|
|
AV粉皮可以係我自己,可以係當事人,唔同角度有唔同睇法.但係最後大家都係反面收場.
講歷史前先講講我對主角既睇法. 佢份人鍾意人讚,鍾意人去睇佢既器材, 佢專業而且經常搵到好貨色入手. 但係朋友叫到,通常都係敷衍了事.
亦所謂獨食. 從佢舊同事口中得知為人都係咁上下,工作上佢會不斷渴求他人經驗及知識,甚至用言語明示同事收埋野唔教佢,但係相反佢自己就收收埋埋.
其實呢d都係小事,但係經過兩次反我面,經常性做埋d小動靜之後, 佢又去意已決.我便由他去. 但係因為佢呢個人既出現, 令到我十年來間接或直接受到唔少既不平待遇.
此後我會點點滴滴咁講下十年來發生過既事. 本人亦好歡迎當事人加入回應. 唔好好似之前兩次咁粒聲唔出, 扮到含冤受屈咁.
出賣完一個又出賣一個. 本身性格唔改就算表面點扮都好,到最後都係失敗收場. 請自己想清楚究竟自己有幾個多真心朋友. 更加唔好五十步笑百步.
小弟自小家貧,到98年結婚就試下買d平平地既av 器材玩下. 當然唔小心買水貨當行貨,買左壞tv換部display重要自己出埋van仔錢都試過.
到2000年 search左入小強組. 化名正經人學下av知識. 當時小強攪左一次sanyo 30仔 lcd projector試睇會. 識左幾個朋友.
當中有 AV粉皮既主角在場. 由於粉皮有d似小弟中學某個同學. 之後就嚮icq add左佢. 言笑甚歡.尚算投契.
之後亦與內子到該朋友屋企品嘗其極品器材. 當時見到佢對鋼琴木三路分音兼且摩過既喇叭,見得世面小既小弟當然嘩嘩聲.
其間小弟亦對家中器才不滿.換過好幾次平價二手野. 最後友人提議割愛廉讓該對珍品與我.
價錢原價為萬三,現超筍價5千.
當時有幾個考慮因素. A.換左咁多次,不如換對好d
B.5千係平, 但係加多少少會唔會好d
C.有d唔想再用二手野
D.內子覺得對喇叭摩過,唔多鍾意
E.本人覺得個樣唔夠殺食. 想再大隻d
最後自己去買左對B & W 9NT.
朋友只係會叫你幫佢買野.呢個係特色之一, 唔知係唔係我冇買到而令佢對我有壞印象呢?
之後佢又叫我買一對2手後置喇叭,係當然小強版主用緊既sound dynamic. 佢買入8舊,朋友價讓比我5舊
當時正值sars時期, 而佢亦感冒中, 唔緊要我膽正命平. 我又走上佢屋企玩下.我見佢失業,一場朋友再請佢去find 泥丸食埋飯.
同佢要埋對喇叭.當時佢講到明兩隻相向喇叭有四個網冇左一個. 5舊水重想點呀? 但係拎到返屋企,原來有一隻網係折左,不過我唔折個網出尼有咩問題呢
我屎忽痕打去吹水果時講返佢知,佢猛話冇.問我係咪自己撞爛左? 撞爛左個網而唔撞爛個喇叭?我真係好唔明
都係果句,5舊水重想點, 但係為咩要講埋d咁既說話. 我覺得冇網,我都唔係好緊要. 話佢冇check到,我都ok,為咩要吹水??
當時其實我未比錢既. 我出糧之後照承諾即日過數比佢. 朋友, 我其實當你細佬咁扮, 你冇野做,我真係四圍問人,得閒會打比你吹水, 有時請左假都專登去你到睇下你.
到我失業果時,我話我得閒叫佢去我到坐下, 佢既回應係"有咩好坐". 係,比起你套野,我係玩cheap野架咋.你咪當上來吹下水囉. 其實我都記得你之前話想上我到,但係果時我要返工,就你唔到都唔洗咁小氣唶.
今日到此為止 |
評分
-
1
查看全部評分
-
|
IP卡
狗仔卡
發表於 2010-7-23 19:26:13
提升卡
置頂卡
沉默卡
喧囂卡
變色卡
顯身卡
發表於 2010-7-24 13:28:20
