一向認知既地盒大都是被動式, 從沒聽過地盒也可主動式. 直至上兩個月, 老友問我有無聽過TELOS GNR. 我先發覺這台灣品牌推出了全新概念既主動式地盒。
有關GNR地盒既原理, 我諗我都唔好喺度班門弄斧了, 所有有關技術上既問題, 留番比代理解答吧
先Copy一段代理對GNR的技術性講解先:
--------------------簡單來說，TELOS GNR主動式地盒利用內部CPU操控關係，它能夠精確地計算出絕對零的參考電位供應器材。
大家都知，器材的電子線路版大多會接機殻作為參考地位之用，而大部分的器材的機殻跟電源線的地位是互通的，這樣便會跟大廈的地線相連，萬一在漏電的情況下可以產生保護作用。但同樣也會讓一些干擾跑進了器材內做成電位差的問題。當器材接上了GNR主動式地盒後，它能夠為器材提供了一個最接近零的參考電位，把電位差減到最少。
當器材的電位差減到最少，可以聽到更寧靜的背景，更廣更深的音場，HI－FI聲減少，最重要是能夠還原CD原有的錄音。
我份人貪玩, 知道有新玩具, 當然第一時間問下代理借回家測試寫報告啦....
點知代理回覆首批GNR已全數售罄, 連DEMO果部都賣埋, 所以我都要等多兩星期先有得玩呢.
好快兩星期就過去, 收到代理電話, 話到左貨, 可以去拎黎玩.
上到代理見到個大鋁盒, 拎上手不禁爆左句粗....
X..!! 咁X重!!!
拎到返屋企就立即開箱黎出黎影相。
去 相片先
這台灣品牌TELOS的誠意可在這包裝睇得出誠意滿分.
全鋁盒加強保護, 入面係FIT到爆的厚厚海綿包全部機, 當拎部機出黎既時侯, 部GNR比我想像中還要重, 睇番佢既官方資料, 得知這GNR係全太空鋁材掏空鑄成, 頂層使用一塊深茶色厚亞加力膠, 使得機內零及幾棵LED燈能隱隱約約咁睇到.
齋睇GNR外殼講到設計, 我就十分喜歡了。
拎部機出黎, Eee...點解無機腳呢? 會唔會代理比漏左呢?
代理解釋機腳可自由配搭不同品牌既墊材, 調較用家自己喜愛既音色, 至於TELOS原廠機腳正在開發, 暫時未有進一步消息.
咁無辦法啦, 我又無理由咁求其放部GNR喺SOLIDSTEEL板上, 唯有拎出我的秘密武器, 紫壇木加純銅釘腳墊這GNR。
至於機背除左這主動式地盒應有IEC插及開關制外, GNR共有六組獨立WBT接駁位, 單看這接駁位的用料已知是靚貨. 每個位可接駁四組地線, 即GNR總共可接24條地線.
而代理今次只係跟左條純銅地線, 六條RCA去叉, 四條細叉去大叉. 所以我就一次過張成套機駁晒入GNR.
而訊源方面, 我係使用番我部CD8做測試!
拎番D我成日聽既古典出黎聽左兩首live. 初步比我既聽感除左”靜“之外, 全頻既水份竟然有提升, 當中尤之小提琴獨奏最為明顯. 每條絃既質感強左好多, 而音場深度亦明顯有改善.
再聽多首爆棚曲目, 音場既穩定度都實淨左.
測完古典, 再試埋人聲小品, 這次令我感受到GNR能加入少許令我十分喜歡既糖衣. 中頻人聲既水份令我更易投入歌者想表達的情感!
測試左幾首歌後, 我記得代理講過前級玩三條地線會好聲好多, 我見仲有線剩, 就試下喺前級駁多兩條地線接去GNR, 丫, 估唔到加多兩條地綿, D線條會更加實淨. 買左GNR既朋友可以試一試其提升線條有顯著功效。
總結 : 這部TELOS GNR一改地盒的被動設計, 這全新意念令我感受全新感覺.
襯依家代理有借機服務, 你地快D拎部返屋企試試啦!
http://www.hiendy.com/hififorum/ ... &extra=page%3D1 |
IP卡
狗仔卡
發表於 2016-3-7 00:20:03
提升卡
置頂卡
沉默卡
喧囂卡
變色卡
顯身卡
發表於 2016-3-7 12:48:57
