|
|
樓主 |
發表於 2011-3-18 13:26:32
|
顯示全部樓層
又係我小白出黎胡說八道既時間了, 
因為入左台「吹呀吹 」, 昨晚認真試了一回兩聲道, 玩下之前見到有師兄用野整係電視上既方法:
拉幕:
係我個環境, 個幕會差不多貼住電視, 而個幕寬會去到前置後置既大約大間位置。
第一個感覺係音場變得平坦, 少左立體感, 少左深淺 (本身套野已無乜, 依家中死, 哈)
口形大左, 都係那句:本身都已收得唔細, 把人聲好似由個幕既中間幾大範圍出黎, 唔係好得。
但都有好處, 左右聲道平衡左, 因為環境所限, 一邊是牆角, 一邊是走朗, 就算平時校到口形係中間, 都會聽得出牆角那邊既聲底厚同實一點, 而且有時仲會出現Boom。依家反而會平均左前置喇叭背後既反射聲。(這點我在考慮DIY兩塊木既擴散板放於兩隻前置後後既牆身上)
而且樂器既定位好似更清晰左, 雖然少左遠近, 但可能係因為左右聲道既聲底一致左而令到各點的定位既準確, 不過都係那句, 都係唔係好準, 因為套野同環境太屎, 哈!
用毛毯蓋TV:
第一個感覺, 口形細左, 集中左,但係人聲既細節少左同薄弱左。
因為中間的變化, 令到左右既聲好似比中間大聲左令到前面既音場凹左入左。
但見到好多師兄都咁做, 無理由會咁差的, 所以好可能是張毯太厚, 吸得太多聲。
之前於一個高手家中聽過佢用那些裝雞蛋的凹凸野, DIY左一張反射板放係電視前, 感覺是個音場連貫左, 但係就人聲無咁集中。
所以我想, 其實要吸音定要反射, 好睇環境, 器材同口味。
之後會再試下不同物料黎蓋TV, 其實我有個想法, 就係我係用牆紙的, 如果整板實木板, 上面用番同一張既牆紙, 令到整套野既背後既主要反射面既物質比較一致, 是否會是最理想, 當然最好不是用實木而用番石屎, 因為牆紙之下既物料都會有影響, 但係我既豬耳睇怕到時分唔到, 及此方法是可行性太低了吧, 哈!
是次分享完畢, 謝謝收看。 |
|
樓主: 白影
IP卡
狗仔卡
顯身卡
發表於 2011-3-11 11:56:08
