(俠盜.驕雄)..BD實物圖

xlarge

今晚要睇呢套勒,不過有成百五分鐘長...可能要分兩次睇未定....

hkp1196

呢套一定唔會奶嘢................

datacoma

租左！排聽晚睇。

sk555

等你報告先租

居士

希望好似帝國驕雄咁好睇la.

datacoma

等你報告先租
sk555 發表於 2010-9-15 23:15

xlarge

尋晚睇左6個chapter大約50分鐘度就眼訓走去訓覺....初步印像ch.1/4有d動作場面外其它都幾悶下....今晚冇碟租就繼續啦....

datacoma

尋晚睇左6個chapter大約50分鐘度就眼訓走去訓覺....初步印像ch.1/4有d動作場面外其它都幾悶下....今晚冇碟 ...
xlarge 發表於 2010-9-16 07:32

我多你5分鐘，講到羅素初遇白蘭芝果度停機。
拆散黎睇；頭三分一既[起]屬不過不失，主要以交待每個角色身分同性格為主，所以節奏一般...。
而人物關聯性亦唔難估，因為列尼史葛對宿命論情有獨鍾，每每角色命運點都係有多少神推鬼摃成份或諷剌命運在內。
羅賓漢本來想走但結果留低，呢類我命由天不由我既時勢做英雄；再加上若干情節總扣些少令人反思之處，係列尼最吸引人既戲道。
講番劇情[承]接住英皇駕崩，戲中人物關係開始凝聚，又係時候到D石堅開始做野，估計(或者希望)劇情上節奏會加番快。
下半場估計，列尼在[轉][合]部份都唔會大上大落得去邊(佢唔係金馬倫嘛)...
而且寫歷史人物總係有個框架限住，唔可以無端端講到佢識飛，況且羅賓漢真係拍到爛哂，列尼史葛呢鋪擺明向難度挑戰。
聰明既導演會另尋全新角度去拍一個舊人，希望今晚可以見到啦。

xlarge

師兄乜咁橋呀...又係分上下半場睇,不過今晚我唔睇住....我要奶套鬼片先!

datacoma

師兄乜咁橋呀...又係分上下半場睇,不過今晚我唔睇住....我要奶套鬼片先! ...
xlarge 發表於 2010-9-16 20:22

:$ 我就係聽你講...原來套戲咁長；所以先慧劍斬情絲...將佢切件黎睇。
呢套唔算離譜喇，唔記得邊套戲試過分開三日睇，電影變左電視劇。:lol

datacoma

我要奶套鬼片先! ...
xlarge 發表於 2010-9-16 20:22

奶鬼片先好吖，可能有左對比之後；羅賓漢真係好睇到拍拍聲都未定....

xlarge

哈哈...就係奶得多先知咩叫好野奶野...奶得多自問對戲既寬容度容忍度都會增加

datacoma

哈哈...就係奶得多先知咩叫好野奶野...奶得多自問對戲既寬容度容忍度都會增加 ...
xlarge 發表於 2010-9-16 21:55

雖則係咁，但有D戲發明出黎擺明係想激嬲人，好似越乜寶盒、家有乜事20乜乜果D...

datacoma

終於睇完(俠盜)，交待番先~
評語就係...呢套其實都唔算係用左點樣全新角度去重新包裝羅賓漢...
反而覺得佢似係羅生既前傳多D，因為主力都係寫佢被逼上梁山；落草為寇之前既故事。
至於好唔好睇....咁講；如果未睇過「驚世未了緣」既話，冇得比較下呢套都算OK GOOD架。
如果「驚世」係部LX-82，咁「俠盜」就係LX-52，無論密度同力度都爭左少少...
但(俠盜)都不失為一套可以一看既片...如果同期冇更多再好選擇既話。
至於聲畫得唔得我唔係咁奶，咁交番比猩猩王講會好D。

個人會番睇既指數係 ~ 0！所以BD又可以慳番。

xlarge

我都未睇埋下半場...

xlarge

尋晚睇埋下半場,結論把鬼淡過白開水...如果一心諗住會好似當年"帝國"咁既氣魄咁就可以番!其實全片都幾沉悶,論男主角身世出生並不大將軍大英雄,之後既際遇亦冇帝片咁大上大落,小左果份折墜而彈起復仇同情既感覺,講得衰d只係片中將佢做賊仔合理化....亦唔見到有乜野國仇家恨既感覺...另方面所謂官迫民反力度就唔多夠,拍唔出壓迫感,賣國奸細亦係草草收場....人性衝突同帝片差好幾班.

聲畫方面,畫面大至上唯獨是有幾場夜景場口差小小...要睇場面特技除左opening外就跟著要去到尾段ch17/18法軍海灘登陸浪濤聲跟著打打打,搶灘萬箭歸中,格劍果類野啦...

呢套當劇情片睇會好過d,有成150分鐘要有精神先好睇播....

大ken

重要賣$2xx, 真係把鬼