活動花絮及討論專區 - 新世代旗艦前級巡禮

bigair

GaryWong6688 發表於 2016-3-19 23:41
今次旗艦前級巡禮，我覺得馬仔能可與Anthem AMV60可一決高下，因為本身玩開鬼佬機那種音牆厚度、密度同有連 ...

我都好想聽下Anthem，就算無dtsx都可以聽下聲底質感，未必會輸

mufans

真係好多謝hiendy搞個今次嘅demo,好難得一次過可試到3部機!希望以後陸續有咁嘅機會，一定令我地機迷之褔。
講番3部機，我同大多數師兄一樣覺得馬仔最好，質感同環繞效果最好，Y記我覺得環繞效果有dd亂，可能我坐最前有關。至於P記係質感同低頻差啲，可能調校上可再改進嘅!
但一樣嘢要提係全場都覺得啲低頻吹我背後衫尾咁，勁呀!

羅賓

小弟第一次參加Hiendy嘅活動，相比起以往雜誌同其他網站舉辦嘅活動，睇得出Hiendy一眾搞手嘅熱誠，單單講整個活動嘅安排已經睇到落足心思，正如百事佬所講，呢類型嘅比拼要代理押下賭注，可以話可一不可再，但Hiendy能夠巧妙地平衡雙方，以一段主辦單位指定試片滿足會員，再比10分鐘show off自選時段比各器材大展所長，D個雙贏方案個人認為無得輸，絕對係一個嶄新嘅推銷模式，希望Hiendy可以延續落去。
講番三部機嘅表現，無疑馬蘭士秉承兩聲道嘅特色，就係質感同質量，加上DTSX嘅優勢，令我大開眼界。Yamaha我以往從未聽過，因為佢賣弄嘅DSP比我覺得係整色整水，無果樣整果樣，不過今日聽完百事佬嘅分享，再親耳試聽，原來DSP係禁全神，我坐個位吾係好靚偏埋一邊，但係一樣比成個音場包圍住，上中下三個空間交代得好好，令我對佢改觀。最後要講係Pioneer，無可否認同兩部前級有D距離，不過話分兩頭，一半價錢重要連埋擴音部分，今日嘅表現可算有交代，尤其sub控制，吾會比其他兩部拋離，抵讚！
最後想講下一班綠葉，估吾到KEF喇叭播AV係可以禁出色禁爆，兩隻sub亦播出身價，大地震後級絕無腳軟，藍光機夾投影機黑位一絕，真係Kinder出奇蛋，一次滿足三個要求。
今日雖然抽吾到獎，但有件Yamaha T恤總算有食有拎，希望Hiendy可以繼續搞多D類似活動，比我地一班會員有一個入貨嘅指標。
寫禁多字吾係為左之後嘅抽獎遊戲可以擺獎，係因為感受到各個版主無私奉獻而有感而發。

banjo

今次前級擂台之戰實在精彩, 雖然係短短一個鐘嘅示範, 相信事前準備一定做了好多好多工作, 真係要多謝百事兄同一班工作人員嘅努力, 令到我地可以又食又拎.
講番今次3個主角, 論牌面P記好明顯在各方面的表現都較為平淡, 面對兩大強勁對手, 佢都已經盡晒力, 未能越級挑戰, 亦非戰之罪.
至於M記同Y記嘅比拼, 根本就沒有邊個贏到邊個, 各自各性格.
M記無論人聲, 背景音樂同低頻都演繹出好有質感, 令人聽得好順耳好舒服, 忠實發揮電影效果.
Y記在細微音效的分析力和還原場景的空間感確是一絕, 佢認咗第二, 冇機夠膽認第一.
認為下次再有同類對決, 可以考慮比拼多幾個指定場景嚟代替自由選項, 必定會更加精彩.
其實我都係用緊地震15吋十仔第6代, 唔知是否未夠時間充分調較和擺放位置的關係, 兩隻地震牌十仔表現好似勒住勒住咁, 應該佢仲可以去盡啲. 希望下次會體驗到佢地真正的實力.

chrisclw

bigair 發表於 2016-3-19 23:50
我都好想聽下Anthem，就算無dtsx都可以聽下聲底質感，未必會輸

我都好想聽.....

原本以為今日後可以決定到買邊部前級添...

pangling

chrisclw 發表於 2016-3-20 02:39
我都好想聽.....

原本以為今日後可以決定到買邊部前級添...  ...

襯記憶猶新，即刻攪場Anthem 展示會咪得囉！

jwong

小弟並非第一次參加類次活動，但大比拼是我印象十第三次。第一次是10年次某雜誌主辦的平面電視大比拼，第二次是印象中是數年前由hiendy主辧的藍光機大比拼。這些活動另我們一般玩家能一次過公平地用自己眼睛，耳朵來選出最適合自己的牌子、型號。一定比睇雜誌、網上報告好一千陪。今次的比拼更加上代理參與，由他們自己調教，感覺更公平。難得Hiendy兄弟有心安排，完成這個不可能的盛事，實在要說聲多謝。說回三部機器材，不知是否如百事佬所言。由於P記冇平衡轉出而音量比較細，感覺較焗促。M和Y記比我感覺好接近但個人覺得M記較＂爆＂。反而Y記既自選片段比較平平冇奇。相對M記可用DTS-X片段令人印象大增。冇比較下P記播自選片段又有很好效果。希望Hiendy繼續舉辦類似比拼，例如P記加O記加CA藍光機大戰，謝謝！

pepsiman

Chris版主update咗, 有相睇喇....

mini88

Hiendy 今次辦既舞林大會! 應該是史無前例!多謝版主俾我 旁聽 ,今次應該係華山論劍! 但可惜有一位臨陣退縮, 有些小失色！但是小弟十分滿意今次的安排, 應該辦多 b! 就是我們用家之福!  
我也講講感受, 今次m記 無論在分析力控制力都是交足功課!
Y記營造的空間感電影感好像置身現場一樣 ！
再來就是P記的越級挑戰, 雖不及兩位前給大哥,但也拚死一拼！ 是我地值得欽佩的！ 也對得起這個價位了。

vclee

講三部機前，講下其他野先，
KEF 場地喇叭都好中性，聲音肥瘦厚薄都表現到，好忠實還完幾部機表現，估吾到入牆喇叭都幾炸得，同兩個woofer 配合得好好，隻JL Woofer 直頭係dream啦，但係太大隻了。
畫面都好夠力，係個幕好似细左小小，部Epson 幾正。

入正題，
部馬蘭士聲音質感好好，有天龍的力量，又有馬蘭士既厚度，播隻葉問三真係一流。
Yamaha 就定位好準，看星球大戰個戰爭場面好合比例，聽百事佬講好似有room size 校，環繞也交代清楚。
Pioneer, 一開始就好似處於不公平對決，吾知係冇XLR 原故，看星戰聲比較奀，比起兩部前級係有距離，不過它三部之中頭頂聲最突出，看末日戰車其實都不錯，以價論聲真是無得挑剔。

總結一下，個人來說無一部機全勝，價位，口味，環境個個不同，正如百事人講百貨百客，真係無絕對。正正今次可以比我地一次過了解那部機合適自己，依種心態比會員已經有贏無輸。最後好似聽到主持話可能係最后一次辦這類活動，無交待原因，可能收到好多投訴吧，咁就真係好可惜，我認為Hiendy 會員都比較成熟，不會惡意批評，最後多謝各主辦單位，依個前級巡禮做得好好。

mark16365

首先多謝Hiendy咁多位版主既努力，器材供應商借出既最新制式既頂級器材和專業既調教，及KEF公司提供既咁正既地方，使我們昨天才有咁好既機會去欣賞這些器材發揮最好的効果，多謝晒
就昨天自己所聽到的，覺得馬仔係最平穏最自然的，和歐洲的產品很像，沒有誇張的表現，只忠於原本音効。Y記在音場和低頻方面比較突出，有新鮮感，但好像加了味精。至於P記就更加誇張，特別係在中後置及頂嗽叭方面，很搶和很利，但這反而顯出前面的聲薄了和縮了入去。
當然這些可能和這些器材的身價不同有關。
最後希望Hiendy 能多舉辦這些活動，使我們可多些機會了解不同品牌產品的特性，選擇適合自己的器材，謝謝

sommer

首先多謝各位版主，有關網友的努力，有關的代理及KEF的幫助下成功舉辦是次活動。
很難得有此機會同場A/B比較，令本人更加清楚不同器材的特性，本想在今次活動後能決定購入那一部，可惜的是A牌最後決定不落場。
我的聽後感與大部分師兄一樣，M記是本人最喜愛的，不竟價錢已經反映一切。
希望版主們繼續努力給網友們帶來更多的活動。

topsky

多謝hiendy及各代理提供器材及場地.舉辦新世代旗艦前級巡禮呢種活動,我個人喜歡Y記空間感比較強及動態好Ｄ

mufans

vclee 發表於 2016-3-20 11:54
講三部機前，講下其他野先，
KEF 場地喇叭都好中性，聲音肥瘦厚薄都表現到，好忠實還完幾部機表現，估吾到 ...

好同意pioneer頭頂聲最明顯!
其實每部機獨立黎講，只要調教同配合器材得宜，相信都可以令我地滿意，有限嘅反而係我地家居環境同我地自己識唔識調教!

pangling

yuppi 發表於 2016-3-19 18:33
今日又抽吾中獎⋯

講番三部機，馬仔名明顯分析力同控制力係強項，Y 記空間感比較強，相對兩部純 ...

Yuppi 兄如實詳盡報導實況，盡解無法出席者的疑惑，值得鼓掌。

yuppi

pangling 發表於 2016-3-20 22:14
Yuppi 兄如實詳盡報導實況，盡解無法出席者的疑惑，值得鼓掌。

你講緊隔離台?

bmb_hd

yuppi 發表於 2016-3-20 22:42
你講緊隔離台?

公道自在人心

咁多人在場無得呃

bmb_hd

pangling 發表於 2016-3-20 22:14
Yuppi 兄如實詳盡報導實況，盡解無法出席者的疑惑，值得鼓掌。

我影左d 相, 希望連文字比到唔方便到的朋友知道下昨天的情況,

仲忙緊d 细路, 會儘快出報告

bmb_hd

好耐冇見過hiendy 搞呢種比較活動, 今次安排了代理自己set 番自己部机,

令呢個活動......更加恰當同埋公平咁去進行。不過我想如果唔公平嘅話，係咁多個新舊会員見証之下.......

昨天的進程如下:
每架机有機會播放代理自選片段2段, 這樣可以讓每一架机演繹出（代理認爲）自己嘅拿手好戲, 讓會員知道每架機最擅長的一面。
另外就有一段一樣的選段讓每架机播放一次, 這樣会員便可在一個一樣嘅平臺環境下了解每架機嘅取向及表現。


我覺得呢個安排好合理, 進一步平衡到用家同代理兩方面嘅利益。

• P記自選片段加州大地震 及Mad Max（兩隻都用atmos 播放）
• M記 自選片段Crismon Peak 及葉問3 （兩隻都用dts X 播放）
• Y記 自選片段為dts demo 兩段卡通 （dts hd 7.1）, 開了sci-fi dsp
  

P記自選片段


M記 自選片段


Y記 自選片段抽取自呢一隻dts demo disc


一樣的選段: EA “Star Wars: Battlefront” (Dolby Atmos)


講翻三部機嘅表現，以昨日嘅表現計:
M 記表現最得我心， 聲音大氣有厚度，聲音密度好，三頻好平均, 營造氣氛相當不錯，令你完全溶入部電影裡面!

Y 這幾年好像人氣大跌, 但可能因為咁，反而今次親身聽完覺得有驚喜， 同M記表現不差很多， 起碼密度能填滿咁大個空間亦聲音不覺得薄， 另外低頻控制得相當緊致, 感覺辛辣一點， 但並沒有太誇張， 環繞連貫性亦相當好。

P 記可能始終受制於价位关係， 雖然已經关了後級部份當前級用 及已用Pioneer MCACC calibrate 過 ， 但表現真的比下去 （但价位平咁多， 雖敗猶榮）， 聲音密度不夠很虚很薄,，加上KEF  試音室空間都唔细，聲音聽上去填唔晒個空間， 声音比較“寡”， 每個喇叭好似各别工作， 低頻表現亦見瘦削。

最後如果要我揀一部去買， 我都會去多次M記同Y記代理商聽多次先再決定， 因為兩部机嘅演繹其實都各有千秋。

最後題外話，當初登記hiendy做會員， 就系知道hiendy 会不定期舉辦一d 比拼（或者叫比較）活動，
今次係第三次參加hiendy類似嘅比較活動, 之前包括藍光机（跟住入左O 記）及歐美AV 前级比拼活動，而我亦因為參加了歐美前级大比拼之後奶左野 ， 入左部自己最喜歡嘅產品，希望hiendy繼續努力，同各大代理合作搞多d 活動！

YinLau@FB

期待各版主
多搞搞活動
明益眾C弟
眼睛更鋭利
耳仔更靈巧
分析力更高
按自己能力
追尋高階梯
努力勤工作
向目標進發
齊推動經濟
視聽新科技
多享受人生