好機會•認識Ologe Acoustic

Dennis

最近睇咗本關於經濟學嘅書，其中有個說法: 「成本就係放棄其他最好嘅機會!」
我呢D平民百姓，邊有經濟學家咁有頭腦，滿腦⼦成本、效益吖。

平民百姓只管飲飽食醉，飽暖就⾃然會身痕啦!
咁同以上經濟學說法有咩關係呢?

..............係無嘅!

不過「 成本就係放棄其他最好嘅機會!」係很好⽤嘅藉⼝，唔想增加你嘅成本?
老友，最好嘅機會嚟喇!

Dennis

平平淡淡嘅屏風系統加咗點壹之後所帶來的體驗可以說是畫龍點睛。
哩隻OLOGE TWENTY超低⾳質素確實很⾼，令我開始留意品牌其他成員。

奇怪唔係咁多⼈用佢，好彩HIENDY都有幾位先知先覺，早買早享受。

玩開屏風嘅朋友們，都會⼼思思整番對細喇叭看下⾨口，基於唔想增加成本關係，我就找機會選了對細細粒，容易運嘅OLOGE ONE V2，試圖偷運入境。

點知關員呀細女返家第⼀時間就問:亞爹，⼜買喇叭?
嘿!咁細都比你發現?

Dennis

緊係唔會就咁玩啦 ，查看佢嘅設計理念，導震對佢很重要， 咬緊牙關都要入埋對超重鑄鐵腳，分批入境啫。

點解唔係ASTAND嘅????

嗱! 唔好打算諗我要諗嘅嘢 ，

什麼為咗壹去伍，伍去拾嗰D嘢我唔會諗..................住。

Dennis

起初睇的確係怪怪地，好似好易踢倒 ，睇睇下⼜幾順眼，⼤細老闆不知幾歡迎哩對喇叭仔， 搬開咗對⾨咁大嘅屏風個廳感覺闊落番曬。

佢地未知可以有1-5-10進化過程。

Dennis

⾃命發燒友嘅基本上都會識接駁系統，花多點時間更會進⾏聲學處理，然⽽真正對這⽅面有認識的不太多，只好讓專業⼈仕幫忙。

今次真要多謝IVAN幫忙為我OLOGE ONE V2 + TWENTY 調聲。其實IVAN很早已經跟我說到關於這系統的事，由於我比較愛玩，想嘗試⾃己調效，看看可不可找到⾃己想要的聲音，⼀拖⼜幾個月。
聆聽空間係最重要元素，做得唔好，任你⽤幾貴嘅器材，都係會熟人介紹，打番個折。聲學處理更加無得靠估，憑⼀對老弱殘耳，任我點估都唔會知原來屋企環境在某些頻段出現峰值，須要在超低的Room EQ作調整，如果唔係靠專業器材與技術，換機換機再換機都唔知⾃己未真正⽤對套系統。 我很讚同⼀套系統應該要從最基本點調整，要有正確標準嘅起步點，再作出適度調整，才尋找自己所喜愛的聲音。

Dennis

我不會說現在已經是最好，但起碼改善了自己以為好好但唱到某些頻段時崩潰情況。
要再改善空間感、臨場感，就要使錢去處理擴散、吸音等，要使錢嘅事往後再慢慢玩。

講番套OLOGE套裝喇叭，正如其他專業測試報告所講，唔好以為咁細、咁薄嘅喇叭，AV用嘅啫，點出大場面呀？咁就會錯過咗呢個好機會，去認識呢個品牌了。
正如我一向玩喇叭都先會深入了解廠方對產品設計方針、理念，詳細不在此說了因我唔專業，大家可以參考1o1o兄嘅報告。

Dennis

Márquez: Danzon #2 係我時常聽嘅一首幾有氣勢嘅曲目，原因係小女幾年前有幸參與在大會堂演奏同一樂章，我當然有到場欣賞，每次我們在家奏起此曲目都好興奮！
今次用OLOGE套裝喇叭經調整後，弱音表現出來細緻清晰，到高潮時展現出澎湃嘅氣勢，當然配合了融為一體嘅超低音先有這樣音效。

Jardin D'hiver [Live]
人聲表現方面，STACEY KENT係我很喜歡女聲之一，這曲聽得很舒服，低頻一浸浸掃埋嚟。
實際上我亦在調整期間只用ONE V2 試咗好多時間，好難估到咁細對喇叭可以出到咁高音壓，但係又不失細節，至於離箱表現，基於箱體設計，很輕易做到。好久已經沒有選用木箱體嘅喇叭，一些結構不太講究的會有箱聲、音染，唱到鼻盟咁聲唔係我杯茶，而壹仔結構特別就沒有以上情況。

Dennis

總結：
一般家庭環境不大，但有要求嘅朋友們，這對設計特別，效果理想的小型喇叭（強烈建議配上原裝腳）應該納入你們選擇之列，其高質素、有品味外型，不難配合家居嘅裝潢，入屋指數高！事實上她的質素及外型在世界各地都有口碑，很多知名人仕都推薦。

後記：
哩套係我第二套副系統，現在佢未坐正，因為其間我都換番屏風聽下，調整過嘅超低夾上屏風的大畫面包圍整個聆聽區域係壹仔未能超越到嘅！

但係有八十分而換番開放嘅空間，我「暫時」覺得係值得嘅。

如果再有好機會又會否改寫呢？ ⋯⋯萬一出現以下情況⋯⋯

有關經濟學說法嘅引用，我隨口up啫
多謝各位

tst123

Dennis 發表於 2019-4-17 14:49
總結：
一般家庭環境不大，但有要求嘅朋友們，這對設計特別，效果理想的小型喇叭（強烈建議配上原裝腳）應 ...

小弟已經行左呢條路

Dennis

tst123 發表於 2019-4-17 15:20
小弟已經行左呢條路

李SIR有你行頭我先放膽衝

sunny14148

Dennis 發表於 2019-4-17 14:19
起初睇的確係怪怪地，好似好易踢倒 ，睇睇下⼜幾順眼，⼤細老闆不知幾歡迎哩對喇叭仔， 搬開咗對 ...

［搬開咗對⾨咁大嘅屏風個廳感覺闊落番曬］
絕對認同

Dennis 兄，身痕得有理。

Dennis

sunny14148 發表於 2019-4-17 15:36
［搬開咗對⾨咁大嘅屏風個廳感覺闊落番曬］
絕對認同

比起大哥嗰D經濟火車頭， 細佬哩D只係⋯⋯

racewong

Dennis 發表於 2019-4-17 14:49
總結：
一般家庭環境不大，但有要求嘅朋友們，這對設計特別，效果理想的小型喇叭（強烈建議配上原裝腳）應 ...

個個老婆都好唔鐘意屏風喇叭

racewong

Dennis 發表於 2019-4-17 15:30
李SIR有你行頭我先放膽衝

依對V2真係好堅。 易玩靚聲。

dekiller

racewong 發表於 2019-4-17 17:59
依對V2真係好堅。 易玩靚聲。

你也可考虑Five v2。

hksarac

hiendy 歡樂 姐Lucy姐Lucy係深圳代理這品牌

Lucy

香港的朋友, 请去旺角誉发大厦 17楼的 Soundation Hong Kong 找 Lawrence 啦!

www.soundation.com.hk/soundation/

Lucy

hksarac 發表於 2019-4-17 20:31
hiendy 歡樂 姐Lucy姐Lucy係深圳代理這品牌

打工妹一名, 但在 Hiendy 泡, 蛮欢乐的

Lucy

Dennis 發表於 2019-4-17 14:49
總結：
一般家庭環境不大，但有要求嘅朋友們，這對設計特別，效果理想的小型喇叭（強烈建議配上原裝腳）應 ...

有否给你给你去调超低音? 调好 PEQ后, 跟著给你的空间弄一个在像在船仓的感觉, 完全不一样的低音感受, 这个我们上课必修的

还有用仪器让你知道皇帝位的位置和高低的 Wondering Testing, 这个蛮神奇也实在。

Lucy

Dennis 發表於 2019-4-17 14:30
我不會說現在已經是最好，但起碼改善了自己以為好好但唱到某些頻段時崩潰情況。
要再改善空間感 ...

Ologe 不是 AV 喇叭 , Ologe 不是 AV 喇叭, Ologe 不是 AV 喇叭, Ologe 不是 AV 喇叭,

是鉴听箱, 有品味的鉴听箱

Stylish Acoustic Monitor