葡萄老祖去漫遊 6 - 鑽石山下嘅葡萄園

zelo

本身有件器材壞咗多時一直放喺度冇處理，主要原因係我比較懶，見壞咗可以唔用都無問題就冷處理，直至最近突然心血來潮想搵人整，於是前幾日我PM咗余師傅睇吓佢幫唔幫到手，傾好之後同余師傅電話約定時間就直接踩上去，一入到去workshop 見到對大horn，突然一陣葡萄果酸又湧上喉嚨，不過話晒第一次上人哋地方，點都唔可以咁失禮，收返個流口水表情包，諗住快快脆脆交待好個問題就轉身走，可能我個眼神已經出賣咗，余師傅好眼利，趁我整理緊件器材，佢已經閃身過咗去落碟，主場即係主場，身法非常純熟，音樂一起，我個人已經自動波坐低。



坐低後當然唔會放過機會，開始指住每件器材逐件問，又簡單講一講成套系統，一對大型座地Horn喇叭，15吋三路，低音為JBL 2231A配中音木咀 ReyAudio搭配JBL driver，喇叭size都頗大，坐住對正都有啲震撼，聆聽空間大約15呎x20呎，個地方都足夠容納依對horn，音源為Esoteric K07再搭配自家製Fine LN-60前級同 Class 60AB mono後級，套amp 個size好的骰，同對喇叭喇叭size 真係好大反差，唔好睇個size 細細件兼且只得60瓦，我係估唔到都可以推到對喇叭‘嘭嘭’聲。



講完系統，跟住講吓套機表現，依樣先係令我葡萄酸爆燈嘅主菜，喇叭聲底同JBL喇叭音色幾近相似，不過最厲害嘅唔係佢音色，係整體表現，套機一開聲已經好有感染力，音場定位非常清晰，尤其聽大編制live樂章時，令我覺得完全融入現場，包圍感十足，而且分析力十分好，唔會聽到樂器同樂器打晒交，余師傅果然功力深厚。我個人覺得聽爆棚嘢十分過癮，因為臨場感十足，你係好自然咁一首接一首聽落去。不過係咪全部啱我個人口味?我個人覺得有某啲位唔係太入局，好似人聲方面我覺得係太過埋身，口形有少少偏大，當然依個係horn嘅特色，喜歡玩horn嘅依點絕對唔係問題，原本我諗住只係聽兩三首歌，點知一直追歌聽，卒之坐咗成個鐘…今次真係聞名不如見面，需然只逗留好短時間，但絕對係大開耳界，深深感受到余師傅調音嘅功力，証明本地薑都可以又夠辣又夠狠，葡萄值絕對爆燈，下次再上去我一定會預多少少時間。

黑膠迷

隱世土炮高手???
除了CD外目見全部都是自己製作
DIY器材,喇叭系統一向都是最易做卻最難做得好
尤其是"Horn"更是不易處理,前面一對外表像JBL Project K-2,
但用了木Horn咀,應該多了幾分木味呢(一笑)

Dynavector

   
   
5月嘅 香港音響盛會 2026，我見到幾十年老朋友，飛韻余師傅。




   
余師傅 到現在還是用幾十年前嘅 Rega Planar 3 同 Magnepan Unitrac 1 Carbon Fiber Radial Unipivot 臂做 reference，見片中段。我個 Planar 3， N年前已經賣咗，不過現在我都係用帶盤同碳纖單點臂。




https://youtu.be/vfL9b7yeHhI

黑膠迷

Dynavector 發表於 2026-7-6 05:31
上月嘅 香港音響盛會 2026，我見到幾十年老朋友，飛韻余師傅。

師兄是不是"Dynavector"唱頭用家???

Dynavector

黑膠迷 發表於 2026-7-6 05:48
師兄是不是"Dynavector"唱頭用家???

yes, 是的。