HiFi 家訪是否一定要美言贊語

ryanenen

如果被訪者只係叫你去聽下佢套setup, 並無表示不滿意地方,
最好就聽完再讚下優点, 缺点免提.畢竟各人口味吾同,
自己認為吾好既地方, 反而屋主認為最岩聽.講尼做乜.

如果被訪者大家比較熟而佢亦知setup缺点, 想搵多個人確認一下不足之處,
甘就可以同对方講,不过都係輕輕帶过就算.
主人家自知缺点, 玩得耐有心得既都知點改善.

dt825

應該要客觀啲，吾好只顧自己個人喜好，意見應該中肯並提出原因就大家可以交流心得。
有些高手只會話你套嘢設定吾得(究竟點解同有乜野吾得呢？)，幫你攪一輪之後問你係咪好好多呢？
有些高手會話你用緊果條缐吾得架，好衰聲架，跟住拎自己條缐出黎要試下跟手問你係咪好正呢？
其實家訪至在交流心得，啱聽與否好睇個人喜好所以無謂太執着。若果訪者能中肯地分享意見而被訪者又能開明地接受吾同意見，相信大家都一定有得著，因為呢個吾係比賽而係分享。

dt825

如果被訪者要求幫手改善表現，而訪者能分析問題及提議商量捉鬼方案，咁過程會好過引並大家都可能有新體會。

dt825

若主人家好滿意但自己覺得吾啱聽，咁應該理解下人家喜愛或心得，亦可理解其器材特性及配搭出來嘅效果，作為將來參考用途亦有得著。

qq1122yq

上得黎我度，必定想要彈！
唔係點會有改善...

safin

同意dt825兄講法, 其實家訪目的人人唔同.

不過最理想係, 到訪者和被訪者, 都希望與別人觀摩, 互相交流一下心得, 但首先要兩者都抱住呢個心態先得. 如果唔係就好容易不歡而散.

大家都係成年人, 應該識得分輕重, 唔係下下要插到人扯火先叫老實說話 (可以面對面或網上發言), 如果真係有呢種人, 佢家訪係別有用心, 唔係交流觀摩咁簡單.

當然, 現實有好多例子

其中一種:   被訪者對自己套機有百份之二百信心,  如果家訪者醒目, 就應該少D發表意見.  因為好唔好聲都係佢自己聽, 如果主人家太有自信就冇謂講喇.

另一種:  主人家好樂意要求家訪人比意見, 呢種就可以講多少少, 不過用詞小心, 唔好人生攻擊, 唔好笑人老襯 (買錯野).   咁樣, 我相信氣氛唔會太差.

jj4044

同意沙芬師兄的見解....
小弟都好怕開口及著痢，所以每次家訪都好少話「俾意見」....
再者，家訪者的所謂「意見」其實大部份都係無絕對的個人意見ONLY, 所以其實意義不大.....如果被訪同訪者的取向全完不同，跟本就係雞同鴨講，口同鼻拗........所以小弟好多時小弟都盡量避免.......除咗係一D明顯的器材物理問題，如「拆聲」，「爆音」等等,禾先會出聲....

april

jj4044 發表於 2011-11-7 11:06
同意沙芬師兄的見解....
小弟都好怕開口及著痢，所以每次家訪都好少話「俾意見」....
再 ...

再者，家訪者的所謂「意見」其實大部份都係無絕對的個人意見ONLY, 所以其實意義不大.....如果被訪同訪者的取向全完不同，跟本就係雞同鴨講，口同鼻拗........

Agree!

williamkfc

比人彈下之嫲。彈人果個肯比人彈番咪得囉。


- 發送自我的 iPhone 大板凳應用

比力一定得

其實我覺得大家能比意見前先令人明白自已對聽音樂的習慣及喜好，令被訪者參考同時亦了解意見是建基於個人喜好。對於自已嚟講，我都會想人比意見，至於聽唔聽我真係自己的事。咁樣又可以知道其他的聲音取向，對將來仍然是有參考價值。

cckong

我好彩有個好老友, 大家好熟大家, 咁講乜都無避忌, 每次家訪都互相分析俾意見, 而且意見當然唔係果D叫你換十幾萬喇叭幾十萬器材果D, 係真正幫你設想應該點玩先最好, 所以亦令自己不斷改良改善, 真係要多謝你!Celica大大

VW.R36

timmywan 發表於 2011-10-7 22:02
講完笑就算啦
朋友叫得你去聽野,多多少少都想聽你意見,當然要直言......點表達就要執生{:5_506: ...

有建設性可以出手幫忙就講.如果剩係彈.彈完就走不如唔好講 !

mpv

VW.R36 發表於 2011-12-30 21:30
有建設性可以出手幫忙就講.如果剩係彈.彈完就走不如唔好講 !

十分同意，話人果個易，有建設性既意見就難！

ROA

純粹看屋主性格，接受能力，熟落程度而定，大部份家訪，都係以欣賞人家的好處為主，以和為貴，如果主人家肯接受意見的話，事後自然會坦誠相詢，否則多說無益。
但如熟朋友的話就不妨直言，道出不足之處，也當然要打開自己的心扉，因為朋友的Setting可能是有某種原因需要遷就的。

七仔

好難有準則既 ... ... 去得家訪, 已經係朋友, 對朋友最緊要厚道, 記住厚道就得架啦 ... ...

小弟習慣唔多口, 反而會多手 ... ... 見到d好明顯既野, 不如試下咁咁咁好唔好? 睇下d聲點? 成人玩具, 最緊要大家玩得開心

chongun

聲音取向因口味不同, 反而大家都希望做到大音埸, 離箱, 音色平衡的終極靚聲
我個人都希望家訪的師兄們可多給點意見,以作改善

一休大師

其實人家請你食飯，甘覺得好食嘰，咪讚下囉，覺得吾好食嘰，咪算囉!如果人家問到味道如果，咪即管發表下囉!如果人地都冇問你，甘你自己又大大聲講又話甘，又話甘，甘咪冇禮貌囉!!!

說話上可以留意下嘰!!!!

試過某大高手上過泥講呀:真實對話("下?呢個叫鑽石高音架叻?真係聽唔出渦",,,,,,,"喂!上完泥要交功課個渦"(恥笑形式),,,,,,揸住本音技話"呢個寫手D野以後唔洗睇啦！哈哈!!"(但自己又係同公司個渦))

甘如果遇著呢D人，甘呀真係............

呢位人兄淨係識恥笑人地，見高拜，見低踩，踩低人地自己上位，真係hifi界的一大恥辱!!!!我生平真係第一次見D甘嘰人，真係大開眼界!!!!!!!

其實呢條友D衰野一早已係好多hifi友口中聽過，不過小弟一向要親眼見證過才會相信的，點知，聞名不如見面，果然利害!!!!!!!

MetalNuts

那要看你和主人家的关系及你的江湖地位咯！若一不是知交好友，二不是令人信服的前辈高人，主人家不一定能接受左结他（弹）右琵琶（又弹）呢！