SR BLACK不經不覺得出左一年, 今年SR最新推出BLUE FUSE. 喺音效上, 與BLACK有甚麼不同呢?
話說我收到風SR出左條BLUE FUSE後, 就打比SR香港代理LOWTHER CHINA, 叫佢留四條比我對屏風用.
不過因為暫時佢只得5A, 所以我當日只係拎左兩條5A番屋企.
今次我唔心急, 因為知道三日後, 我約一班損友到LEOKING大哥屋企家訪, 所以就等到果日先拎出黎比大家一齊試聽依部SR新款FUSE.
可能大家忘記了, LEOKING用緊既喇叭係MAGNEPAN 20.7, 與小弟的MAGNEPAN 3.7用同一A數的FUSE. 所以拎過去測試最好不過.
喺依個REPORT, 順便介紹下LEOKING既器材. 因為今次的家訪其主要目的, 其實係為左佢UPGRADE個JR TRANSROTOR陀飛輪PLATTER, 我地一齊好友先上去聽吓新款的PLATTER與舊款在音效上有咩提升.
大家先睇睇KING SIR個盤舊的PLATTER先.
新款PLATTER在圓型外圍加上好多粒金屬. 其他細節就未有提及, 不過值得一提係PLATTER的重量的確比舊PLATTER重左好多.
至於聲音上, 雖然我無AB比較, 但我去KING SIR家訪數十次的經驗所記憶. 動態上的改進最為明顯, 其次就係穩定度. 至於音色方面, 一貫JR風格. 簡單D講, 今次的UPGRADE PLATTER主要提升音效, 對音色上無任何改變.
不過話時話, 以兩萬幾升級個PLATTER又有咁既提升, 我個人都覺得係超值之選.
聽完個 JR 盤, 就要試FUSE了. 上文提要, 我拎左兩條5A的SR BLUE FUSE去KING SIR家訪, 聽左首古典大爆棚. 就將KING SIR原用的SR BLACK換成SR BLUE.
換左之後, 當然係聽番同一首歌啦, 但在落針後, 開首果廿秒好似細聲左, 但弱音又豐富左喎. 咁大家不其然就睇下個音量會否調細了?!
但奇怪既係音量與之前一樣, KING SIR又頭到尾都無觸摸過部前級. 就喺大家都奇怪既時侯, 一下大音壓的合奏出現了. 就這一下, 大家都確定, 這SR BLUE的最強項正正就是"動態". SR BLUE的強弱比例, 好SHARP. 每一粒微細弱音至強音中間的變化. 都可以比你聽得一清二楚. 瞬變速度奇高.
而在音色上, SR BLUE係偏向美式風格,強項係提升質感, 音場深度都比SR BLACK更好.
暫時, 我搵唔到佢有邊方面弱過SR BLACK. 順滑度都比SR BACK略高.
如果想搵FUSE加強質感 / 動態的話, 我強烈建議你地買番一粒BLUE返屋企試試.
PS. SR BLUE都係有分方向, 如果插錯的話, 你會發覺音場的闊度增加, 但質感好似幼細左. 但聽耐D就發覺係薄聲左.
插得啱既話, 最明顯係質感/ 動態都會強左好多. 你地記得慢慢試啦.
代理: LOWTHER CHINA
定價: $1350
http://www.hiendy.com/hififorum/ ... read&tid=106848 |
IP卡
狗仔卡
發表於 2017-10-17 01:10:45
提升卡
置頂卡
沉默卡
喧囂卡
變色卡
顯身卡
發表於 2017-10-17 07:31:07
，呢條好似抵玩好多，大家又多啲選擇
