|
|
發表於 2020-4-5 00:03:11
|
顯示全部樓層
本帖最後由 Champion 於 2020-4-5 00:13 編輯
首先多謝百事兄抽空比我喺俱樂部有個咁好嘅體驗
我第一次上去，個場感覺好新好舒服
百事兄非常殷勤，預備左多部影片測試lexicon MC10同埋sensa 11 channel嘅威力
以下嘅純粹個人感受，或多或少與家中所使用嘅器材會有所比較。
家中器材：
前級Y記5100
後級Lexicon Zx7
5.1.4 全套 B&W
Sunfire EQ 10
BenQ 1080 機種
投影方面
當日用嘅係Sony 270 4k 機種，畫面非常順暢自然，顏色飽滿，germini man 韋史密夫把槍啲面油反光都睇得好清楚，層次分明。大娛樂家女歌手白裙嘅厘史，暗黑舞台背景同白裙對比鮮明，面部皮膚顏色自然，雖然只係入門燈泡機但完全抽贏當年同價嘅台灣雷射機種（本人曾經擁有）。
聲音方面
第一套法拉利vs 褔特，全程我都被大音壓加埋引擎同金屬嘅高頻壓到逗唔到氣，可能本人唔太受得超大音壓，大地震後級由頭爆到尾不停爆無任何腳軟，呢點係意料中事，但相信係over左嘅大音壓先令高頻有少少尖同刺耳，因為當完左段片，百事兄將音壓調返低少少，之後果幾套戲就都無尖同刺耳嘅情況出現。
第二套spiderman far from home, 百事兄介紹一段Peter 朋友仔密室內被無人機包圍。無人機撞門嗰幾下，sensa 嘅梯形 surround 喇叭果幾吓澎澎聲真係嚇左一跳，大力到好似前置中置size 喇叭咁禁大聲，配合埋xtz 雙12 subwoofer ，澎一聲好似推一推你膞頭咁，非常有立體感，你係唔會相信咁細嘅surround 可以出到咁巨形嘅聲音，sensa 原來係非常爆得。
之後Peter 進入幻影之中，亦都係測試Lexicon MC10 surround 同包圍感嘅好機會。MC10 souround 效果係屬快速及力量型果種，所以我覺得尾音係比日系機少同短嘅，而我個人就鍾意聽多啲尾音，感覺日系尾音伸延多少少，音場會闊多少少。包圍感mc10屬埋身到肉壓逼力強，非常有電影院感覺，應該係有過之而無不及，效果比戲院更出色。
第三套real player one 賽車, 呢段我屋企經常用黎試機，更加突顯日系同美系前級對subwoofer 嘅控制力分別。xtz 雙12 並不是打心口類型，但相當快速同埋身，一浸浸下潛得有層次感，掃衫褲絕對無問題，俱樂部嘅sub仔set得好好，好多唔同嘅低音頻段都無隆隆聲，我個人都幾受落呢類sub仔嘅風格，同sunfire 有啲相似。mc10 將xtz雙12 控制得好乾淨俐落，令低頻完全融入成套系統。
第四段雙子任務後生版電單車追殺老史密果段，呢一段我係第一次睇，槍聲扎實有力，連串嘅動作追逐，配合生態紀錄片級嘅超靚畫面，我真係入左套戲，無再留意細聽細節，而係投入左喺享受睇戲嘅娛樂性裏面，實在太正喇。亦都估唔到原來呢套戲唔止畫靚，聲軌方面都好靚聲。
第五套係Anita 賽道同埋酒吧地底兩段，我會覺得日系前級其實進步左好多，以前HD 制式日系純前唔係太多牌子有出或者能夠令人留下深刻印象，玩日系機嘅朋友通常都係用合拼，即使Rca pre out 出後級，佢始終唔係一部純前，往往效果不如歐美前級。
小弟屋企嘅y 記播呢兩段都絕不輸比mc10 ，可算係各有優勝之處，真係比唔上嘅會係低頻控制力。mc10 著重電影感埋身同爆發力，而y記拿手surround 前後左右音場闊度同細節，鍾意邊類真係各有所好。
第六段，大娛樂家，老實講，可能我見識少，我對美系前級先入為主覺得一味玩埋身玩電影感，音樂感會唔理想，當我聽晒白衣女歌手唱完成首歌，mc10令我對美系前級音樂感呢方面改觀。佢比我感覺係，得喎，聽歌ok喎，有少少起左雞皮，真係唔差喎，相信演唱會嘅表現都應該幾好，希望有機會一試。
玩左大約一個鐘，飽晒好滿足
總結，以二萬多嘅價錢玩到美系前級果種風格係超抵嘅，而以價論聲，我會覺得佢同Y記5200屬同等級別， 旗鼓相當，各有優勝之處，加上歐美前級多年先轉一次款，唔似日系一兩年就轉一部，未擁有過AV前級而又鍾意歐美風格嘅朋友絕對可以考慮。
|
評分
-
6
查看全部評分
-
|
樓主: pepsiman
IP卡
狗仔卡
顯身卡
發表於 2020-4-4 11:48:36
我都搵佐好耐搵唔到唯有買RX7 推B&W
