請問有無人知

chhanthony

cckong 發表於 2012-6-22 22:22
就咁講可能大家仍未必信，所以昨晚我拍了些照片，可惜未加濾片前沒有拍照，我只可同大家講呢兩幅圖片，第一 ...

Cckong兄

有無個hcfr chart睇下

cckong

chhanthony 發表於 2012-6-23 09:15
Cckong兄

有無個hcfr chart睇下

唔好意思chhanthony兄，其實玩呢樣嘢已經是成個幾兩個月前嘅事了，皆因我之後病了成個月乜都無搞到，連睇戲都無淨係聽歌，而當時校機只係一心校好自己部機，無諗過會出post, 所以沒有任何記錄留低，今次出post只不過悶悶地問下睇下有冇人知呢件嘢係乜，點知極其量都只有人答係俾投影機用，當我再問點解唔用投影機本身的調校功能而要加filter就沒有人能答到，咁我咪先至再講落去點用，連昨晚post的相及圖都係匆忙地做，查實我發覺呢個forum啲人大多數都只係你讚下我，我捧下你，乜乜大師又乜乜師父，多D去外國D forum睇下人地點討論，免得固步自封吧，我當然不是話Chhanthony兄你，你我早於在這裏之前已交流過了，你又熱心幫人，最緊要技術係建基於真正實踐過而唔係齋up, 送給呢處的C Hing兩句：山中無老虎，馬騮稱霸王

cckong

仲有我所講嘅加強紅色及減弱藍綠色並非在RGB GAIN OR RGB BIAS度調校，而係進入service manual 內有項叫panel drive power，或者我遅D得閒影埋相跟你再硏究

tam_kk

加filter呢樣嘢，當年SONY 11仔嘅年代，已經熱鬧

chhanthony

cckong 發表於 2012-6-23 12:05
唔好意思chhanthony兄，其實玩呢樣嘢已經是成個幾兩個月前嘅事了，皆因我之後病了成個月乜都無搞到，連睇 ...

玩機只是求開心，網上言論勿上心
相信cckong兄的用心分享大家是知道的
只是調校範圍唔同先少有討論，以後有好嘢記得唔好收收埋埋，
多啲分享，等我哋學下嘢。

bmb_hd

chhanthony 發表於 2012-6-23 16:46
玩機只是求開心，網上言論勿上心
相信cckong兄的用心分享大家是知道的
只是調校範圍唔用先少有討論，以後 ...

係呀，重等緊你其他有heart 分享呀！

grandetech

見cckong兄有感而發，我都想講下。

上了hiendy個幾月，我感覺香港AV用家比較重聲音，畫面著重研究暗位和有幾detail，但色准就無人講咁濟。 cckong 是小有的認真提出調色心得的師兄。

其實我個人就覺得色准才是優質畫面的先決條件，色准包括0 to 100 IRE 灰階教准D65色溫，三原色RGB 及 三副色 cmy 準確落於REC 709HD 色域位置，讓色彩可以得到正確解碼。畫面的其他調教就包括gamma 2.2，和一般用家多數會用如DVD BASIC HD 教的contrast，brightness。

如果只是暗位好，detail 正，但色不准，點看都是覺得好唔妥，好唔舒服，好多靚機亦因此浪費了。 多謝kong兄再次分享。

p.s. 其實CC20R我早已知道其用處，不過見kong兄有心考下人，就不便提出了，所以不要灰心，請繼續分享！！

chhanthony

grandetech 發表於 2012-6-23 17:07
見cckong兄有感而發，我都想講下。

上了hiendy個幾月，我感覺香港AV用家比較重聲音，畫面著重研究暗位和有 ...

grandetech兄

其實Hiendy起碼有四個人持有ISF 的証書，level II都起碼有三個，
而對畫面調校有心得嘅人亦不少，如Breadvan兄，cckong係其中嘅表表者，
只係調校畫面來來去去都係幾個標準，都係咁調，
同比較客觀，只要知道基本理論就可以，算是入門功夫，
但聲比畫較有主觀性，亦難以單靠幾個標準數據就可以調出好聲
所以討論空間亦會較大。

Just my 2 cents

grandetech

chhanthony 發表於 2012-6-23 18:04
grandetech兄

其實Hiendy起碼有四個人持有ISF 的証書，level II都起碼有三個，

同意你。原來有幾個高手，失敬。

但又有幾多用家，就算豪花50k 100k 金錢於投影機，更加花上成千上萬圓買HDMI 或者 電源線 調畫面/聲音，試問此等升級畫面方面又可得多少提升呢？唔係話無，見仁見智，但相對顏色準確，就只能說是輕重立見。  好多用家可能並無考慮過用CMS玩好d顏色，因為聲音調教已經夠佢忙了。而買新投影機的時候，有無考慮機器是否有CMS內置？往往已經花上數萬入手，但其實好多機先天功能有限，根本無法教准，cal唔到之餘又浪費青春，於錯色底下睇左好多靚色的BLU-RAY。 其實絕大部分的投影機個色域都大過REC709HD 好多，以至看落顏色豐富，但解錯嗮碼，開始你覺得幾好睇，睇落就好唔自然，唔真實。

小弟只是希望借此提出對色彩教正的重要，也支持kong兄繼續分享而已。

cckong

chhanthony 發表於 2012-6-23 18:04
grandetech兄

其實Hiendy起碼有四個人持有ISF 的証書，level II都起碼有三個，

呵呵，講到証書我今次就跟chhanthony兄站在不同立場了，我本身有另外睇法，你認為如果我去讀個2日課程回來，難嗎? 無可否認有証書做野可以方便些，講野可以大聲些，但呢D對某些人有用，對我無咯! 我依家係到是求知識，並非求證書，看過3 idiots嘅會知我up乜，只要邊個可以答到我，我就會跟佢去學野，偷佢師，管他的有錢無錢有証書無証書，我咁講可能得罪好多人，但識得我嘅就知我係點嘅人，我唔只講連做都敢，乜都夠膽死，朋友之間常常話我係死癲佬添，只要我對果樣東西有興趣，我就會去研究，係徹底地研究到最深入那處，如add我fb就知，不過我亦唔想其他人因我而係呢處不和不快，所以暫且大家不再談論這些了，再回歸到調校畫面的技術上討論吧!謝

chhanthony

cckong 發表於 2012-6-23 20:21
呵呵，講到証書我今次就跟chhanthony兄站在不同立場了，我本身有另外睇法，你認為如果我去讀個2日課程回 ...

期待你繼續分享

cckong

chhanthony 發表於 2012-6-23 20:51
期待你繼續分享

好! 等陣間我開個工程模式俾你地睇，睇完就會明白點解我立刻就放棄plan A，連試都癈事! 如有更多時間，會post埋Sony嘅RCP功能，如Sony現在出的新機仍keep住有呢個功能，我換機也必定只會揀Sony!

cckong

好喇，現在講Sony VW60的工程模式之中的其中一項panel driver，我已略作改動了少許，原廠的數值分別是紅88，綠79，藍34。你可以見到本身佢出廠時紅色和藍色的光度能量已經是設定得有很大距離，紅色嘅數值大過藍色很多，好明顯Sony的工程人員已經知道紅色比較藍綠色都弱很多，所以才將紅色panel的反射光線輸出加到咁大，但是仍然不足，差距尚有20-30%，但為何他們不將紅色再加大些呢? 我想他們覺得再加大會對部機有些不良的影响，咁所以我也就放棄了plan A了。現在又到另一個問題喇，就係點解個燈炮的光線咁唔平衡又要用呢? 我想佢地係為咗要有充足光猛的流明(lumen)而放棄了平衡，一個很簡單的通識，如果大家有揸開車的應該知道在同一電壓之下白光的射程遠過黄光很多，而且照射得最遠的白光是大約7500K(高色溫)並帶有少少藍，而黄光(低色溫)的射程就無咁遠了，這只是自然的物理現象，即係要夠光夠遠就要犧牲平衡度喇!

cckong

grandetech 發表於 2012-6-23 19:57
同意你。原來有幾個高手，失敬。

但有又幾多用家，就算豪花50k 100k 金錢於投影機，更加花上成千上萬圓 ...

十分認同，我cal完部機之後，再返播一些blu-ray disc，一些以前曾經睇過無數次的片段我好像是第一次看咁樣，完全唔同feel，心諗乜原來差咁遠，乜原來導演係想用這樣的畫面去表達他的意思，之前睇完都捉唔到導演嘅用意添!

grandetech

cckong 發表於 2012-6-24 00:59
好喇，現在講Sony VW60的工程模式之中的其中一項panel driver，我已略作改動了少許，原廠的數值分別是紅88 ...

kong兄是否此PANEL DRIVER裏的 RGB GAIN 就可以教到 primary colors 達至 REC709HD 上？ 還是加埋CC20R先做到？

cckong

grandetech 發表於 2012-6-24 13:14
kong兄是否此PANEL DRIVER裏的 RGB GAIN 就可以教到 primary colors 達至 REC709HD 上？ 還是加埋CC20R先 ...

請不要誤會，這個panel driver裏的GAIN 和 RGB GAIN是沒有關係的，因為我試過在panel driver裏加1度, 已等於RGB GAIN及BIAS加幾度了，所以這個GAIN不同於RGB GAIN的，而你所關心嘅那樣嘢我會今晚再講....

cckong

依家講Sony VW60的其中一項功能"RCP"，全名好似係Real colour processor，呢個功能我覺得係Sony投影機內最好的功能，有咗佢你連買其他圖像畫面處理器嘅錢都可以慳番，變相令到部機有很大的調校自由度，但當然是你懂得點去用佢啦! 用唔著就浪費喇! 我post一些相出來給大家看，它可以獨立地調校6個原色及副色，配合HCFR軟件及AVCHD光碟之下，易用到不得了，你只需一路看著REC709HD的圖表，一路拿着remote加加減減，看着圖表上那個黃色點移動，直至移到理想的位置上，直頭乜野數都唔使計，又唔會斷估，清清楚楚，你地可以看見我將那個黄色點直情擺放到正一正的位置都不用吹灰之力，其他投影機我唔知有沒有這功能，但Sony有這個功能除了提高咗它的性價比(不需購買任何配件)之外，亦令我將來換機都只會考慮Sony(如它仍keep往有這function)。
好了，現在post圖片，我亦會略作解釋，但實在是十分簡單易用，你地可能只看圖都會明白的!

cckong

先給大家看它在menu上的選項

cckong

然後我將紅色移歪先，大家可以見到黃點並不在指定的位置而且距離都幾遠

cckong

不費吹灰之力就已經將紅色(黃點)校好，而且個位置仲擺到正一正