本帖最後由 rklpoon 於 2011-9-16 23:31 編輯
唔好俾佢停.今次講sub仔.
之前用個隻JBL或Yamaha(記不起)千多元貨色,用左成七、八年最後光榮退役.物色replacement,爬文(順帶一提,我個人最鐘意在買新玩具時四處research,包括在各大網站爬文收料,如用家開箱文,功能/問題討論,甚至download user manual pdf file研究,免費兼且好睇過hifi書)得出結論是$3k左右budget,Velodyne cht 糸列應該是best buy.當日到MK鋪,本來諗住買10",點知個sales猛話8"都夠,10"反而大過籠會boom.心諗佢唔通有多d生意額都唔要,於是落嗒,買左仔Velodyne cht-8r.同之前千多元貨式比較梗係差一大截.
直到買入Anthem MRX700 receiver(成兩年後),蒙各位版主/高手光臨指導,對部700讚多彈小,但Klipsch前置/中置礙於號角設計,於大音壓時有小小拮耳(平時我睇戲冇佢地開咁大聲,唔多覺,但後來已換全Thiel L+C+R,詳情前文已交待).
而另外一個較弱環節,便是隻8"sub仔.雖則部700控制低音已算不錯,播Jason Bourne Ultimatium 市集女主角被追殺一段有板有眼,氣氛/配樂效果不俗,但當然滿足不到座上其中擁有雙十既貴客 (又可能之前梳化不是放在廳中間,擴散體積不同之故).
到後來賣埋Klipsch換全Thiel L+C+R,情況就更加明顯(其實部份原因是被人落毒,不過牛唔飲水點拑得牛頭低 ).於是再一次開始sub仔升級之旅.
今次除爬文外,因同班"慳d友"(老細幫Hiendy 網友起既花名 )熟落左,於是順理成章,不恥下問,綜合各高人意見,似乎是同牌子Velodyne 較高級之Ultra或DD糸列,當然新价亦都以幾倍標升
為節省金錢,於是出post搵二手Ultra或DD,10"/12"都要(因未肯定較適合吋數).等候期間更同randyma及rayanenen到sk555香閨一窺全豺,sorry,係佢套av system, 包括馬仔av amp+Proceed?後級+B&W L+C+R及??後置.最緊要當然是Velodyne SPL1200Ultra subwoofer. 伍姐聆聽環境為長方型,用闊個便擺器材,梳化貼後牆/窗,面積較我處小(佢係品字廳,客.飯分開,我則正長方型,梳化放中間,後面為飯廳).未開聲有d驚地方小會boom,但可能sub仔放在右牆角,側面有走廊位通往睡房散聲,完全冇問題.播Iron Man2賽車場打鬥一段,條電鞭鞭鞭有力,絕對收貨.伍姐耳靈,正所謂巾幗不讓鬚眉,佩服佩服.
經此家訪,更加深我購買意慾.更多謝claero兄提供寶貴意見,分析Ultra/DD 10"/12"之特性及於我屋企之配合.
後來在隔離台搵到隻DD10,成功議价$9k,claero兄更應承幫我一齊交收.點知臨門一腳......交易告吹.
事緣隻DD10較多調教項目,其menu要經視頻線輸出tv/display,我呢d爬文理論派一早已經download其manual鑽研,故有基本認識(雖然只是紙上談兵).而賣家話隻sub仔放係MK某寄售鋪,叫我直接同該鋪負責人交收.當日電聯該負責人,表明來意,言談間我要求交收測試時接駁一下tv,簡單check下menu主要項目是否正常.點之對方話一般交收sub仔試到有test tone便成交,見我係熟客x先生介紹,極其量播d戲測試便算.我解釋因隻DD10設計獨特,就咁用遙控試不能作準,佢又話得—個人,又tv離sub仔遠,冇咁長既接線(其實manual話跟机有條20/30呎既video線).講得兩講,重話要另外安排,第日安排好先再call我.
事後聯絡賣家,佢話介入,轉頭sms覆我攪唔點.claero兄都睇死對方唔肯咁試.但我覺得我要求合理,一來不是平价野(至小對我來說).二來問過威達,過保行貨sub仔檢查費$400,DD 10遙控$1k兼要訂,換amp/低音單元$?k.最重要係你係生客,求其check完返去有事會幫你跟進,修理,回水?上次部NHT P5修理/換机事件折騰重唔夠煩,呢次唔好攪呀叔咯!向毒品say no(係次等/有問題既貨源),回想隻DD10放售有成2,3個月都賣不出,重輾轉擺在寄賣鋪.試机又從簡,陰謀論話...安慰緊自己,算罷啦.塞翁失馬,焉知非福.
終歸冇去買隻二手DD10,可能是有緣無份.當晚原本約好claero一齊去交收,結果自己一條友去Times Square試Ultra同DD10,即場AB比較.先用Ultra播Transformer 1及Hitman演唱會,然後到DD10播Hitman及Transformer 1. 可能由於短暫記憶,播Hitman最記得兩隻sub仔分別表現.個sales已經用同一音壓,將變數減至最小,但覺得Ultra播演唱會欠自然,播戲兩隻差距不大.
經此測試,覺得兩隻sub仔睇戲絕對收貨,聽歌當然DD較佳,但調教較複雜,未必適合我呢d"楂自動波車"用家.但claero拍心口話我攪唔掂佢會幫手,買唔成都要在此再次多謝他.
及後等二手等到頸都長都冇人割愛,毒癮發作,十份吊癮.同自己講/justify,保用一年至少值一千,大兩吋值一千,DD10二手都值九千(original budget $6-7k for a 2nd hand),雖然高班過Ultra,但好似有新款出,最重要一仔subwoofer可以用上三、五、七年,我又唔係追新款之玩家,睇我攬住部Yamaha冇hdmi既av amp 1400都可以用咁耐就可略知一二.講左咁多廢話,聰明的你,一早知我既答案,就係去馬買隻新既Velodyne SPL1200 Ultra啦.
|
樓主: rklpoon
IP卡
狗仔卡
發表於 2011-9-16 09:32:38
顯身卡
