今次又係一場非常精彩嘅展示會 ! 內容非常豐富 , 又有RICKY介紹精彩試機片段 , 又有明版主有趣影碟版本示範 ! 唔係HIENDY , 我相信都冇咩人會咁樣玩 ! 大家都知 , 年年av視聽展 , 米樂個場都日排夜排 , 非常多人 ! 証明一樣野 , 佢地AV展示非常震撼及有示範級數 ! 今次各會員有機會可以上到米樂showroom玩足兩個半鐘 ! 真係食低音食聲壓都食飽 ! 真係好多謝米樂嘅支持 , 多謝RICKY嘅講解 , 多謝明版主嘅試碟活動 , 多謝各位會員熱烈參與 ! 今次展示係全套" PROCELLA AUDIO " , 前3後6 , 合共9.2聲道 ! 場地為400多尺空間 !
前置喇叭用" PROCELLA AUDIO P610 X 3 "
後置用上6隻" PROCELLA AUDIO P6 X 6 "
重低音用上2隻" PROCELLA AUDIO P15 X 2 "
功放DA-2800 / DA-2800DSP , 合共3隻
一開場 , 先由米樂RICKY為我地播放影片及講解器材 ! 第一隻比我地聽嘅係韓國音樂MV" 2NE1 - FIRE " ! 果種音壓嘅震撼 , 真係唔可以用文字黎形容 ! 只可以講 , 真係推極都有 ! 大聲得嚟都條理分明 ! 直情好似落左DISCO咁 ! 把大家嘅情緒推向高峰 !
之後就到近期大熱擁有DOLBY TRUE HD ADVANCED 96K UPSAMPLING 技術的藍光碟 金陵十三釵 ! 試ch.2日軍大隊殺到 , 戰場上子彈橫飛 , 遠處傳黎嘅火炮聲音都聽得清清楚楚 ! 到日軍坦克進場 , 不停連環開炮 ! 雙P15真係唔講得小 , 真情好似比炮打中一樣 ! 當然槍/炮/手榴彈威力都非常有能量感啦 !
再黎就係" 妖夜尋狼4 " , 呢套戲佢地都話拍拍下變左" 生化危機 "喎 ! 我又真係分唔到囉 , 我地試左炸電梯救細妹一段 ! 最有印象都係四周圍飛D銀粉 , 爆到成個SHOWROOM都係 ! 手槍威力速度勁誇 , 唔睇畫面 , 以為佢用緊火神 ! 爆炸就唔洗講啦 , 威力驚人 !
跟住就到試最新影片" 海豹突擊隊 " ! 一開始叢林裹面環境嘅細微聲效十分特出 , 好似置身森林其中 , 真係冇得頂 ! 去到開始進攻 , 一槍一槍 , 追擊槍嘅低頻 , 厚重沈實 ! 去到屋仔救人 , 機槍連射速度快速有力 ! 聽完呢段 , 屋企都唔返 , 第一時間去德X先 !
最後RICKY為我地送上一段日本演唱會KILL BILL TOMOYASU HOTEI (BATTLE WITHOUT HONOR OR HUMANITY)片段 , 因為我唔係太熟 .. 唔能夠同大家分享到 , 只係可以講太鼓威力地動山搖 , 一下一下鼓聲有力有層次 ! 果種深沈低頻 , 唔係15吋低音 , 真係可能做唔到 ! 仲有電子結他果種ROCK味同能量感 , 真係HORN咀高音先比到你 ! 原來ROCK唔係鬼佬先ROCK得起 , 日本仔都可以甘ROCK !!!
跟住就到明版主出場 , 示範唔同地區嘅影碟會有唔同嘅聲效 , 港版/日版/德版各有不同 , 各有好壞 ! 而我自己一直都買港版 , 聽完今次展示會之後 , 我都會買多幾套日版/德版黎試機 !!! 多謝明版主為我地帶黎呢個咁特別咁好玩嘅環節 ! 真係令今次展示會生色不少 ! 以下係我地當日試嘅唔同版本影碟 !
總結 : 今次聽呢套" PROCELLA AUDIO "真係唔講得少 ! 聲壓 / 低頻 / 高中低能量感都非常強大 ! 正正因為電影而生嘅喇叭 , 播返電影當然手到那來 ! 非常有電影院感覺 ! 你今次黎唔到 ? 咁你只可以上米樂SHOWROOM或到視聽展去感受呢套" PROCELLA AUDIO "嘅威力了 ~
最後非常感謝米樂 / RICKY / 米樂各手足 / HIENDY各路兄弟 / HIENDY各位會員成就左今次一個咁專業嘅PROCELLA AUDIO演示活動 !!! |
樓主: hkp1196
IP卡
狗仔卡
發表於 2012-7-28 23:40:21
顯身卡
發表於 2012-7-29 00:04:25
發表於 2012-7-29 00:39:05
)
我比较编向撞手神之說 買乜都係 我估。大家講下点睇
