突然想起一個問題, 點解會玩AV

gundamfix2005

玩AV或2ch，都係自已享受姐，放工返到屋企或放假時侯，係屋企爆吓機聽吓歌來舒緩自已嘅壓力，每個人價值觀都唔同，十萬八萬買隻地通拿的人多的是，值唔值得自已先知

avmilk

興趣既野好難用價值去判斷, 總之量力而為啦~

里奧

玩av既念頭係由08年因朋友話用緊既三星5.1 DVD套裝機並唔係真正5.1 系統開始先留意 , 原來大眾所講既係用 AMP+5.1喇叭先算玩AV . 之後自己上左友成大廈買入第一部av amp(安記705) , 開頭都係打機用 , 慢慢轉為睇Blu ray碟 ... 後尾都係著重 tv質數(一年買一部 , 那時傻左上腦咁) ... 玩了二年多熱情冷卻下來 (相比起玩車仲要快) . 現在回想起都不知為什麼 , 好像想達到某個目標而做一樣 . 可能未搵到岩自己既嗜好 , 花左幾萬蚊做左d人有我有既野 , 再深入d升級好似又未有心水 , 聽歌又唔多岩自己取向 .... 可能要求唔太高掛(說穿了好似唔想再放錢落去 ...不過都轉左玩3DTV , 唉~)

大玩偶

我由搬屋....屎忽痕..搞套 5.1 開始...
初初係打算睇DVD  Only.... 從來無考慮過咁大投資....
所以...呢個係一個局....(毒)
戲院睇係ok !!!   大戲我都會去戲院睇 !
平時好多文戲...港片就屋企睇....
老人家會覺得  AV / 攝影.... 無呢D 野唔會死....
有多餘錢都唔好用係呢D 地方....
而我就中毒已深...窮到借錢都要買AV / 攝影 !

一個講哂 :  任性 ! 為玩而玩 ! 為興趣 !
同埋玩AV 黎呢到....識到好多有錢人士 !
香港股神 / 傑青 ....仲有好多 xx 師 /yy 師....
真係連自己都覺得升左班

cyberken

我由搬屋....屎忽痕..搞套 5.1 開始...
初初係打算睇DVD  Only.... 從來無考慮過咁大投資....
所 ...
大玩偶 發表於 2011-1-18 11:29

    我反而係呢個網見到d有錢佬...洗錢係音響上既意欲大幅降低左.

patrick123456

我自己就咁睇值唔值呢樣野..
首先要諗清楚, 自己只係為買而買？還是真係經常用得到？

好似影相咁, 身邊好多朋友/同事, forum 都見好多人都不停換新 body, 換新鏡,
同一個焦段出新款都會 upgrade, 佢地係咪真係成日出去影相我就唔清楚,
但自已問自己, 如果放假, 最想或最有時間做既是什麼？  
如果成日用, 我覺得買都值得, 如果買來放好耐先用一次, 咁就唔值…

就以我自己為例, 我都有玩影相但只係用緊 4 年前既 body,
我放假都想出去影相, 但唔出街時, 就更想在家休息 relax 一下。而且每日放工番到屋企都會開 D 演唱會聽 (四圍行)o下咁。
我發覺我用在 AV 既時間一定會多過用在影相。

所以同一個 budget, 在 upgrade body 同 upgrade av, 我決定了選後者, 而且自己唔係影得多, 4 年前既 body 仲好夠我用

而你講到 AV 幾年轉一轉, 我自己就好似上面講咁睇法,
如果現有器材夠你所需, 有新款都無話必要升級既, 都係要問清楚自己, 唔好為升級而升級。
我在呢版都有問緊買十仔問題, 都係打算買一個貴少少12” 就用起碼 5, 6 年, 在自己黎睇咁樣既錢都值得比既。

(電話 / 相機 / 電腦, 其實每種都係會不定出新款, 如果自己唔係姓李, 次次都要迫自己升級就真係唔掂。)

大玩偶

我反而係呢個網見到d有錢佬...洗錢係音響上既意欲大幅降低左.
cyberken 發表於 2011-1-18 11:34

    頂你果肺....你條友放長線釣大魚....宜家唔買住...將D 錢放落股市...翻幾翻....翻到過億先買呀 !

一早知你想住半山架啦 !!!

Ep-71

冇呀..見人有我有..

米求其整套7.2玩下囉

girbaud

AV o野都係興趣..量力而為..
新野年年出...自已滿意又夠用就算...無得追(有錢又舍得洗-另計)
自己都唔再買野住(我都係玩入門野)...唔想好似玩硬件咁...何必攪到屋企成個 Lab 咁...日試夜試...永無止境

白影

我自己就咁睇值唔值呢樣野..
首先要諗清楚, 自己只係為買而買？還是真係經常用得到？

好似影相咁, 身邊好 ...
patrick123456 發表於 2011-1-18 11:48

當然記得你問十仔既問題, 因為我都有回文, 呵呵

我都開始有同樣疑問
由買ps3開始，原本只係想有一套音響作打機之用
到月買月多，月玩月貴
有時會諗，自己搵 ...
Manson 發表於 2011-1-18 02:55

「有時會諗，自己搵錢唔算多，但所有無血都一定有汗
又要供樓又要養育三個小朋友又要孝順父母
靜返落泥個小小，不如食幾餐好又或者買部手機出街形下
點解重要攞出泥買舊野返屋棋搵位擺，只係為一時得行睇套戲呢
我自己都唔明....」

完全係我近來既感覺!

================


為左咩而買, 本身想平靚正有得在家睇戲,
但睇左咁多位師兄既意見,
我發現我係過程中多左一樣好重要既野,
就係一家人食完飯等開戲既期待同一亦睇戲既樂趣

每晚開戲(有時係演唱會), 同仔仔講「睇戲好唔好」,
佢就好開心咁講「睇戲戲,好喔」之後就自動埋位
而且外國片時, 連我個亞姐(我叫細媽, 因為我7歲已照顧我, 退左休, 我生左仔之後再叫佢番黎)
我都會叫佢放下工作, 一齊睇, 一家四口排排坐既感覺好好。

此刻無價!!



而且我每晚睇完之後, 等佢地入哂房之後, 就會開音樂, 成個廳就變成我既私人空間, 好好休息一下...


好! 去留意投影先, 好似三凌那台4000唔錯咁, 唔知有無人知有無地方可以分期, 呵呵
最好找到有分期, 一次過比過萬, 比老婆知會殺左我的, 哈!
幕就找2手OS 80" 16:9 purematt 幕, 再問下朋友意見先。

謝謝各位的意見, 放下了心頭大石了。

STANLEY2468

當然記得你問十仔既問題, 因為我都有回文, 呵呵



「有時會諗，自己搵錢唔算多，但所有無血都一定有汗
...
白影 發表於 2011-1-18 13:31

安心上路啦，你有師苦睇住唔洗唸咁多

kachow

點解要玩...都同大家差唔多.. 都係一時時運低..

白兄..遲d會唔會開個post問點解d人會退燒..

timmywan

唉.....所以我想放左套av...但上大人唔比.
cyberken 發表於 2011-1-18 10:09

你送比我咪唔會比老闆炸型

timmywan

安心上路啦，你有師苦睇住唔洗唸咁多
STANLEY2468 發表於 2011-1-18 14:04

我都閉關

tofu

因為weekday返工已經夠辛苦，放假唔想出街同人逼餐死，搞到睇場戲仲辛苦過唔睇，特別係大時大節

如果買碟可以隨時睇過一次，好多朋友會問我:乜你唔出街唔悶？
我會話：街多既娛樂我家中已有，睇戲,打機,卡拉OK,雀局,studio影相，馬殺雞，咁我仲出街貼錢買難受為乜呢？  加上我老細都唔鐘意同人逼

ERIC

因為weekday返工已經夠辛苦，放假唔想出街同人逼餐死，搞到睇場戲仲辛苦過唔睇，特別係大時大節

如果買碟 ...
tofu 發表於 2011-1-18 18:55

    絕對認同。

STANLEY2468

絕對認同。
ERIC 發表於 2011-1-18 20:00

你屋企真係好多玩具

francis_leung21

頂你果肺....你條友放長線釣大魚....宜家唔買住...將D 錢放落股市...翻幾翻....翻到過億先買呀 !{:5 ...
大玩偶 發表於 2011-1-18 11:56

其實我又agree...
股市好既時候...當然係放係股市到...到股市到頂...先用錢黎玩...到時又大把2手放出黎冇人接..又可以壓價...1手又會減價...跌緊冇理由放係股市....

francis_leung21

其實都係享受既野....
好似用車...就算最平個部日本車都要十幾廿萬..+每年大約1萬元消費...我俾你日日搭的...我諗都夠...點解要買車...
買3都一樣...1千幾百又一件...1萬幾千又一件...1千幾百同1萬幾千差在我覺得係品牌...可能我唔識野...總之每人使錢方法都唔同...錢賺返黎緊係用黎使...就算放入股市都係為佐將來使更大既錢...難度係股市賺埋賺埋第2時係打算donate 佐佢咩....
老人家個個年代3餐都有問題..佢地緊係唔明咩叫享受...
已發展地區同埋發展中地區既消費同埋心理態度都唔同...唔使介意

adamkong

自己玩得開心咪得囉 人比人 比死人

知足常樂 快樂在心頭