|
本帖最後由 PhantomGTR 於 2020-10-28 09:39 編輯
其實,好多時,事情總是偶然下發生....... 一場下午的大雨,去了一個不應該去的地方避雨,聽到一個消息.......
"Passive amp"?! 我心想,早幾個月 home office 時,自己都試過將部 dac 直插 power amp,by-pass 部 pre-amp,「如果用 passive amp,是不是最多都只是如此?」聽感未令我想再試甚麼。幾個鐘後我就將呢線還原。
不過,小弟用的 Volent VL3 MKII,「兩年幾前的新版」Rockna WaveDream DAC,及 Lumin U1 Mini + PLiXiR LPS,全都係呢到買,又很滿意!佢部新 passive amp 應該唔會衰得去邊掛?呢個老闆的眼光及耳力都無乜令我失望過。結果,自己俾自己游說了。就像俾 Ben sir 做了 Inception。
時候到了,又係一個紅雨的日子。攞完機狼狽回家後,一開聲個下,雙層玻璃窗外的雨夜,屋內油黃的燈光,我去了另一個 Holographic 世界。望住呢部來自英國手工制、細細部德國制的金屬外殼,得個大 volume 制同簡陋,不,係簡單既 7-segment LED display 既機仔:「你是甚麼東西呀?!」
音色、動態、三頻怎樣怎樣這些例牌比較說話都不說了。佢出嚟既聲真係好 holographic!質感、活生生的感覺、臨場感,同用開的前級完全不同世界。聲音在屋內自然流動,就像套音響開始了他的呼吸,從來未試過。過了幾天,聽聞已久的那通透感終於都來了。
佢出嘅聲好 powerful,音場又深又闊,同時音色又十分細膩動人,做到很感性的音樂感,無論高低大細聲都很不費氣力,十分從容咁一揮而就,聲音密度很高focus 很 tight很 sharp,就仿似有位大師好立體、好真實咁係面前show off。十分享受,個種感覺真係無得頂!!
相比之下,以前家中的音場,就像一張攤開了的古卷或舊証書。夾硬嚟講,現在就如一張成幅牆咁大既四色印刷光面 Hassle/Leica 影出嚟既相。四角四邊攤開攤平晒,色澤鮮豔自然真實,雖然physically 係平面但表現出嚟既深度同顏色既層次彷如現場,每一把聲就像可以用手去觸摸的存在係幾尺外。極 sharp 既 focus 令聲音的立體感,以致感情都展現得很出色。真的很出色!
佢係有面版 control 同 remote control,兩者都真係有辣有唔辣:精簡 vs learning curve!
- 面板 control:其實只係一粒銀色電容半球體,用短按、長按的 combination 來 set 機,那 volume 大制係不用的。
- Remote control:Apple remote control,有幾多個制?睇下面呢圖就知.......
- Display 呢?就得得呢三個日日日字變化出嚟,加多一個 sleep mode 先見到既 indicator(紅燈仔)
熟了,的確很方便,初頭,乖乖地記吧。我做了一張 quick reference 放係機傍........
部機雖然係 passive amp,但因為一定要用 digital part 去 control,digital part 又要餵 5V DC,所以部機仍有點受不同電源影響, i.e. power cord, fuse, LPS, DC cable.......
最後有段唔應該寫的,我怕會俾兩個人睇到後打我,但都寫埋吧.......
那些「偶然」、「不應該」、「聽到」、「心想」,其實係因為那時部機根本未到,但我一時貪心下面皮突然厚起來開口借機...... 試了兩三天後還機前的一晚準備打包時。我同我老婆講真係好唔捨得部機,但又唔想阻人明天星期六做生意,都係要還機,等佢大貨時先買吧。我老婆話,「...... 你唔應該還呢部機,快啲俾錢!.....」 |
評分
-
21
查看全部評分
-
|