最近見豬賓中晒Tellurium Q毒, 攪到我都身痕想試試係咪真係咁堅。 結果我問代理借左對Black 系列頂級XLR返屋企, 試試其毒力去到咩境界。
Tellurium Q貴為英國大品牌, 造功毋庸置疑。 接頭使用到自家炭纖平衡頭尾插,線身算係柔軟。
講真我都好耐無試平衡線了, 今次如果唔係豬賓咁中毒, 我都唔會拎隻新品牌返黎試聽。
新線未煲, 我就急不及待插入部EAR Acute CDP後面直出到我部ARC REF5SE.
聽左幾首歌, 發覺佢既特點係音場超闊勁深. 背景好黑, 線條實淨. 高低延伸都去得好盡下. 聽感上好似個舞台闊左深左咁, 仲有空氣感都好出色.
聽多兩首歌, 我可以比個結果係依對TELLURIUM Q走既方向係聲效出眾, 基本上只計音效的話, 佢可以秒殺好多兩萬元以上的線材.
不過再聽左陣, 開始發覺新線既問題出現了, 就是中頻略乾, 唔夠水份, 低頻略緊.
所以我立即搵部煲線機煲佢兩日後再試聽.
這對TELLURIUM Q BLACK DIAMOND XLR勁煲後, 我用佢插喺EAR ACUTE CDP去前級,
用到依家, 其實聽左不同類型的歌曲, 發覺依對BLACK DIAMOND都係偏向音效類, 點解我咁講?! 最主要係佢既背景超黑, 音場闊大, 線條夠實淨, 無咩自家音色. 即係話佢既音色比較直白, 能量感夠強.
總結:
依對TELLURIUM Q BLACK DIAMOND XLR果然係英國最熱賣線材, 講真以佢既賣價, 講音效隨時贏好多兩三萬品牌. 加上佢自家味道清淡, 我覺得最啱既位置應該放喺前後級之間. 因為我玩前後級的習慣係鐘意將有味道的線材放在訊源與前級之間, 及而平衡,無味,夠量感的線材, 我就會放在前後級之間. 咁玩法我覺得比較易於掌握.
依家, 我已經將對BLACK DIAMOND插左喺前後級之間, 比較起我本來用緊對CARDAS CLEAR XLR, 前者的確少了中頻厚暖, 不過換黎既音場深闊, 背景寧靜來說的話, 我可以話依對BLACK DIAMOND比CARDAS CLEAR XLR更夾我自己套屏風組合.
你地如果想試下依對BLACK DIAMOND XLR, 暫時未有舖頭可以DEMO, 所以如果你地有興趣, 可以直接PM我, 我會收番按金就可以借線比你地玩一星期.
哈哈, 放毒一向是我的責任呢. 哈哈.
有興趣就PM我啦.
TELLURIUM Q 代理: 龍駿音響
TELLURIUM Q BLACK DIAMOND XLR 實價: $14,200 |