|
事源香港名錄音師TERENCE LAI有日打比我, 話佢最新造左一張中大合唱團既錄音及混音. 其歌曲都係耳熟能詳既曲目. 最重要係佢放左好多心機去錄制依張大碟, 其主旨係要帶出香港人用自己母語, 廣東話唱出自己的歌曲, 叫我無論如何都要抽時間聽一聽.
結果喺HIENDY俱樂部開幕後既第一個EVENT, 黎先生就拎左部專業器材到俱樂部, 為大家分享依張比佢左好多心機製作既唱片.
當日播放既FILE係未經REMASTER, 真真正正的100%完味. 播放既曲目只係播左兩首, 一首係[何家小雞何家猜], 另一首係[獅子山下留].
當音樂響起, 在場會員都聽到好強既空氣感, 樂器與人聲分隔度極佳, 人聲由於係合唱團, 喺俱樂部套組合可以播放出數人頭既分析力. 而最令我驚喜既係佢既分隔度與音場深闊, 當合埋雙眼, 真係可以立即將你帶進錄音室的情境.
當然依張碟唔單單只有依兩首歌好聽, [唱自己的歌]共有十四首歌. 真係首首又好聽, 又靚聲.
[唱自己的歌],
一張由原始錄音, 混音, 剪輯及後期母帶都以百分百DXD制式完成.
一張不論是作曲, 作詞, 編曲, 主唱, 指揮, 錄音至大碟印制等等, 全是香港人參與.
一張真正的香港制造.
作為發燒友既你地, 必定要買番張看門口.
P.S. 最新消息, 大碟已製作完成, 我拎左小量頭版CD會在下星期六既- [體驗Wilson Benesch 教皇 Eminence]作全港首賣. 你地報左名未呀? 仲唔快D報名? 有得聽靚器材, 又有得買頭版CD.
|
|