定價逾二百萬元的Audio Note Six CD轉盤 /及The Fifth Element解碼

Dennis

小弟就最膚淺嘅，什麼理念都好，幾好聲幾啱聽都好，我有能力用兩球嚟買一set機嘅話就一定要樣行先。
以小弟嘅能力，兩皮嘢嘅機就會聲行先，你地話我幾咁膚淺呢！

hakman

AS881 發表於 2016-4-10 14:25
我只係想講對呢個牌子嘅感覺同看法而已! 我又冇咩特別背景擔心得罪咩人, 想講就講, 咁forum 應該都係咁?! ...

forum 應該係咁 X N

rocmanb

其實如果佢唔係定呢個咁嘅價錢，邊有咁多noise
不過我真心想知道，佢係咪全世界最貴嘅 CD combo

t1174

價錢可以任人叫，最貴其實未必有意思。

iwc

AS881 發表於 2016-4-9 19:33
AN....200 萬? 真係
得罪講句, 佢唔係呢個價既嘢

X2!如果有錢玩an，點解唔玩kondo!

HaiFaiYau@FB

rocmanb 發表於 2016-4-10 16:30
其實如果佢唔係定呢個咁嘅價錢，邊有咁多noise
不過我真心想知道，佢係咪全世界最貴嘅 CD combo ...

我都想知X2

HaiFaiYau@FB

測試音響線稿分享陳瑛光…


众所周知，AUDIO NOTE以设计和制造最昂贵的胆机驰名于世，厂方的[一套西装]前后级旗舰M10与Gaku-On系售价超逾百万元的组合，在《发烧音响》过往刊登的评论之中，我已经深入剖析过AUDIO NOTE成功的因素和厂方雄霸高端胆机市场的背景，AUDIO NOTE能够在胆机发烧友之间建立崇高声誉
其原因只有一个，就是AUDIO NOTE众多胆机型号--不论价钱平贵--都是非常靓声的，据我多年来聆听不同型号的AUDIO NOTE胆机所得，厂方的天价级胆机当然靓声无伦，但售价数万元的入门级机种也是声色感情俱佳，声音和谐动听，AUDIO NOTE产品有此表现，皆因创办人兼设计者
Peter Quortrup对胆机认识之深与调声技艺之高明举世不出几人，Peter每当亲自示范AUDIO NOTE[一条龙式]音响体系时，音色之鲜明通透、乐声之热情澎湃、动态之凌厉以及定位与音场之明确都令人听过之后一试难忘，我执笔从事音响评论已有卅年，在我认识的音响厂家老板之中，我认为耳朵无比灵敏、Hi-Fi本领好到可以达至“大师” 级数者只有两个人，就是Mark Levinson与 Peter Quortrup，这两位大师际遇各有不同，“Mark哥”的故事一匹布咁长，总之成败不足以论英雄，另一方面，Peter这么多年来却一直是高端胆机市场的常胜将军，今年中国大陆出现一批专玩昂贵器材的发烧友之后，AUDIO NOTE更加成为外国胆机名牌中的名牌，著名机种卖到供不应求


個人覺得內文有水份，但甘多廠商都會賣廣告…點解要偏偏要讚个2個人呢！

番返尼現實社會，如果AN嘅產品甘貴質素又差…又有甘多人用真金白銀去買机維護佢（陰公…我部法國cdp（audio aero）同stax（靜電耳筒）走中高檔路線都執笠要易主…吾系好明AN點生存（如果真吾掂嘅話…）？

或者仲有其他原因吧…但我覺得有多少疑點

HaiFaiYau@FB

我都想知AN（如果真糸甘差勁又貴…希望其他師兄可分享更多AN產品不足或者吾掂地方…等哋新手可知多啲…識多啲）點可生存甘耐？

調轉尼睇！佢甘差勁又貴又吾洗執…我又幾佩服佢喎


前个月試机期间…去左中環（老字號）二手商試前級（2~3万左右）試完LAMM LL2 Deluxe膽前后（吾多啱聽）…想叫老細轉去demo前級（audio note m6..）比較下，點知老細叫我吾好試啦…因為無得揮（吾同班…），免得試完心思思果隻！

而家唸番轉頭！段估AN冇同二手舖賣廣告呀！二手舖又冇做代理…點解甘多机吾用要用AN做demo呢…？仲要講得甘掂…又吾比我試（費事我中毒…）！

我以前吹水文都多次講！我幾信二手舖老細意見建議…（我部audio aero reference cdp都糸聽二手舖老細建議…最衰佢冇…要去其他二手舖試机…一試果然啱聽…



唸到就講果隻…如有得罪或吾啱地方…請多多包容！

AS881

靚聲定義好因人而義, 例如兩部機A 及B 比較高低, 會好有可能大部份人都認為一聽就知梗係A 强啦! 以orchestra 演繹為例, 原因這部A 機在某章節的某些樂器弱音明顯更清楚, 更有質感, 而其它的部份又比B 機更透明, 更有貴氣, 咁當然贏晒! 但做演奏的內行音樂人卻毫不猶豫地話當然B機比A 機好! 何解? 因這段樂章的三角鈴在B 機演繹時大小比例才正確, 發聲不應該好像在你耳邊"釘" 的一下那麼清晰, 聲音應該在後排輕輕"釘" 過, 這就叫音樂比例! 畫面是否正確, 是否像真?! 並非我們—般去聽的所謂小提琴在這機播放下是怎樣的滑溜, 甜美, 兩極延伸怎樣怎樣!! 原來對它們來說, 最基本的演奏比例才最重要! 所謂的靚聲是應該以像真為標準! 並不是只憑個人囗味説這部機相當好聽, 舒服, 吸引等便認為這部叫最靚! 結果兩部選其一便B 機勝出, 給A 機的結論是: 五音不全!

AS881

朋友跟我説, 現今會有幾多真的懂音樂的人呢? 當大部份人認為A 這種演繹才是好聲標準時, 廠方為了生存, 為了銷量, 便紛紛推出這類"靚機" 了! 所以亦帶出為何常聽人説hifi 呢家嘢,新不如舊! 以前機的tune 聲, 有不少是以人耳較聲, 聆聽為依歸, 但現今人們對音樂的追求只是以高清, 響亮, 分析力等為前題, 而已怱略了音樂的本身面貌了....加上現代音響上用的元件缺少(被電腦零件取而代之), 要做似樣的便難上加難了!

haha12

由於錄音科技進步，結構相對簡單的流行曲或是樂器不多的曲目，錄音高手可以隨 心意操控音場，樂器間的距離與前後感亦可改動。所以用這類音樂決定喇叭擺位好易搞出大頭佛。

大型古典樂章結構複雜、樂器繁多而位置有一定規矩，如果能做到音場穏定樂器有針點般定位，那麼系統的重播能力及喇叭擺位應有七、八成火候了。

這是小弟對靚聲的理解，但不是大家公認的唯一準則，例如燈胆迷追求的貴氣仙音那令人痴醉、意亂情迷的意境很多時現場 Solo 亦有所不及也！

HaiFaiYau@FB

haha12 發表於 2016-4-10 22:20
由於錄音科技進步，結構相對簡單的流行曲或是樂器不多的曲目，錄音高手可以隨 心意操控音場，樂器間的距離 ...

其實大家都知燈膽有音染…但果種人聲感染力…又吾糸一般石机可做！所以用口味呢形容我自己覺得較客觀！起碼睇个个知你用吖標準去分…！

首先我吾覺得一啲入門級（3幾万…）可造到百分百還原能力（甚至年年去會展聽高級視聽展…即使成千萬套組合都好…個人都吾覺佢哋架生有百分百還原能力…根本同售票處側跟隊真人band吾同…！甚至CD錄音像真度亦成疑（有冇人可以話我聽邊隻CD錄音百分百同現場一樣，三角鈴…已較好分比如（有啲試音CD…會話俾你知該三角鈴頻普同殘響有幾多秒，我較常用尼分高音分析力喜歡用鈸（查）聲去測試，莫講殘響時间比例岩吾岩…當中鈸聲共震有幾多次先停（好多架生成疊出…尤其厚聲架生死穴），再要求低的嘅結他嘅鋼線味亦吾糸甘易出得正確（反而石机一般做得較好）。

人聲感情較複雜…亦糸感染較强一環，好多樂器還原能力强嘅架生…往往去到人聲吾系偏冷就較硬…！好多架生都兼容吾到，舉例我試jadis da50 se...連人聲上下顎聲，微弱轉腔…都出吾到…氣息，較弱嘅換氣及喉氣若有似無（有層砂感覺…但把聲糸好舒服…力度，厚度亦夠）！


轉到去昌明聽到AN OTOSE 搭LS 59…除咗離箱外，連結他（LS59高頻非強項）…都吾錯，人聲氣息等好輕鬆就出到呢…吾糸用加強高音方式去出果隻…佢人聲好自然，反而膽味吾系太濃…但返屋企將原有ei 12ax7轉上valvo 轉為斜水銀…膽味就出呢，再轉用philips斜水銀又另一吾同世界…部AN幾能反映膽性格…
，而且樂器同人聲嘅分離能力亦ok…至於深度反而吾糸好强…！

我比較鐘情人聲及室樂…最少你要俾個個歌手糸我面前唱嘅感覺…


至於什麼原聲還原還原能力…怒小弟木耳
我暫時未聽到一套架生同我聽現場一樣<指無放大器嗽叭架生
個類！如有套架生有甘嘅還原能…請介紹下…等小弟可開耳界


當你全世界音響組合一樣輕易做到所謂百分百還原，音響分分鐘無吸引力，每个人口味同喜好都吾同！試問一種即使100%還原能力音響組合…無法去滿足市埸吾同要求！個人覺得音響同餸菜一樣，有吾同口味去迎合大眾需求…冇分吖糸錯對！


我所鐘情膽味（明知佢有音染…）一樣，鈡意一樣嘢洗乜甘複雜！正如揀女友或老細一樣，鐘意就得（即使佢有吾少缺點都好）


所以我强調用口味去品評以免誤人…甚至將我試過器材，連電容都好…講到水蛇春甘長…只糸希對一啲比如diy朋友較聲時作參考（自己糸過來人…吾糸每個人可一擲萬金去唔岩聽就換！況且較聲亦糸一種樂趣


以上並吾存在任何爭拗點，只糸自己小小小小個人睇法而已，隨意亂嗡都得！亦糸論壇吸引嘅地方！

tst123

HaiFaiYau@FB 發表於 2016-4-11 08:28
其實大家都知燈膽有音染…但果種人聲感染力…又吾糸一般石机可做！所以用口味呢形容我自己覺得較客觀！起 ...

話明 hi fi 邊有可能絕對還原, 套機天天唔同聲早晚又唔同聲，即使現場表演也天天水凖也不盡同，所以套機不太誇張便收貨。口味呢家更個人化，所以每個廠家都會有 target 買家。

至於AN呢部CD機，希望8月 hi if show 有 demo 吧

HaiFaiYau@FB

tst123 發表於 2016-4-11 09:36
話明 hi fi 邊有可能絕對還原, 套機天天唔同聲早晚又唔同聲，即使現場表演也天天水凖也不盡同，所以套機 ...

絕對認同


我都希望聽聽呢部2M 嘅AN CDP SYS...有乜本事？{:7_90:}


另外我對AN果部L2水平嘅入門oto se合拼机仔，拆開机蓋換膽時…構造簡單公整…做料一般而已…點解可以做到呢個水平（我部300B單晶銅輸出牛加AN…等電容，再加AMRG.MILLS.CODDOCK...電阻，銀線…（我已逐part換，吾啱聽就返轉頭果隻，膽已用德仔，西門子cca...等數拾款膽，5687亦用tong sol方環，喜萬年金腳，valvo e182cc（代用）…但同AN都糸有差距（指微動態，人聲感情…），膽味反而吾及部300B SE（較出尼…原本300B SE冇乜膽味…清麗型）！

我除左讚AN較聲功夫到家…仲可講乜（亦糸我欣賞佢嘅地方…至於佢同日本AN點分家…我一啲都冇興趣知…

remychiu

價錢嘅野真係.................其實兩佰個都真係吾貴，咁多件野比鬼左你，好似睇吓D名牌手錶如PP，只提供幾粒盲人附助嘅repeater响音，都收你兩、三佰個啦，所以定價嘅野我識條乜咩

HaiFaiYau@FB

remychiu 發表於 2016-4-11 09:57
價錢嘅野真係.................其實兩佰個都真係吾貴，咁多件野比鬼左你，好似睇吓D名牌手錶如PP，只提供幾 ...

高見

雖然我覺得佢好貴（加上以往呢辨非佢强項…更加覺貴）！

但C兄用相比角度去比又好似較客觀（雖然吾同類）！

但論壇媽！可任意講出自己觀點…（我儍儍下嗡風完…都爽啲，暢所欲言媽）甘嘅論壇先珍貴！

remychiu

HaiFaiYau@FB 發表於 2016-4-11 10:09
高見

雖然我覺得佢好貴（加上以往呢辨非佢强項…更加覺貴）！

查實我買左好多花心..................

kslsfz

其實痾到碌已經有啲走火入魔，佢開頭就學人地Kondo san成日話Simple is the best，兒家個朵響咗就為咗討好啲東歐大陸暴發户，件件嘢都一舊二舊有咁大得咁大，又唔肯花啲功夫設計吓靚仔啲，聽Hifi唔冼搞到好似貨倉咁啩！

至於話啲聲，最大問題就係聽乜類音樂都係果種聲，即係Black Gate加油浸容聲，粘粘潤潤咁慢半拍，同全盛時期Kondo在生啲產品無得比，人地啲聲快上快落去到盡啲轉彎抹角果種細節，呢一世都唔會抄得到

不過咁，佢都係有耳之人，除咗啲electronics外都係好嘢嚟，好多好嘢都收歸旗下或仿製，十隻手指都數唔哂

HaiFaiYau@FB

kslsfz 發表於 2016-4-11 11:50
其實痾到碌已經有啲走火入魔，佢開頭就學人地Kondo san成日話Simple is the best，兒家個朵響咗就為咗討好 ...

好同意，我以前聽AN普遍都有你講果種慢半拍…或者叫油浸…聲！舒服型（類似jadis...走向）！

但早排聽佢部長青oto se机仔（賣左成10幾年）又冇果種慣性AN味…自然到甚至可以話冇乜膽味（當然冇聽晒AN產品…我覺得太貴，非能力可及）！


其實好多牌子都有自己慣性聲底…其實又冇乜所謂！最緊要有多選擇！

現實社會好現實！汰弱留强不變定理！

百花齊放！加大競爭…先有利我哋消費者

AS881

kslsfz 發表於 2016-4-11 11:50
其實痾到碌已經有啲走火入魔，佢開頭就學人地Kondo san成日話Simple is the best，兒家個朵響咗就為咗討好 ...

都係嗰句! Peter Quortrup 只係個生意人!