其實見大家咁坦白去講hifi舖頭既經歷, 我都有感而發, 我想講兩間鋪頭, 係對小弟同埋Hiendy有知遇之恩. 不過如果大家覺得有值得插佢地既地方都覺得即管講, 唔洗擔心我地有立場, 佢對我好,唔代表對全世界都好.
1. 阿二無線電 - 權哥
當初搞Hiendy, 會員人數有一段時間都係得10-20人, 隨左相熟好友, 跟本無人會黎Hiendy睇野,亦都無野好睇, 因為呢班相熟好友既機一早出現晒係其他網站, 要講都講晒. 我地想做d測試報告, 新機報告, 但係奈何Hiendy跟本無人識, 點會借機比你試, 去到無論舖頭或者代理都唔會理我地. 最多派個Sales當你客咁sell野. 有野買就埋黎, 無幫襯就過主. 我一路玩Hifi都同阿二無線電的老闆權哥相熟, 除左hifi上, 佢亦都教左我好多做人做生意之道. 我將個陣搞Hiendy既困局話比佢聽. 佢二話不說就講. 你係我間舖見到咩野岩洗, 即管羅返去試, 跟住寫報告, 我會送埋比你, 試完我會叫人送返黎. 咁你個網咪會多d人睇羅. 就算連代理岩岩送到佢舖頭既機, 連生意都唔做住, 都即刻借比我地試. 所以都借呢個機會多謝權哥.
2. 解藥堂 - Gary
又係岩岩搞Hiendy既時間, 諗辦法令多d人黎, 其中一種就係賣平而熱門既hifi器材. 以全港最平既價錢,令到hifi友都一定要黎我地個網站, 呢個當然係好方法,但係邊到有人比平貨我地呢. 大家都知hifi呢個行業大家有個默契, 平無問題, 但係價錢唔可以出街, 因為隨時比代理封殺, 個陣問一條AQ Diamond HDMI線, 想搵辦法用平價等大家可以買到. 點知中間人答覆係 "你要幾多條先, 你要1000條, 每條$2000都得." 個陣Hiendy真係無乜能力同人傾好價錢, 人地咁講都無可口非.
個陣遇到Gary, 佢同我講左句. 你搞網我一定撐, 跟住佢就搵左d真係好平而全部優質又熱門既貨品比我羅去Hiendy賣, 而我地亦都非常感謝大家既支持, 所以不會在買賣貨品中收取任何利益, 令到每次Hiendy搞賣場時都係全港最平. 會員亦都日益增加, 亦都開始吸引到其他店舖搵我地去賣野. 不過我地都會先格晒價, 亦都完全了解貨品係優質先放上去賣. 因為搞公眾網站, 要出名可能要多年經營努力, 但係要出醜一日就得. 所以都唔敢乜都放上去賣. Gary既貨品大部份都係有知名度, 所以都好放心放上Hiendy, 佢亦都周不時留意d筍貨, 例如個陣既WW HDMI線, 我地Hiendy會員買到連Gary舖頭自己正價既貨都以特價比晒我地Hiendy會員. 真係有d唔好意思. 非常感激佢.
後來Hiendy漸漸多hifi友認識, 亦都開始接觸不同代理,舖頭, 影音雜誌, Hiendy搞網環境真係改善左. 大家都會比面傾返幾句. 更加會主動借機,搵平貨比我地Hiendy試同賣. 以上呢兩位人兄真係幫到一個關鍵既大忙!
而因為同hifi舖頭傾談多左. 令我開始了解佢地係香港經營hifi事業既苦與樂, 所以我都邀請佢地黎Hiendy玩, 不過都告誡佢地, 唔好扮打手毒人買野. 香港人好醒目, 最多比你厄一次, 無第二次. 同埋而家網絡世界, 好多野係無得收埋, Hiendy要係香港hifi網有獨特之處, 我就講明..無論好與壞, 只要唔犯法, 我唔會block佢. 只要大家以誠相待. 童叟無欺的話. 自會有正義之人幫你講說話. 我地唔會鼓吹打邊個鋪頭, 捧邊間舖頭. 會員可以自由討論. 舖頭人員亦可以擺明賣野.
大家千其唔好因為我喜歡以上既舖頭就驚講佢地壞處Hiendy會制裁你.例如Ronnie, 我個人對佢都好有好感, 佢對Hiendy同我都好好. 不過大家講佢既好與壞我都唔會阻止, 誤會可以從坦白化解, 優點得以彰顯, 缺點可以改善, 有時講佢地既缺點, 反而令到佢地可以矯正過黎. 日後更加成功. 希望大家比d耐性同包容, 等大家都可以進步 |
樓主: rumor
IP卡
狗仔卡
發表於 2011-7-8 11:07:39
一個星期可以換7套機! 
顯身卡
咁我問佢即係幾錢呀
發表於 2011-7-8 12:19:41
發表於 2011-7-8 12:22:44
我係其他網真係冇guts講呢d野呀.
