推喇叭好好玩，但...

kelvinhin

依個月嘗試郁吓喇叭擺位，聽吓唔同擺位嘅分別，但搞搞吓都係還原去原本嘅擺位，再拉闊少少算。本身對 ATC SCM20ASL Pro 喇叭冇 toe-in，兩隻高音之間相隔大概 1.5M，喇叭離後牆大概 60cm，左喇叭外側係大窗，而右喇叭外側、喇叭後牆及梳化後牆都係石膏板牆。



月頭嘗試將對喇叭拉前多大概 10cm，去到貼緊地氈邊緣嘅位置，咁擺的話音場冇明顯深咗闊咗，但中頻及低頻明顯薄弱咗，我覺得係明顯衰聲咗。



之後嘗試拉後少少，再大 toe-in 到坐喺皇帝位見唔到喇叭側板，咁擺的話聲音會明顯非常凝聚，人聲中位非常明確，但音場會縮到好窄，喺大部分情況下會縮到同部電視嘅闊度差唔多。如果係可以拉到好闊的話，例如用盡晒房間闊度，咁樣大 toe-in 我會幾鍾意，但問題係我冇得拉到咁闊，所以又會係弊多於利。



後來我稍為減少 toe-in 角度，好啲，但聽咗幾日都係覺得啲聲唔夠闊，聽 orchestra，例如 TARMO PELTOKOSKI 同港樂錄製嘅新碟《THE RING - AN ORCHESTRAL ADVENTURE》，覺得啲聲有啲縮埋咗，好似坐喺文化中心騎樓底嘅感覺。



之後見到左右兩邊仲有各 2cm 空間可以拉闊，就拉返闊佢再變返冇 toe-in，「大師兄返嚟啦，我感覺到全部返晒嚟」，播返同一隻碟，啲聲由騎樓底 Stall S2 尾兩三行變咗 Stall S1 尾一兩行嘅感覺，冇咗奇怪嘅侷促感。聽流行曲，口型會大少少，但都唔會過份，感覺上都係自然。當然，我間房其實都唔係太左右平衡，梳化又係不太理想嘅高背設計，所以要搞的話就唔係搞啲器材，而係搞啲傢俬🫣

frankyching

支持，喇叭擺位係決定生死。

PhantomGTR

師兄，擺喇叭係好玩呀，請問你 set 機時播既音樂係咪都係同一個 phase 的？

kelvinhin

PhantomGTR 發表於 2026-7-23 17:24
師兄，擺喇叭係好玩呀，請問你 set 機時播既音樂係咪都係同一個 phase 的？  ...

雖然部 Lumin P1 係有得調係咪反相，但我都keep 住用正相 output

hksarac

如果能拉闊30cm，比只拉2cm好得多

PhantomGTR

kelvinhin 發表於 2026-7-23 18:23
雖然部 Lumin P1 係有得調係咪反相，但我都keep 住用正相 output

果然。咁應該會有問題，因為個 phase 係要按返個隻碟既 phase 嚟 set，不能只用同一個 phase。不然會係調聲呢個必經階段玩死同卡死自己，然後最通常係跟人講換乜換物咁燒幾年錢，跟住覺得效果唔好，有一天突然意興闌珊咁退燒。

BTW, 請問師兄你確認咗套機係 Normal Phase 定 Inverted Phase 未？不是指個 Phase 係 set 係 Normal 定 Inverted。係去到喇叭呢個 final output 時係正相定反相。

jerrytck

喇叭距離窄，嘗試平放不toe in。🐭😮

racewong

jerrytck 發表於 2026-7-24 12:40
喇叭距離窄，嘗試平放不toe in。🐭😮

大喇叭好難推...

jerrytck

racewong 發表於 2026-7-24 16:03
大喇叭好難推...

某些細喇叭好難推得好呀，比喻🐷皮製造又厚又多肉ATC，B&W之類嘅東西需要大瓦數AB類，大電流先推得飽滿好聲㗎。🐭😮

hksarac

其實樓主右邊仲有位，可以再向右移到盡

racewong

jerrytck 發表於 2026-7-24 23:35
某些細喇叭好難推得好呀，比喻🐷皮製造又厚又多肉ATC，B&W之類嘅東西需要大瓦數AB類，大電流先推得飽滿好 ...

我講緊用手推喇叭...

jerrytck

racewong 發表於 2026-7-25 10:28
我講緊用手推喇叭...

哦。🐭😮
誤解了。🐭😛

jerrytck

hksarac 發表於 2026-7-25 08:46
其實樓主右邊仲有位，可以再向右移到盡

師兄好嘢！🐭👍🏻

jerrytck

我俾資料AI分析擺位，竟然同我繪了圖，給我答案係擺位理想。🐭😳

jerrytck

各位師兄可以試下Al幫手，只供参考。🐭😮

Victor

師兄，可否告知後面塊擴散板係咩牌子?thanks

kelvinhin

jerrytck 發表於 2026-7-24 12:40
喇叭距離窄，嘗試平放不toe in。🐭😮

所以最後發現平放嘅聲音都係最平衡

kelvinhin

hksarac 發表於 2026-7-25 08:46
其實樓主右邊仲有位，可以再向右移到盡

如果右邊推盡的話，要攞右邊個儲物架嘅嘢就要推走對喇叭，比較麻煩

jerrytck

kelvinhin 發表於 2026-7-28 20:55
所以最後發現平放嘅聲音都係最平衡

平順同自然。🐭😀

jerrytck

喇叭拉闊D梗係着數啦，太窄D聲會迫埋一舊，太闊中間有個空洞，要逐格試。🐭😯

阿邊個仲勁，將兩隻喇叭貼實左右側牆。🐭🤫