對上一部測試的唱放MOON 610LP仲喺我家中服役, 冷不防另一部唱放YBA PH-1已進佔鎗宅.
YBA這品牌, 發燒友對佢一向好評如潮, 佢既質素與表現, 我諗都唔需要擔心, 只係會否有口味上的問題吧.
由我開始發燒到依家, 今次都係第一次實試YBA這品牌.
上兩個月, 當我知道YBA將會推出一部平民版的PHONO AMP時, 我對這部PHONO AMP一直很期待, 而這期待一等就等左兩個月.
終於喺下個星期終於到達鎗宅, YBA這老品牌在包裝上絕對穩健, 使用兩層厚紙皮箱載著這PH-1, 拎部機上手, 手感並不是太重, 機身闊度只有一般器材的一半, 這方面的SIZE的確FIT晒香港用家, 仲有一邊可以放埋隻牛壓牛牛. 一層架攪掂晒.
面版除左有YBA GENESIS PH-1外, 只有兩粒按鍵, 左邊是開關及充電掣, 右邊就係調較MM / MC輸入. 而總開關掣就在機底.
當我反轉部機後, 機腳部份見到YBA亦都係用心設計, 前面一粒使用全金屬機腳, 後兩粒就使用金屬加膠, 我諗這設計應該係專登為左調聲而設.
機背輸入部份擁有MC 同MM兩組, 而MC部份易有MC / MC HIGH給用家調節.
OUTPUT就一組RCA 及一組XLR輸出.
點解我會對這部PH-1咁期待? 因為這部PH-1又係唔需要玩電源線的PHONO.
如果大家有留意我之前都出左幾幅PH-1的相片, 並簡介過她是使用鋰離子電池供電的唱放. 講真, 由於我近半年迷上黑膠, 買黑膠都用左好多錢, 所以有D部份就想慳得就慳. 就好似我之前入手的電處ISOL-8, 買佢既其中一個原因都係-[無得玩電源線] 
講番這部YBA Genesis PH-1, 由於係電池供電, 所以廠方只提供一隻-[電子牛]給用家作充電之用, 廠方並再三強調並建議用家使用這電子牛長插喺PH-1, 因為當PH-1的電池電量低於15%, 佢就會自動開動充電功能, 為PH-1充電. 直至充滿為止. (我當然無理佢啦, 充滿電就甩開隻火牛, 費事比佢隻電子牛影響左部PH-1既表現)
大家可能會考慮到充滿電可以聽幾耐?! 以我的實測, 當充滿電後, 每天聽四至五小時, 我使用了兩星期都只是減了五份一, 以這用量估計, 充滿一次電應可使用1.5個月. 即一年只而充幾次電吧.
以我們對充電式音響器材來說, [絕強寧靜度]已是必須吧. 我們所擔心的是- [動態] 會否因為電池供電而有所不足. 所以這部PH-1來到鎗宅後, 我先用煲機碟狂煲佢既MC & MM輸入達96小時, 當然, 煲機時我是使用電子牛插住部機啦.
煲左96小時後, 先用幾隻KRALL姐的大碟測試一下YBA最出名的優美感, 無可否認, YBA PH-1使用電池, 在背景寧靜度的確有D屈機, 這靜度凸顯左每個樂器人聲的立體感與線條, 而微動態方面更是YBA的強強項, 人聽感情濕潤度使我懷疑自己正聆聽一部高級真空管唱放. 果份細緻感情的表達方式, 令我知道點解YBA仍有咁多FANS使用. YBA在柔順度我可以給很高的評價.
在動態方面, 我使用多隻古典爆棚, ROCK & POP MUSIC去測試這PH-1, 在動態方面得出結論係, 這YBA PH-1並不會因為電池供電而出表腳軟, 相反, 喺電量用到得番50%時, 越爆越有, 好明顯是YBA這老牌子的設計師的確有料到. 而當我聽到古典爆棚時, 一份不應在入門器材/線材出現的堂音竟然出現在這PH-1身上. 這些靚到爆的堂音在播放小提琴及鋼琴時尤其明顯, 長長的尾音收到好靚好靚! 唔怪得YBA班DESIGNER對其產品播放真樂器時滿有信心啦.
平時我聽到這堂音大都是在一些天價器材或線材上才有這聽感, 今次我竟然在這入門唱放上聽到這堂音. 我感動到立即WSA代理, 一來當然要為代理作個小小報告. 順便問下佢, 這部PH-1究竟賣幾錢? 點解D聲可以咁靚, 背景又咁靜呢?
而代理比左個買價比我既時侯, 我即場"O"左咀, 這部只使用電池供電的入門YBA唱放竟然唔駛兩萬蚊.
以價論貨, 可以說是超值之選. 值得推介比咁多位網友.
而我自己就當然要試埋YBA部最頂級PHONO先決定買邊部啦.
代理: 悠揚音響 (添置六樓全層)
實價: $19,800
http://www.hiendy.com/hififorum/ ... p;page=1#pid2483369 |
IP卡
狗仔卡
發表於 2016-9-20 00:49:22
提升卡
置頂卡
沉默卡
喧囂卡
變色卡
顯身卡
發表於 2016-9-20 09:14:00
。而家仲多件YBA出現，唔知槍兄對比呢２部同YBA 比較，可否比Ｄ意見我呢個黑膠見習生
。
。頭就好大機會用SPU 95th, output 好似唔多過0.3v。
。