活動花絮及討論專區 - 新世代旗艦前級巡禮

pepsiman

YinLau@FB 發表於 2016-3-21 08:17
期待各版主
多搞搞活動
明益眾C弟

五言絕詩，好...

kyleckl

首先，要多謝Hiendy一眾板主及各品牌既工作人員
無你們既出力，無當日咁精彩既活動！
小弟第一次參加由唔同品牌去比拼既活動，感覺好好！
因由各品牌工作人員去調教完，理論上應該可把部機特性發揮出來，呢樣係外面店舖應該難做到咁比拼！
至於3部機，兩部前級當然較好，小弟新手及一雙木耳，我覺得M記同Y記分別唔係好大，口味唔同，不過我喜愛M記多d，P記越級挑戰，雖敗猶榮。
跟住想講係，經過呢次活動後，我對3個品牌既感覺係各有特色，不會話邊個輸咗邊個贏咗咁，所以各大代理品牌請放心參加類似活動啦！

最後係我滿意活動既安排，雖然呢個安排同最初可能唔同！
但A記既退出讓一眾師兄們失望，雖然非常尊重代理既決定，
但今次我覺得P記多了一份光榮，A記少咗一份勇氣！

yuppi

補充番少少，相比幾年前既 8801 同 5000，馬仔同 Y 記真係有好大進步，而馬仔既進步已經去到可以挑戰鬼妹純前既級數，令人刮目相看⋯⋯

bigair

yuppi 發表於 2016-3-21 14:57
補充番少少，相比幾年前既 8801 同 5000，馬仔同 Y 記真係有好大進步，而馬仔既進步已經去到可以挑戰鬼妹純 ...

搞到我都想轉會

pepsiman

bigair 發表於 2016-3-21 15:32
搞到我都想轉會

相信一皮師兄好快會出手...

bigair

pepsiman 發表於 2016-3-21 15:39
相信一皮師兄好快會出手...

一皮等緊Anthem，可惜呢次無得試，否則已落柯打了

sega1119

刚有时间写，简单来说听过今次的比拼
M记是三部前级里面表现最好的，三频平均~分析力好，声音走向明显准确~实至名归的第一名
Y记，令我没想到的是低频超爆，再试星战的片段中每一下开枪的声音也是震撼身心，但因为低频太过爆，有事会出现谐振~而另整体声音分析力，跟声音的走向明显差过M记~所以Y记只能拿到第2名
P记，就没什么好说的了毕竟不是纯前级，价钱更不能跟前两部比肩，说句实话要爆没得爆，声音走向，跟分析力也都是三部之中最差~只能拿到最后一名了，但也在情理之中.

sega1119

听马兰士部前级，我越来越觉得其味道真的超级像我自己用开的天龙前后级AVP1+POA1的声音味道！

羅賓

sega1119 發表於 2016-3-21 16:35
听马兰士部前级，我越来越觉得其味道真的超级像我自己用开的天龙前后级AVP1+POA1的声音味道！ ...

係呀師兄,自從AV8801開始,我都覺得馬仔已朝向天龍方向,但就多左一份音樂味道,我都好鍾意!

wmchang

今次好正！多謝Hiendy,各代理合力舉辦今次活動，令我們可在咁正kef. showroom比較器材，馬蘭士首播DTS X的血色莊園，屋內人物對話，我坐最前排，聽得好清楚最後面屋外下雨的聲音，Star Wars Game Trailer 三部机都播，個人喜歡馬蘭士多一点。

gordon98

首先多謝hiendy各人，講返今場，M記各樣表現理想，包圍感，氣氛，低頻都好好，相反星戰一段，Y記有啲過咗火，感覺低頻太強，而且天空聲效較弱，戰機飛過唔太出色，可能本人唔鍾意dsp音效，特別sci fi，太過火，相信用direct會好好多，而P記則屬非戰之罪，各方面都輸3成，反而最後葉問一段，贏回唔少，我覺得合併機嚟仍然講數一數二，除非必須要純前，否則P記仍然值得擁有。
至於純前，我投M記一票，可惜Anthem臨陣退縮，否則更有睇頭，有一點我反而想講，一般家居食唔食得起純前後？日日被投訴都似

bigair

gordon98 發表於 2016-3-21 21:03
首先多謝hiendy各人，講返今場，M記各樣表現理想，包圍感，氣氛，低頻都好好，相反星戰一段，Y記有啲過咗火 ...

一搬家庭無咁大地方，音壓可以細返d，純前唔係指大聲或好勁，係細緻度密度，應該係會聽多左野，當然大聲d純前係有優勢

yuppi

gordon98 發表於 2016-3-21 21:03
首先多謝hiendy各人，講返今場，M記各樣表現理想，包圍感，氣氛，低頻都好好，相反星戰一段，Y記有啲過咗火 ...

P 仔冇播葉問喎.....

gordon98

yuppi 發表於 2016-3-22 00:29
P 仔冇播葉問喎.....

係喎，葉問係DTS:X，應該係M記，不過結果依舊，M>Y>P，P仔對得住自己個價位

Jason1969

多謝各位大師兄分享3大牌子各有千秋,我投Marantz 8802A

sherman

首先感謝百事佬，bigpun，各版主策劃及安排，各代理借出器材與負責人專業講解，讓我等一眾影音愛好者可加深了解，親身感受各品牌之特性與效果，為換机前作準備，馬仔DTS X先以血聲莊園嚇我一驚!再以葉問試出各種聲效，DTS X 果然正! Yamaha 我最早期玩影音已喜愛front height之DSP 音效，累積多年有其獨特之處，換机叫我二選一的話都頭痛。

yuppi

bigair 發表於 2016-3-21 15:32
搞到我都想轉會

入啦，定係等年尾安仔新機？

Hammondlo

首先多謝pepsiman, 一分錢 一分貨,M記各樣表現理想，其實想入LX89,宜家或會入7010.

sherman

個人建議下次再有各品牌比試，試机片段一致可讓我們更準確比較，並非分勝負，只讓我們更了解自己口味及換机取向。

bigair

sherman 發表於 2016-3-22 17:00
個人建議下次再有各品牌比試，試机片段一致可讓我們更準確比較，並非分勝負，只讓我們更了解自己口味及換机 ...

師兄覺得一條試片不夠？