Q Acoustics這品牌, 在外國好多網站都獲獎無數, 但對於我這高燒音響迷, 我認識這品牌都是這一年內的事.
Q Acoustics成立大約十年左右, 公司產品設計宗旨在於以平實的價錢, 給予HIEND的享受.
初時, Q Acoustics設計重於低下價市場, 一直去到上年, Q Acoustics終於向高端市場進發, 設計出首款賣價過萬元的CONCEPT 40.
CONCEPT 40之後, 最新的一對旗艦CONCEPT 500喺今年推出市場.
上個星期, GURU ACOUSTICS喺HIENDY出左個POST話有對CONCEPT 500到步, 睇番D POST, 原來好多網友對這品牌都好有興趣, 結果, 我當然要親身上去聽一聽這對CONCEPT 500的實力啦.
我上到GURU的時侯, 老闆話對CONCEPT 500只煲了不足100小時, 但已經有唔錯的表現. 我一入到佢間300尺大的試音房, 見到GURU使用一部CEC CD PLAYER, AIRTIGHT前後級推套CONCEPT 500, 細細聲慢慢煲, GURU老闆似乎好有信心咁喎. 哈哈.
講真, 佢依套CEC + AIRTIGHT組合既聲音, 我熟到不得了, 我聽過這組合配搭既喇叭起碼有四,五個品牌, 所以當佢播第一首La Campanella比我聽時. 播左半首歌左右, 我已忍唔住問下GURU老闆, 依對CONCEPT 500賣幾錢?
在開首半首歌內, 我聽到的, 昰一個好高質素的高音單元, 這高音單元給我的聽感很奇特, 眼睇明明就是絲膜單元, 但點解瞬變速度可以快到好似頂級的金屬單元一樣咁既反應. 而絃樂應有的順滑依然可以保留.
除了高音單元了得外, 大家唔好睇少佢果兩隻中低音單元. 在La Campanella下半首歌, 這兩個細少的中低音單元給予我另一驚喜. 果有留意過我之前有關喇叭的報告, 喇叭面板越大, 越難甩箱. 反之, 好似這對CONCEPT 500設計, 窄長加細單元, 要甩箱簡直毫無難度, 細單元給予的先天優勢更突出, 中低頻的速度快, 線條明確這已是基本要求吧. 這樣的設計, 唯一擔心應該係低頻的量感與豐滿度.
喺我試首La Campanella中, CONCEPT 500在低頻量感方面, 給我的聽感是[量]絕對足夠, 但明顯, 這CONCEPT 500走的不是以量取勝的特性, 這Q ACOUSTICS旗艦所表達的低頻是偏向速度與線條.
至於人聲, 我極度鐘意佢個絲膜高音單元, 與中低單元配合得天衣無縫, 喺我聽首陸寶的紅顏白髮, 寶哥充滿感情的唱腔, CONCEPT 500輕易過關, 沒有半點偏聲, 不過厚, 也不太薄, 中頻表現出極度中性.
聽左兩首歌, 我已經可以好肯定咁講, 這對喇叭值得推薦比HIENDY網友, 及後當我知道定價都係唔駛四萬蚊時, 我已決定了, 要盡快分享這篇報告比HIENDY網友知道, [Q ACOUSTICS] 2018年將會在香港音響界打出名堂的品牌. 絕對值得關注.
後記: 當然要離開GURU ACOUSTIC的時侯, GURU老闆見我咁欣賞CONCEPT 500, 叫我臨走前, 過隔離房聽下佢對細佬CONCEPT 40.....
都係果句, 當我知道這CONCEPT 40 賣價只是 $11,500, 唉...唔講啦, 如果你地搵緊對萬幾蚊的小型座地, 依對CONCEPT 40, 必須要去試聽.
銷售點: GURU ACOUSTIC經銷. |
IP卡
狗仔卡
發表於 2017-12-11 12:06:54
提升卡
置頂卡
沉默卡
喧囂卡
變色卡
顯身卡
發表於 2017-12-11 13:36:28
一
