一嘗所願試聽全套磁能線

aecpose

小弟好少外出家訪, 因為一直以來對自己套系統還算滿意..一來音響係俾自己聽既...唔需要同其他人比較...二來煩惱升級總不如坐定定聽多D 音樂
但今次有衝動去別處家訪係因為想聽下High Fidelity Cables (以下簡稱HFC) 磁能線...
叫得做磁能線係因為HFC唔係用傳統金屬做導體作傳送..而是利用磁能(Magnetism)傳遞電能和信號...即係一種新既線材技術
曾被光纖與同軸傳遞數碼信號既分別的經驗影響, 起初對HFC 產品都冇特別留意, 心諗咪又係一D 標其立異既Marketing hype..
但如有留意下外國HIFI 書及論壇, 時不時見到有評論及使用經驗, 個個試完都讚不絕口, 什至用HFC 線換掉本來用緊既其他品牌旗盤線材..更搞笑係有D鬼佬話賣車賣腎賣女朋友都要買全套HFC線來聽...有冇咁誇呀?!
人有好奇心...想聽下係真唔係咁大威力...一直想聽下呢款線...但香港真係好冷門下...冇乜人用...更加搵唔到有鋪頭有賣磁能線可以試聽下..
直到最近見ELO 兄出POST 分享磁能線使用經驗, 有幸相約今天可以到他家聽下佢套系統, 佢唔係用一條兩條磁能線...而係由電源線, 數碼線, 信號線到啦叭線都係磁能線....(唔知佢有冇賣腎賣老婆 ) 咁樣既陣容應該可以對此線特性有一定既了解了吧
今日家訪ELO 兄使用的器材有ROCKNA NETWORK TRASNPORT, DEVIALET 解碼後級, OPEN BAFFLE 啦叭...我沒問清楚是什麼牌子...畢竟今次主要想感受下磁能線...

系統全貌

OK...入正題講下出來聲音取向...其實有點難著筆...因為講得出的任何HIFI 元素...什麼分析力, 開揚度, 音場深闊, 順滑, 三頻平衡, 流暢度...全都沒什麼能挑剔...而歌曲播放時不會令我把注意力放在HIFI 元素中...而是很自然地一首一首的把歌曲聽完
而在這裡跟在其他地方聽過DEVIALET 既最大分別係一種沒有壓縮的感覺, 整個音埸像填滿整個聆聽空間, 很自然而豪無壓迫感的把舞台呈現在我前面似的...聽現古典及演唱會的歌曲會特別明顯...相信這些特質都是磁能線的功勞...亦開始明白外國人對磁能線浮誇的形容.....因為真係幾誇張下....成個聆聽過程小弟有9成時間個下巴都掉到地上...
講完優點都盡力諗D缺點講下...感覺上整個音色出來都異常中性...如果喜歡特定的線材味道...如銀味, 銅味, 蕭味 等...通通欠奉...別妄想可以用佢來較聲或掩蓋一些系統缺憾

最後要多謝ELO 兄今日三小時的熱心款待, 讓小弟感受到磁能線的名不虛存.....亦令本來沒升級打算的我有些心動....  

KKSP

條線嗰名好特別！

racewong

我上次上去ELO兄屋企都只係掛住聽對OPEN BAFFLE 添.

無留意佢用緊咩線...

elo

多謝aecpose兄賞面到舍下。磁能線真係好冷門，我都胆搏胆睇完外國review從美國訂返黎。點知從此就不能自拔，越買越多...不過就冇賣腎賣老婆，只不過係要儲夠銀両先可以再落手。其實磁能線有個幾特别嘅service,就係補差價升级，廠會100%原價回收之前買左嘅線，寄返原廠，畀埋差價，新升級嘅線就會寄到你屋企。真係諗得幾週到。

Aecpose兄，心動不如行動...

elo

KKSP 發表於 2017-10-9 01:50
條線嗰名好特別！

其實磁能線係我地一班用家改嘅名，除左因為佢嘅原理係基於磁能，仲有係因為聽完之後，會CLS咁越買越多...

elo

racewong 發表於 2017-10-9 10:06
我上次上去ELO兄屋企都只係掛住聽對OPEN BAFFLE 添.

無留意佢用緊咩線...  ...

版主，你上次黎嘅時候，喇叭線未升級，拖版同數碼線都未到。有時間嘅歡迎再到舍下指教下。

racewong

elo 發表於 2017-10-9 11:50
版主，你上次黎嘅時候，喇叭線未升級，拖版同數碼線都未到。有時間嘅歡迎再到舍下指教下。 ...

好呀, 睇下你個磁能線用家有幾痴X線?!

elo

racewong 發表於 2017-10-9 12:07
好呀, 睇下你個磁能線用家有幾痴X線?!

板主，我呢2星期都係香港，隨時揾我。

racewong

elo 發表於 2017-10-9 19:19
板主，我呢2星期都係香港，隨時揾我。

好呀, 我安排後再WSA你.