量才而用，各司其職 — 威馬懸浮腳

PhantomGTR

小弟多年都係鍾情用平靚正既彈弓腳做避震，so far 都好接受個效果。當然，人會心痕。於是我訂了套久不久都會聽到其他機友提過既威馬懸浮腳返嚟試 (細碼)。第一樣試既位，當然放係成套 CAS 既最上游到試，i.e. Player。試了一晚...... well...... 聽另一位師兄建議，我比較埋碳纖磚。well...... 仍然係彈弓腳最好，仲要好好多。係 focus, 音場大小、立體感、分析力、三頻等等想得出的 aspect，三者中都係彈弓腳最理想。

我拎住個懸浮腳把玩咗兩晚，我諗我用錯了，呢件嘢唔同彈弓腳或釘碟咁 plug & play，係要放得「好」、放得「懸浮」先得（陣間再講)。我係部 Haydn 下擺返好佢再試，個效果同之前果然有很大分別。但都係遠遠比唔上彈弓腳，又好過碳纖磚不少。我諗呢次錯係邊呢，再睇返威馬個 TB 寫乜...... 「小腳釘適荷重：100kg/3個一組 150kg/4個一組」。WHAT？！我個下個腦「叮」咗一聲。我即刻放佢地係成套機最重既個部機下面，i.e. 威馬隔離牛 (唔好意思，又係威馬貨)，印像中好似係 40+ kg。呢部機係用好多隻彈弓腳都托唔掂的，所以這些年我只係用碳纖磚托。

果然，個效果就如法術咁出現了！背景黑咗好多、細節多咗好，尤其係一粒音開始同結束時可以聽到多一些變化，無論人聲或樂器聲都係、音場的高低左右深淺等等都明顯加大咗、聲音 focus 很 sharp、密度更高同能量感更大，令成個 image 立體同突出咗好多、呢聲嚮亮好多、更從容自然做到柔揚鏗鏘既聲，又通透，又有肉地，仲好磁性同好有彈力、而呢如電光火石既音效聲隨時劃空而出，聲音撲面而嚟穿過身後而出。講到呢聲/音頻好似山頭林立咁，但其實呢聲係明顯比之前融和，更 full body，係唔同類形既音樂及音效都係。我唔覺得呢聲係圓咗個種，而係呢聲 blend 得好和諧，而每件樂器的 focus 同分隔度仍然清清楚楚。如果硬要講最 impressive 既一點，我老細話個低頻量大了，而且潛深了。我自己覺得個低音直頭想鋤爆個地台咁。呢次發達了！


咁再訂多幾隻大既懸浮腳返嚟，我要將個 hifi rack 浮起佢！！咁大工程當然要搵個細架試咗先。果然有效果！但個效果不及放隔離牛下面咁大。唔緊要，反正只係個 pilot study。跟住就係要浮起個 TAOC 架，得咗！呢次個改進都好大，成套機既效果又翻一翻！不枉我用咁多腦力同氣力。


曾經有個資深師兄教過我，如果做咗一D 嘢，令個音場大咗，呢聲自然咗，有時未必真係大咗自然咗，而係呢聲散咗。我係浮起佢地後，其實還要多次調教（陣間再講)。定下來再聽了一段時間，確實個 focus 係明顯比以前更 sharp，而且聲音既密度係更高。我相信今次既改進唔係虛火。

咁有無 trade off 呢？聲音上係無，全部都係正面既改進。話雖如此，我覺得呢套懸浮腳既缺點有兩個：１）很難 set(都係陣間再講）；２）只能用係重嘢上，重量對佢完全唔係問題，只怕你那件嘢唔夠重！{:7_882:}

PhantomGTR

好嘞，咁隻懸浮腳有幾難用呢？係好好好好好難用。如圖所示，我先要幫佢地 fing 到自己個頂係懸浮狀態/位置先。因為如果唔係咁，佢地入面係 kick 住，就完全無咗懸浮個作用，當然出唔到效果，係完全無效果。即係我第一晚所犯既錯。大細腳都係，大腳仲難攪，因為佢入面可移動既幅度好細。



然後，放三隻定四隻腳好呢？按力學三隻當然夠做一個點線面去 support。不過，我相信我既搵重心技巧仍不夠用，總係覺得唔放心。話晒都係重嘢喎。但放四隻呢？試過放四隻釘腳既師兄一定知道，總有一隻係食唔實.......咁又要左移右移.......

呢個都未係最難，大家要打既大佬跟住先出現。請留意，上面個兩關一定要攪得好，咁先可以打呢個大佬。如果唔係效果會大打折扣(又係陣間先講）。就係當隻腳又能懸浮狀態、個幾隻腳又食得穩（esp Hifi Rack，一定要四隻，我個大 TOAC 架係八隻）後，點先知懸浮咗你想要懸浮既嘢呢？就係係唔同方向輕輕推吓個架/部機，或輕輕拉吓個架/部機。去　feel 吓佢係你用力時能移動到幾多，同放手後佢自己回位時有無頂住。因為我覺得佢入面係似一個足球係隻傳統圓底鑊入面，你推起郁咗個波，一收手個波就實會去返個鑊底咁。不過隻腳上無 mark，而且墊咗入去後都睇唔到。而且呢腳係互相 interact 的，有時你明明聽到或 feel 到係某隻腳好似頂住，但其實可能係另一隻腳隻碟未 set 到 optimal 既位。而且郁咗個 HiFi rack 後，要等佢自己沉降返個 equilibrium 位 ....... 請恕小弟呢到好難用文字寫到咁多......

係難用，不過呢幾隻腳用得啱既話，個回報係好大好大。如果懸浮得唔夠好會點呢？係我到，相對 "optimal" 時，個架或部機未夠懸浮時既音場會無咁開揚，細D、能量感少好多、而且呢低頻會無咁深，低音會掂唔到地，吊晒腳，量又少埋，overall 呢聲會無咁耐聽同吵耳一點。

各位師兄不妨試下！

racewong

PhantomGTR 發表於 2022-8-4 23:52
好嘞，咁隻懸浮有幾難用呢？係好好好好好難用。如圖所示，我先要幫佢地 fing 到自己個頂係懸浮狀態/位置先 ...

好好玩喎。

PhantomGTR

racewong 發表於 2022-8-5 10:52
好好玩喎。

真係好好玩，好有挑戰性同好高回報呀！！我咁遲先玩真係走寶！我諗因為我成套 network, AV (除了電視)外都係個架上同係由威馬隻隔離牛俾電，所以現在睇 mytvsuper, 睇碟，netflix, youtube 都有大改進！真係抵玩到爛！！所以呢鑊真係發達了！！{:7_904:} {:7_904:} {:7_904:}

banjo

你啲補品好壯觀, 大開眼界.

PhantomGTR

banjo 發表於 2022-8-6 09:11
你啲補品好壯觀, 大開眼界.

師兄你咪笑我啦，我只係一時貪玩吧。