嚴選十萬元前後級之（六）SOUND MASTER

bigpun1975

十萬元前後級系列已經寫了一半，觀乎我所篩選的組合，膽機竟然佔據一個相當大比重，而且性價比絕不低，部分人負面的理解，反而使到膽機無論價格或技術都能健康地成長；
那些慢聲，麻煩，危險的評價似乎已停留在上一個世紀，現在的膽機已不斷推陳出新，在穩定性及音色已經不可同日而語。

上一篇講到鬼才 Tim de Paravicini，其實香港亦有一位膽機設計鬼才Peter Lam, 身為Soundmaster 的主事人及設計者，原來他在七十年代是專門生產火牛，及一些Hifi DIY kit set, 產品風行全球，及後索性由幕後走到幕前，創立自家品牌Soundmaster, 以品質優良，耐用取勝，多年來有不少粉絲擁護。

其實Soundmaster 膽機的聲音，我大概也有一點印象，因為對上的試音，就是我決定買下Wilson Benesch Vector的一次，今次依我門檻十萬元前後級去配Vector, 出來結果肯定更有指標作用。
可惜 ...... 可能是我「影響力」真係太大，Soundmaster 連Demo 的Vector 都被客人買走了，今趟只好試WB 細佬Vertex.



Peter 所生產的膽機多不勝數，今次所試的前後級有份量之餘價格亦相當合理；
首先介紹前級為 No23mkII pro 特別版，
在前級兩支膽中間有一個可以調節音色的旋鈕，另外在電源部份亦有個開關掣可以選擇控制不同的主膽電壓，例如玩300B或2A3和古董的45號膽作主輸出膽，令音色變化多端。
每部售價為港幣$46800元(配上五支古董靚聲膽和MRT牌石墨屏極的300B)



後級為No150SE V2 純甲類單聲道後級， 每聲道由兩支KT150作併膽甲類輸出，功率達50瓦，並且有穩壓膽，令輸出更加穩定和聲音特別細緻。特別設計的powerful 和soft控制開關，有別於一般的三極和超缐性的控制，一般膽機如有三極和超線性控制，由於是控制高壓電與膽的極性變化，所以對於功率管是有害處的，而Peter是利用負回輸的深度到來控制音色和力量的變化，所以不會傷及功率管的壽命, 令到機器更加耐用和音色優美。
每對售價為港幣49,600元正



訊源用上Soundmaster 摩改的Oppo 205 及 Aurender ACS 10 。
手頭上仍是慣常的幾隻試音碟，先以「綾戸智恵 Live!」Only you 打頭陣，鋼琴動態十分之強勁，分析力非常之好，聽了大約半分鐘，Peter 好奇地問：為什麼右邊喇叭單元好像有一點怪聲？
由於Peter 是第一次聽這張碟，我連忙解釋道：這碟是在東京其中一間Jazz Club 裏面的現場錄音，你所聽到的「雜音」，是在場人仕的碰杯聲，刀叉撞撃餐碟聲，咳嗽聲等等..... 此刻Peter 才恍然大悟，話雖回頭，聽了這碟這麼多次，這次是聽得最多東西，我都驚訝此組合分析力竟然可以這麼好；這碟難播在很容易會「叫」，Soundmaster 前後級所帶出的鋼琴中低部位厚身而有質量，人聲水份剛剛好，平衡而且耐聽。



除了自己幾隻撚手碟之外，今次我還帶備了原音精選2017， 以下是此碟的介紹，https://www.hiendy.com/?p=9790
試第11首, 「明尼蘇達管絃樂團」演奏「西班牙狂想曲」，RR 嘜頭，夠爆是必然，以四支KT 150 去推Wilson Benesch Vertex, 是殺雞用牛刀？反過來說，Vertex要有一定功架，才能「頂得住」每邊純A 50瓦的狂轟，一對小書架所營造的音場十分之靚，刺激度亦十足，樂器像真度很高，個人最欣賞Soundmaster 在銅管樂器的表現，聲音金光四射，明快又豐厚，最後Peter 以 powerful 模式給我再試一次同一曲目，聲音線條更佳，力量更好，最重要聲音沒有因而變粗。



總結：
認識了Peter 一段日子，他經常強調自己製作的膽機要音色美妙之餘，安全及耐用性依然放在首位，今次試這套Soundmaster 的膽前後級，聲音分析力實在令我異常驚喜，功率亦能應付大部分座地喇叭，也可以用調控增益，以及負回輸控制，當然換膽是其中一個選項，可玩性多到不得了，音色也更多樣化，如果你仍對膽機有所「懷疑」， Soundmaster 的「新聲」膽機必定能吸引到你。


Sound Master 膽機專門店
電話：+852- 2384 8633

spec:


延伸閱讀:
嚴選十萬元前後級之（一）Rogue Audio
https://www.hiendy.com/hififorum ... D%E5%BE%8C%E7%B4%9A

嚴選十萬元前後級（二）SIMAUDIO
https://www.hiendy.com/hififorum ... &extra=page%3D1

嚴選十萬元前後級之（三）Music Culture
https://www.hiendy.com/hififorum ... &extra=page%3D1

嚴選十萬元前後級之（四）Luxman
https://www.hiendy.com/hififorum ... &extra=page%3D1

嚴選十萬元前後級之（五）EAR Yoshino
https://www.hiendy.com/hififorum ... &extra=page%3D1

mic2mic

用45膽的前級我都想見識吓

dekiller

同樣十萬，有EAR又點會考慮SM呢？唔通會靚好多。

tarantino

dekiller 發表於 2019-3-18 10:50
同樣十萬，有EAR又點會考慮SM呢？唔通會靚好多。

可能沒有一套在各方面都優勝的機，最後都是各有各好，自己試聽後決定。

mic2mic

是配搭與setup 吧

bigpun1975

tarantino 發表於 2019-3-18 11:02
可能沒有一套在各方面都優勝的機，最後都是各有各好，自己試聽後決定。 ...

非常同意。     ，

AS881

mic2mic 發表於 2019-3-18 12:43
是配搭與setup 吧

靚同唔靚絕對係有分别的

AS881

dekiller 發表於 2019-3-18 10:50
同樣十萬，有EAR又點會考慮SM呢？唔通會靚好多。

廣告嘅嘢!唔洗咁認真

7500martin

如果單純睇牌子和銀碼, 就知好吾好! 遊戲肯定簡單得多!! 而我亦一定吾玩 HiFi!

dekiller

7500martin 發表於 2019-3-20 11:44
如果單純睇牌子和銀碼, 就知好吾好! 遊戲肯定簡單得多!! 而我亦一定吾玩 HiFi!  ...

而家唔係話邊個好唔好的問題。同樣是嚴選十萬級，理應是同一級數吧。如果同級二選一，唔信有人唔揀EAR。一係就SM靚好多，超晒值咁話。咁樣EAR就不是嚴選了。

bigpun1975

dekiller 發表於 2019-3-20 12:48
而家唔係話邊個好唔好的問題。同樣是嚴選十萬級，理應是同一級數吧。如果同級二選一，唔信有人唔揀EAR。 ...

都係咸魚青菜、各有所愛啦，SM 多野玩又係事實，如果多少少筆直，我一定盲衝912

dekiller

AS881 發表於 2019-3-20 10:44
廣告嘅嘢!唔洗咁認真

如果標籤是商戶廣告還可。我都係想Hiendy好才多口。   

AS881

仲有我本來唔多想講,用Soundmaster的苦主, call晒出來都唔少

7500martin

dekiller 發表於 2019-3-20 12:48
而家唔係話邊個好唔好的問題。同樣是嚴選十萬級，理應是同一級數吧。如果同級二選一，唔信有人唔揀EAR。 ...

嚴選是樓主的標題， 但當身為消費者去選購器材， 所持的又是哪一把尺呢！ 不是說EAR 不好，只不過除了名氣，聲音表現，和價錢之外， 我還會考慮穩定程度和後續服務！ 畢竟年紀大了， 不是隨時可以話搬就搬！ 更何況閱聽夠多， 名氣還是不是要首要考慮呢！？ 當然有吸引的二手回收價就更好啦！ 但世事又往往事與願違！

師兄！見你簽名所用的器材， 都不是坊間大熱品牌， 這證明你也不是完全以眼代耳啦！

dekiller

7500martin 發表於 2019-3-20 13:51
嚴選是樓主的標題， 但當身為消費者去選購器材， 所持的又是哪一把尺呢！ 不是說EAR 不好，只不過除了名 ...

我真係冇話SM唔好。我講的是尺度問題。同樣價錢，冷門机如沒有名厰貴最少一倍的聲音。根本沒有存在意義。

dekiller

AS881 發表於 2019-3-20 13:32
仲有我本來唔多想講,用Soundmaster的苦主, call晒出來都唔少

唔係呀。膽機肯落本根本好易做。

smalltiger

AS881 發表於 2019-3-20 10:44
廣告嘅嘢!唔洗咁認真

網上廣告確是如此 ,有心買要自己親耳收貨,啱自己要求 ,才比錢先不會買錯

AS881

dekiller 發表於 2019-3-20 15:27
唔係呀。膽機肯落本根本好易做。

我唔講佢Ｄ聲, 當你打開睇吓Ｄ機用緊咩料就知咩事。

dekiller

AS881 發表於 2019-3-20 16:32
我唔講佢Ｄ聲, 當你打開睇吓Ｄ機用緊咩料就知咩事。

除非是普通大路工業料，其它真的很難計。而且HIFI是聽聲收貨。所以就不評價了。好似Chord qutest，睇料最多值一千。

AS881

dekiller 發表於 2019-3-20 17:31
除非是普通大路工業料，其它真的很難計。而且HIFI是聽聲收貨。所以就不評價了。好似Chord qutest，睇料最 ...

我明白! 雖如此但你比較YS audio, 人地Ｄ嘢甚至用咩牛, 料, 清清楚楚, 你知道你買緊乜!但Soundmaster 唔止剩係睇料!買過嘅用家都冇邊個會好評! 用家投訴多蘿蘿...自己諗了！
而且你咪洗諗after sales service, 係冇嘅!