 - 2 總有一隻多啦A夢喺左近

zelo

好啦，地方搵咗，之後點搞呢，腦入面湧現出好多玩法，不過當務之急，要先處理好個電先，對於我依啲電工程知識微弱嘅新手，都係搵返專業嘅去問問意見，左睇右度，因為間房比較深而且個大掣又近門口，拖線最少要13米長，如果由門口直接拖4組，真係非常之’金’，最後決定用最慳皮最簡單嘅方案，由大掣走一條總龍到尾，另外添置電箱再分出嚟加牆插。





方向定好下一步就要去買料，第一：個電箱點搞好呢…我呢啲窮L無可能好似Benny師兄同Thomas 大哥咁有米可以裝套世紀電箱，正當篤爆計數機之際，Benny師兄無啦啦喺個袋度拎個電箱出嚟，仲要入面已經有齊一排HiFi級靚fuse，依個情形就如大雄見到多啦A夢咁，簡直如漆黑中嘅螢火蟲，
佢大哥屋企個俗稱’黑洞’嘅雜物房真係唔講得笑，求其都可以搵一件法寶出嚟，認真要跪低講句多謝家姐…哎～唔係，多謝大哥。



電箱解決，到電線同插頭啦，用邊隻好呢，我心目中首選當然灰武士，但佢隻冷凍版喺一般市面上係買唔到，加上價錢都好貴，於是走落地庫搵個老相好老陳問吓，佢個人推薦Audience Hidden Treasure，Audience產品我冇用過，不過咁啱我班損友入面又有人用緊佢啲嘢兼好好評價，我見價錢合理就決定選用佢，至於牆掣我見Audience都有，估計配埋一套應該冇乜鑊氣，所以都一次過買埋，跟住同師傅傾好點整，第一個任務先解決。





跟住到燈光問題，依家間房掛滿白色光管，亮度係足夠，但如果作為音響房俾自己嘆兼可以招呼人，啲白色光管真係有啲倒胃口，因為完全冇mood ，實在太趕客，加上一排燈又冇zoning又冇得調教光暗好唔方便，把心一橫決定全部拆走，換上路軌射燈，依家需要未至於最好，但起碼望入去舒服好多，之後可以再慢慢調，另一任務又解決，下一步係乜嘢…待續

t1174

請問一下兩角高和闊是多少？

zelo

t1174 發表於 2025-6-9 12:54
請問一下兩角高和闊是多少？

T大，等我搞好後你過嚟玩啦，記得帶埋你啲珍藏黑膠。
闊有12尺、高就唔太記得，等我之後再去度吓。

t1174

一定，想想都是叫我流口水的房間。


燈會不會考慮一下用 Philips hue 射燈？
另外，我想電箱位置會不正好在放bass trap 的位置？

我想會不考慮先度房間的 room mode 那些先？

zelo

t1174 發表於 2025-6-9 13:52
一定，想想都是叫我流口水的房間。

個掣位係近排先發覺做個位太貼角位，之後要改好容易，等器材入哂去先再慢慢改慢慢度，反正有排玩，仲有好多嘢準備晒，未寫出嚟啫

t1174

可以改就好了。另外，我睇大陸網站其實都是在未入器材就度room mode 的，多少那時沒多少東西易度，安裝吸音擴散等都比較易。可以考慮先做啊。

racewong

t1174 發表於 2025-6-9 14:53
可以改就好了。另外，我睇大陸網站其實都是在未入器材就度room mode 的，多少那時沒多少東西易度，安裝吸音 ...

我都係安裝好活動擴散板先入器材

racewong

t1174 發表於 2025-6-9 14:53
可以改就好了。另外，我睇大陸網站其實都是在未入器材就度room mode 的，多少那時沒多少東西易度，安裝吸音 ...

jjtiger

Zelo師兄，原來你已經開始基建，咁應該好快可以有得玩😍

racewong

jjtiger 發表於 2025-6-13 10:13
Zelo師兄，原來你已經開始基建，咁應該好快可以有得玩😍

佢好快手呀, 攪掂晒個LOOK啦.