平靚正國產 300B 擴音機

ThomasLi@FB

疫情持續，經濟低迷，大部份人都心情惡劣，好需要沖喜下仕氣，否則人都癲。

發燒友還好，足不出門也可以消磨大半天，如果可以買新玩具自然就更開心。但現在的環境，花錢去添置器材會有很大罪惡感，最好有又平又好玩、又好聲的器材來刺激下。最近就俾我揾到一件咁嘅器材。

深圳設廠的 博韻 A50 MKIII 300B 合併擴音機，淘寶售價連運費唔使港幣四千元，包括全部五支膽，兩支 貴族之聲 300B 放大膽，兩支 6N8P 驅動膽和一支 5Z3PAT 整流膽。全機製作認真，不鏽鋼鏡面機身和金色鋁面板很高貴但不俗氣。機內用半搭棚接駁，排列整齊有序。RCA 插座和喇叭線接口都是鍍金款式。包裝也講究，用雙層紙盒，總重量超過 20kg，好重手。

很快就把膽插好，初步聽效果已非常討好，300B 的中高音是強項，充滿音樂感，自然順滑，低音也不失禮，有版有眼，8W 一邊的推動力都不少。全新機和膽需要煲練一百小時以上才進入狀態，現在這部機已煲到差不多，各方面都有可聞的進步，我非常滿意，三幾千元的機仔可以同幾十萬的前後級平起平坐都可算是意外收獲。

這部國產 300B amp 真正做到平靚正。

Hungmo

Thomas兄, 部300B推咩喇叭?

racewong

Hungmo 發表於 2020-8-18 13:48
Thomas兄, 部300B推咩喇叭?

M6

ThomasLi@FB

Hungmo 發表於 2020-8-18 13:48
Thomas兄, 部300B推咩喇叭?

Magico M6，原全推得掂，聲音很自然，講都無人信，聽過就心服口服

Hungmo

ThomasLi@FB 發表於 2020-8-18 14:11
Magico M6，原全推得掂，聲音很自然，講都無人信，聽過就心服口服

我真係無諗過用嚟推魔術牌

一休大師

好鍾意睇呢啲報告！ 平平哋又好玩， 眾樂樂！正

平凡人

大陸膽機性價比是無敵的，類似博韻的還有幾個牌子，競爭激烈啊，diybuy.net那邊有興趣的朋友可以找找更多的筍嘢。

dekiller

ThomasLi@FB 發表於 2020-8-18 14:11
Magico M6，原全推得掂，聲音很自然，講都無人信，聽過就心服口服

米玩啦。這家可以說是大陸機中的。。。。。。
需要玩300B，本地的YS-Audio吧。

黑膠迷

vicky多口一句
幾千元的器材,實不應該跟十幾萬元的器材比較,因為不同級數,係"冇得比"!
當然,我不是指器材愈貴一定愈好,大眾化價錢器材也可以出靚聲(例如當年的NAD 3020,Audiolab 8000A等)
售價平的器材要控制成本,絕不可能用高質素甚至發燒級的零件,尤其是膽機的零件,這點稍資深的hi fi迷應該早已經知道的吧

wesleyho

「三幾千元的機仔可以同幾十萬的前後級平起平坐」有無咁誇張？！真嘅，啲名牌HIFI仲唔執晒咩？諗起大陸豐胸廣告，搽咗個胸會大六吋！信不信由你，不過我就唔會信！

tsqaure

It's his own personal experience.  Believe it or not, should have no skepticism.
"講都無人信，聽過就心服口服" Got it?  Thanks for sharing.

haha12

玩音響其中一條法則 - 最緊要好玩!  

呢套幾千蚊機仔會唔會真係好得過現役幾十倍價錢嘅前後級， 相信唔使問 Thomas兄大家心裏有數.

M6 sensitivity 91db , 用嚟聽歌仔幾瓦輸出嘅膽機係應付到嘅, 當然遇上複雜而重播難道高嘅錄音或者爆棚樂段就會見真章。

再者其他都係頂班器材亦已花吾少心血跟M6合作無間，換上部膽機仔 雖然變咗 weakest link,  估計 easy listening 只要唔A B比較就唔會好失禮。


遊戲人間， 何必認真呢？

黑膠迷

haha12 發表於 2020-8-19 07:45
玩音響其中一條法則 - 最緊要好玩!  

呢套幾千蚊機仔會唔會真係好得過現役幾十倍價錢嘅前後級， 相信唔使 ...

同意師兄所言，91dB喇叭用8W機去推動
聽easy listening應該冇問題，但如果是交響樂，又或者
有超低音的樂器，低頻一出已經……
平時我們聽古典音樂,大部份時間擴音機的輸出都在1W以下,但一有超低音或爆棚樂段
極短時間已經可以"抽乾"後級的功率
不需太複雜音樂,這張管風琴+double bass CD已經考起它吧？

Samson2011

好鍾意睇呢啲報告！ 平平哋又好玩， 眾樂樂 x 2

黑膠迷

vicky多口補充下,以這部膽機的價錢+外表,不理它的聲音表現如何也肯定吸引到支持者
尤其是玩開原子粒(不是頂班器材)機但又心思思想玩下膽機的人,是best buy!
用135相機50mm標準鏡頭舉例,同廠f1.0光圈的比較f1.4光圈的貴10倍以上,兩者只差1級光圈
如果用f2.8或以上光圈拍攝,可能兩者完全看不出分別
但你有需要用到f1.4以下光圈嗎?就是咁簡單...................

ThomasLi@FB

我只是業餘發燒友，沒有受過電子工程訓練，一切是聽聲收貨。玩音響幾十年，一路都有用膽機，膽後級用過 Sonic Frontier Power 3 和 ARC Ref 250，都是用 6550/KT88，300B 就之前未玩過，所以想平平哋買一部試下聲，三千幾元應該無得輸。

網上有個美國 youtuber 大力推薦這部 博韻 A50 MKIII，咁就落單啦。實試後有好大驚喜，高、中、低樣樣掂，播阿姐鼓有氣有力，低音潛得很深，絕對不是軟弱無力，只有音色。

網上爬下文，知道 single end 300B 擴音機的線路好簡單，用的電子零件不多，好聲與否取決於 300B 和輸出牛。跟機的 300B是平價貨但可以更換，輸出牛得唔得就要試過才知。變壓牛的生產是一種藝術多過科學，不是貴價牛就一定好聲。如果配搭得宜，平價 300B amp 也可以靚聲。

這部機仔實在好聲，我決定為它升級，入了對 貴族之聲的頂級系列 極致 300B，一對膽貴過成部擴音機。極致 300B 製作精美，每支係管內有獨立編號，管身用水晶玻璃做，睇落特別晶瑩剔透，燈絲用上自家研發的合成物料，每支都有出世紙和測試數據，有靚紙盒包裝，睇排場都知是高級產品。

由最平的 貴族 300B 換上最貴的 極致 300B 各樣聲音指數都有進步，最明顯是背景很靜，跟機膽當 volume 扭到過一半時開始聽到有雜聲，新膽就 volume 扭到盡才勉強聽到小小。低音更有力，潛得更深，中高音是很乾淨但不薄聲，保留了 300B 應有的韻味。現在一套 博韻 A50 MKIII 和 極致 300B 都唔使一萬，政府的津貼都使唔哂，但帶來極超值的享受。

玩 HiFi 是平有平玩，貴有貴玩，平唔一定衰聲，貴唔一定好聲。

hksarac

haha12 發表於 2020-8-19 07:45
玩音響其中一條法則 - 最緊要好玩!  

呢套幾千蚊機仔會唔會真係好得過現役幾十倍價錢嘅前後級， 相信唔使 ...

有看見過以前有人用300B推大肥婆801???大肥婆出哂名難搞。

ThomasLi@FB

上年係 慕尼黑音響展，一對大 Kharma 喇叭都是用 300B 推的，當時我都覺得好夠力又細緻。

bigpun1975

其實乜都試下，先可以keep 住玩 hifi 嘅熱情，對上我同racewong 試對兩萬蚊嘅 mission 座地喇叭，好多人都覺得，有乜鬼野好試？我就提議不如用兩佰萬器材推佢丫，出黎效果都幾好玩，所以玩 hifi 真係可以不論平貴，抱住玩嘅心態為先，咁先會覺得好玩

黑色暴乳

我最近都係淘寶買左套前級級石機，推新買的polk legend l600,出黎效果都好好，再問老友借部luxman l509x, AB對比下，我更喜歡大陸前後級，不倫低音氣勢包圍感，中高音人聲定位，我都比較喜歡這套大陸機，價錢只是皮零野，性價比絕對超值