遲來的Tellurium q報告

ck_leung

執筆嘅時候已經係年尾哪, 相信响2020年,大家都度過咗好特別嘅一年

我記得響莊老闆手上買呢條線嘅時候,都好似係今年年頭嘅事
但係疫情期間,因為工作原因,我都擺低咗啲音響嘢成大半年...
但當日應承左莊老闆要出報告嘅,雖然遲左......少.....少......


小弟經驗尚淺,志在大家交流下,如果有講錯嘅,情多多包涵

之前都有師兄問過,佢同美國N牌線嘅分別,而自己之前都係用緊N牌中堅嘅線

想我用最簡單嘅文字去形容TQ嘅線

N牌美國佬:光亮啲,奔放啲
TQ 英國佬:斯文少少,但係由於佢新派,佢加咗少少歐洲佬嘅分析力元素向上面,嗰種曖昧嘅關係就好似,而家英國同歐盟响脫與唔脫之間咁
而脫與唔脫之間， 對於男人嚟講， 永遠係一幅美麗嘅構圖
(離哂題 )

TELLURIUM Q 代理: 龍駿音響
https://www.facebook.com/Vigor-Audio-824433464622508



如果想睇我分享多啲嘅， 又唔嫌我寫啲嘢長嘅，可以轉去下面睇吓小弟吹水嘅


=======================================================================


疫情期間我相信各位喺屋企嘅時間都多咗，唔知各位師兄有冇入廚房煮吓兩味呢？
除咗聽歌之外,多時間留喺屋企,煮餸都係一件幾有樂趣嘅事嚟

我記得拜讀過的前輩嘅文章
佢哋講過,音響嘅嘢其實幾似煮餸
佢哋形容,食材本身,就好似部機
例如係,
部擴音機:就等於係隻雞咁啦
線材:就係調味料
最後係個系統嘅配搭同擺位就好似:烹調技巧

疫情期間如果有多入咗廚房嘅你哋,就會發覺,疫情期間,成個香港都好靜英英咁
但係[[超級市場]]永遠係最多人嘅地方

大家仲記唔記得,當日搶米同搶厠紙嘅畫面呀


撇除開嗰啲瘋狂嘅時間,細心發現,呢個疫情期間,超市裏面,有一類貸品,長期係唔會齊貨嘅
就係調味嗰欄嘢,永遠係有啲冇啲,仲要永遠係人頭湧湧嘅
無他嘅,疫情期間,個個都---我要做廚神吖嘛

2

由細細個阿媽叫我哋落街買支豉油,演變到而家,赫然間發覺原來想買支豉油 買包鹽 ,會出現咗以下嘅畫面……


所以其實你問我,去寫個報告,其實就好似响嗰啲調味料上高,要準確咁形容倒,每一支豉油有咩分別响,其實好難架......
但係的而且確佢哋又真係又有分別啵

所以應該咁講,其實佢哋冇好壞之分,只不過響使用同配搭上面,唔同特性嘅豉油,濃口淡口,配搭嘅烹調手法,各有唔同啫

如果有兩支相同特性嘅豉油,擺上手左手同右手,你會揀邊支?
我相信大部分嘅人,都係睇兩樣嘢㗎啫
外觀,同埋價錢

其實好多師兄會有疑惑TQ 嘅線,佢嘅性價比高係邊度,如果同特性有咁上下相似嘅線,佢哋嘅分別喺邊度
例如前排有個師兄問,TQ同美國N 牌嘅線,邊樣抵玩啲咁

都係嗰個問題啦,你問我嗰兩支豉油邊支抵啲,我用文字再轉化畀你聽,真心有啲難度

咁不如我用一個相對啲簡單嘅方法,
個報告我再寫1萬字，都唔及你上去親耳去聽一聽咁實際啦，你話係咪

小弟覺得龍駿嘅莊老闆,佢搞呢檔生意,我覺得佢為興趣多過為賺錢
老闆嘅心態反而係想識多個朋友多啲,所以響佢個showroom嗰度,唔會畀你感覺倒好似啲音響舖咁,有啲咩要你買嘢嘅壓力
純粹傾下音響嘢,經交流吓,或者同佢傾下佢其他嘅生意,睇吓有冇得合作都可以呀
但係因為老闆平日有其他生意,可以嘅話就打電話畀佢,約咗時間先,睇吓佢邊啲時間得閒嘅,又或者邊啲器材呢想試嘅(佢都要睇睇有冇你想要試嘅嘢架)

又或者咁,呢個N字頭牌子嘅線,我之前一路都用緊,反正我部機就插得一對線嘅啫,咁對線我又執咗出嚟,我都係擺咗響度
如果有師兄真係想試吓，玩吓嘅，可以PM吓小弟，我試試睇睇搵唔揾倒地方，安排一下比你去試試
(帶定頭盔先～～但係我唔敢保証一定安排倒架)

rapoo

感謝師兄分享

racewong

玩音響一向是睇屋企的功力, 多於一切.

racewong

不過話時話, 我覺得TQ既SILVER系列同N牌的特性係有D相似, 只不過TQ會比較抵玩.

平凡人

以前2個牌子都是同一個代理。