打破鑽石的永恆 - AIM FLR2 HDMI 線

7500martin

對我來講， 花費8300元購買一條1.5長HDMI 線簡直是瘋狂。 無他！因為我不是一個 AV 發燒友。對於一個還停留在用一部馬蘭氏 AV8801影音前級，這是難以想像。 但是將這8300大元，花費在兩聲道上就變得九牛一毛。 熟悉我的老友，都知道我最近換上一套 Auralic  Aries G2＋ Vega G2 組合。 有玩過這套組合的朋友，都知道廠方極力推薦用它獨有的 L-Link 數碼傳輸。什麼是L-Link!? 說得簡單一些，就是一條 HDMI 線。在廠方的討論區上，都建議肯花的用家，購買最新一代 Audioquest Diamond 來作傳輸，因此這可說是不二之選。亦可說是Auralic G2 的隱藏式消費。



由於廠方聲稱這種傳輸是非常特別，並非每一條 HDMI 線都可對應，因此我都懶得去找不同選擇來作比較。 一用Diamond 大半年，亦非常滿意這個消費。只是身邊有很多用家都告訴我， 這個世界除了 Diamond之外，還有AIM。但是一直都只是以訛傳訛，身邊又沒有老友買過。你叫我怎夠膽去衝呢！難道不合用，就用在我的 AV 組合上!? 我可不是一個 AV 大發燒呢！

直至這個月，版主告知已經有代理正式引進新一代 AIM 產品，問我有沒有興趣！？ 興趣當然有啦！身邊一眾損友還非常雀躍！

先此聲明，今次試聽分享，純粹是針對數碼傳輸，和 AV 絕對是沾不上邊的。 型號名為 FLR2。先煲足72小時才正式試聽。



開聲一剎那，聽感上和 Audioquest Diamond 可說是截然不同。 初步聽感 Diamond 整體重心是偏向上，而AIM FLR2 重心向下。 看倌們一定會以為我暗示AIM 是沒有高音。實不相瞞，我自己都有這種懷疑！ 於是先來一曲 Nils Lofgren - Acoustic Live ，與其說 AIM 高音暗啞，我會直接告訴你Audioquest Diamond 低音是吊腳，欠缺力度， 因為我聽到 AIM FLR2 所演繹的結他，一鈎一撥依然是生猛，速度飛快，每一下細節交待來得都比鑽石清晰實在。當我換回 Diamond，即時發現好多細節都只是水過鴨背，欠缺交代，愈聽愈有點不服氣，於是再來一曲 Rodrigo Y Gabriela - Live in Japan， 一曲 Viking Man 就已經非常清楚交代Diamond 和 FLR2 的聲音取向和分別。FLR2 結他是充滿力度，低音是有層次和充滿力感的！而Diamond 感覺則像是在鼓皮上輕拍數下就了事，在氣氛營造上自然就不夠熾熱和熱鬧。





好像說了一大堆 Diamond的不是，難道 Diamond是如此不濟嗎？ 另一點我要強調的是，聲音取向上 Diamond 是偏向擴散，而 FLR2 則相對凝聚。 以李雲迪的 Red Piano 為例，用Diamond 來演繹黃河協奏曲，空間感強，如果你是古典大發燒，你可能會偏好這一種表達手法。而 FLR2 則多了點激情和霸氣，舞臺感亦相對傾前。於是再來 Evgeny Kissin - Beethoven Piano Concertos 來引證我的聽感，Diamond 音場確實是 laid back，完全是發燒友喜歡的那種又闊又深的音場。而AIM FLR2 則無疑拉近了觀眾和樂手的距離。更能專注樂手細緻演繹和變化。






人聲又如何呢！？ 最近童心未泯，狂買玩具，算是彌補兒時的遺憾！於是就用一曲高橋洋子的殘酷天使來作比較。AIM 人聲凝聚，以發燒友的用語，就是 Body 感強，線條輪廓亦比 Diamond來得玲瓏浮凸。 我會認為 AIM 在人聲和中頻的韻味上，確是來得較為討好吸引，歌者運腔咬字亦來得用力，Diamond 不是不好，只是在擺位上可能就會比 AIM 花多少少功夫。當然假如閣下是喜歡整體音樂氣氛的融和度，不想過份強調主體的突出，Diamond 還是有著她無庸置疑的吸引力。



最後再來一曲泰迪羅賓的邁步向前， 聽感和先前大同小異，擦絃來得更為深沉用力，泰迪羅賓的聲音更為磁性。因此，論人聲，我個人是偏好AIM。其實以現今的數碼播放器，已經都不存在舊有的數碼聲和乾削薄的問題，假如你已經用上一套 Auralic G2 組合，還是覺得欠缺應有的人味，相信這條 AIM 絕對可以幫你一把。



平心而論，以網上代理賣價1.5米 HKD 8300，基本上是和 Audioquest Diamond 是叮噹馬頭，在本人的組合上，我不得不承認 AIM 確實在某幾方面比 Diamond佔優。但是基於兩者在性格取向上略有不同，在不同的組合上，可能大家又會存有不同的聽感。因此今次試聽，只是盡可能告訴大家這兩者在聲音上不同的取向和分別。畢竟Audioquest Diamond是廠方認可的參考線材，肯定是錯不了！只不過想在原有的基礎上再作突破或調整，還是留待大家上代理處上作出最直接的比較！

racewong

好鬼正既報告

令我有興趣再借套G2 + AIM返俱樂部玩添.

bigpun1975

AIM 純銀線的確响AV 界響當當

appe

馬田兄的文章真是令人有妙筆生輝之感而且文章比評測的物品更毒幾級。每次看後都令人有心癢難熬恨不得馬上一試⋯
真的佩服！

7500martin

appe 發表於 2020-1-2 07:49
馬田兄的文章真是令人有妙筆生輝之感而且文章比評測的物品更毒幾級。每次看後都令人有心癢難熬恨不得馬上一 ...

遊戲文章！難得你認同！

bigpun1975

appe 發表於 2020-1-2 07:49
馬田兄的文章真是令人有妙筆生輝之感而且文章比評測的物品更毒幾級。每次看後都令人有心癢難熬恨不得馬上一 ...

係囉，文彩風流呀

icarusng07

我借用過朋友嘅 AIM LS2 Laser HDMI 線, 由 Blu-ray 機駁電視播 4K UHD, 畫面真係估唔到咁勁, 播 Dolby Vision 嘅 Alita 啲暗位細節完全出晒黎, 之後再借左一條彩紅魚 Laser 黎比較, 大家都係光纖 HDMI , 但係 AIM 嘅顏色感覺更真實清晰, 暗位表現更好同埋畫面望落更乾淨通透, 好似抹乾淨左部電視屏幕咁

我只係用部 Sony 二仟蚊嘅平價 UBP-X700 黎試都咁大分別, 如果用 Pioneer / Oppo 嗰啲高級機應該分別仲大

不過聲音我就試唔到, 因為我無玩 AV Amp, 只係用電視喇叭出聲

hscar

AIM 條光纖hdmi我見都攞好多獎. 應該真係好野嚟

MICAudio國聲

hscar 發表於 2020-1-7 21:08
AIM 條光纖hdmi我見都攞好多獎. 應該真係好野嚟

AIM 近日亦推出左中價位嘅 DRE18G 光纖 HDMI 線, 為入門 AV 愛好者帶來多一個選擇
http://www.micaudio.com/html/news/aim/AIM-hdmi.html

thunder3988

icarusng07 發表於 2020-1-7 10:20
我借用過朋友嘅 AIM LS2 Laser HDMI 線, 由 Blu-ray 機駁電視播 4K UHD, 畫面真係估唔到咁勁, 播 Dolby Vis ...

Ching想請問一下係同邊條彩虹魚比呢？

icarusng07

thunder3988 發表於 2020-2-18 23:01
Ching想請問一下係同邊條彩虹魚比呢？

死喇，我都唔知係邊一條，我以為得一個型號

同埋重有另一個問題，就係傳輸唔穩定，間唔中會爆格同有一條條橫線，甚至會 Drop signal 黑畫面

所以我朋友先至想換條 AIM LS2 試下，佢買之前都怕有同樣問題, 因為佢之前有一條 Fibbr 光纖 HDMI 都會黑畫面同爆格，佢買 LS2 嗰陣都問過代理，代理就即場插俾佢試左大約二十分鐘都無以上問題，佢先至敢買

thunder3988

icarusng07 發表於 2020-2-19 11:51
死喇，我都唔知係邊一條，我以為得一個型號  

同埋重有另一個問題，就係傳輸唔穩定，間唔中會 ...

我用緊8k彩虹魚，好想知道貴佢多倍嘅ls2可以贏佢幾多

icarusng07

thunder3988 發表於 2020-2-19 21:28
我用緊8k彩虹魚，好想知道貴佢多倍嘅ls2可以贏佢幾多

LS2 兩端插頭有獨立供電, 同埋代理話跟據廠方資料, AIM 嘅訊號轉換係自行開發嘅技街, 穩定性會比較好, 因為我朋友用幾條其他牌子都會 Drop signal, LS2 暫時就未試過

至於畫質, 因為我唔係 AV 發燒友冇乜靚器材測試, 不過用部二仟蚊嘅 Blu-ray 機都睇到有分別

thunder3988

icarusng07 發表於 2020-2-20 14:06
LS2 兩端插頭有獨立供電, 同埋代理話跟據廠方資料, AIM 嘅訊號轉換係自行開發嘅技街, 穩定性會比較好, 因 ...

Ls2畫質如果贏到我用緊嘅彩虹魚8k同AQ鑽石，我都會入返條，但未有得試……唔敢貿然入貨