香港夜繽紛 -2 Gobel Epoque Aeon Reference

zelo

昨晚獲kahw 師兄邀請家訪，喜同大師兄襯住Halloween大日子嚟個雙鬼拍門，今次主菜係佢新入手對Gobel Epoque Aeon Reference 喇叭，聽講呢對喇叭喺香港只係得三對，今次有機會去學嘢真係好難得，其實未去之前心入面一直有疑惑，成兩米高咁大對喇叭點放入屋…先唔好講聲，淨係放喺廳都係應該好大壓逼感，不過今次親自見過真身又有啲意外，對喇叭個外型好融入Kahw師兄屋企個style，睇落都非常之順眼，全冇壓逼感。



咁大對喇叭，要玩得好其實都有一定難度，kahw師兄功力毋庸置疑，梳化都未坐暖第一隻歌已經非常勁揪，三秒唔使已經成個人融入首歌入面，結他聲鏗鏘悅耳，彈跳力十足，掃chord 嘅狠勁完全還原出嚟，第一首歌已經聽到熱血沸騰。對喇叭相位十分準確，分析力超乎想像，低頻亦相當有質感，完全冇拖泥帶水，不過速度快收得亦快，有部份重播如jazz之類的，略嫌餘韻不足，如是者聽足兩個鐘頭，完全冇冷場。

依對喇叭極適合聽啲速度快、大場面嘅音樂，基本上你播咩佢都交足功課俾你，當然kahw師兄嘅配置都放唔少心機，佢對空間處理我覺得可以做到教科書級別，對喇叭處理得非常之好，依個亦都係好聲嘅最基本，今次比較可惜係支唱臂要送院維修，所以試唔到黑膠，期待下次再有機會拜訪。

Simcity

真係正到唔識講 😁😁

當大家聽得好陶醉嘅時候，SimCity 就掛住食薯片呀 🤭🤭

zelo

Simcity 發表於 2023-11-2 00:42
真係正到唔識講啊 😁😁

當大家聽得好陶醉嘅時候，SimCity 就掛住食薯片呀 🤭🤭

人哋Halloween小朋友就去trick or treat，你就去人哋度偷食哂啲treat。

supercow

bigpun1975

我最欣賞係, D線走咁遠路程, 点解可以咁整齊！！！

racewong

今次比較可惜係支唱臂要送院維修，所以試唔到黑膠 <---- 佢套膠好堅呀

banjo

一流器材, 一流聆聽空間, 冇得聽齋睇相, 都覺得開心, 我估機主應該係, 幾鍾意音效好埋身嗰種.

Simcity

banjo 發表於 2023-11-3 09:07
一流器材, 一流聆聽空間, 冇得聽齋睇相, 都覺得開心, 我估機主應該係, 幾鍾意音效好埋身嗰種. ...

同師兄所描述都有幾大差異，用眼觀看這對喇叭比較難想像所發出嚟嘅聲音

banjo

Simcity 發表於 2023-11-10 03:10
同師兄所描述都有幾大差異，用眼觀看這對喇叭比較難想像佢所發出嚟嘅聲音

...

見到機主貼牆坐, 音效都唔會難想像.

Simcity

banjo 發表於 2023-11-10 08:04
見到機主貼牆坐, 音效都唔會難想像.

Simcity 過去20年，家訪超過兩三千次，7-80% 係貼牆坐，比較難解決，今次已經做得非常之好，超乎想像

話說回來，如果可以這樣擺放，就一定更加理想。不過呢啲都係阿媽係女人嘅道理，知易行難

zelo

從相片睇，係可以用經驗‘估計’出到咩聲，我未去聽之前睇相都會有類似反應，但今次親身體驗的確係另一個回事，完全冇所謂嘅好埋身感覺，所以我都講Kahw 師兄做空間處理真係有一手，咁大型嘅喇叭以有限空間都玩得惦，依啲就係佢嘅功力，致於坐貼牆，學大師兄話齋，相信9成人喺香港都係咁放，要點玩好就睇個人能力，依樣都係玩兩聲道嘅樂趣。

banjo

Simcity 發表於 2023-11-10 09:55
Simcity 過去20年，家訪超過兩三千次，7-80% 係貼牆坐，比較難解決，今次已經做得非常之好，超乎想像

話 ...

其實都可以唔選擇貼牆坐, 不過就要犧牲個靚景, 但音效空間感, 起碼大一倍, 呢啲咪叫魚與熊掌囉.

Simcity

Zelo 大哥， 真係勁抽 ！