Hiendy.com 影音俱樂部

 找回密碼
 新用戶註冊

Sign in with facebook

Connect with friends.

搜索
熱搜: hifi av 音樂
查看: 81108|回復: 488

[分享] HI FI聲音的標準

    [複製鏈接]
發表於 2011-7-11 17:22:02 | 顯示全部樓層 |閱讀模式
HI FI聲音的標準                                                                                           

音響是一種個人的嗜好,所以有很多朋友會追求自我喜歡的聲音,因為音響是自己聽的,這個當然無可厚非,可是一種玩意也想同好間認同,但當接觸同好的層面及人數漸廣時,如果要按自己喜歡的聲音,要求人人認同,可能未必會如願,因為涉及眾人的要求,這時如真的要人家認同,你套HI FI的聲音就要達到應有的標準聲音,否則都是閉門造車,或許只跟幾位有相同取向的朋友一起玩吧,免得事後只得一肚氣。

那麼何謂HI FI的標準聲音?我認為如用音色作為標準來量化HI FI組合聲音的標準是不正確的,因為每個人都有自我喜歡的音色,這是不能作為標準,就如我喜歡藍色,不能話人家喜歡粉紅色就不正確及不標準。在我的認知內,我會以高、中、低頻的平衡來衡量組合是否達標準,因為我覺得這個比較客觀。那麼在聽感上怎樣聽得到何為高、中、低頻平衡呢?我會以音場重整來衡量組合是否高、中、低頻平衡,我認為一套組合無論價錢多少,只要調校高、中、低頻平順,就可以表現出正確的音場位置,就可表現出交響樂團各種樂器不同的位置,如第一小提琴組應該在音場前一點的位置,在聽者的左手邊,而木管樂器是在音場中間的位置,定音鼓就在音場的後方。如組合的低頻過量,那麼應在音場後方的鼓聲就會走到音場前方,如組合中、高頻不夠時,就會找不到小提琴組的正確位置。還有如HI FI組合達到各頻段平衡後,不論播放爵士樂、流行曲及交響樂都有—定水準,不會偏向只適合播放某類音樂。

談回音色,當取得了各頻段的平衡度後,當然也可按個人要求的音色去調校,就如喜歡小提琴聲偏向溫暖,就將高頻微微減少,如要找尋人聲比較厚潤的音色,就可將中頻微微增強一點量感。當然,以上調校都是以整體平衡度為首。我相信如達適當的平衡,一定大部份同好會認同你組合的聲音。

評分

48

查看全部評分

發表於 2011-7-11 17:31:44 | 顯示全部樓層
lee sir, 請教下你用邊張唱片調教平衡度呢
發表於 2011-7-11 17:35:55 | 顯示全部樓層
我自己會用幾張CD去TUNNING,今晚POST上泥比大家分享下~
發表於 2011-7-11 17:46:52 | 顯示全部樓層
回復 1# lee388


但我屋企空間唔夠, 音場好難做到靚深度, 咁咪點搞都唔達標囉?
發表於 2011-7-11 17:51:03 | 顯示全部樓層
本帖最後由 sillyken 於 2011-7-11 18:02 編輯

我個理解唔知有無錯: 其實邊張唱片唔係重點, 個重點係要有一個"合理標準"! 要調到"高、中、低平順", 咁何謂"高、中、低平順"呢? lee點唔係一隻唱片可以話俾你知既. hi-fi個原意係咩呢? 個起點首先要"真實". 唔好攪出d假聲先! 如果一個人未聽過竹笛既聲音, 佢點知各調笛子既"高、中、低"係點呢? 所以lee sir提倡大家去聽"真聲"(現場). 咁樣起碼有一個標準...

評分

7

查看全部評分

發表於 2011-7-11 18:00:34 | 顯示全部樓層
我個理解唔佑有無錯: 其實邊張唱片唔係重點, 個重點係要有一個"合理標準"! 要調到"高、中、低平順 ...
sillyken 發表於 2011-7-11 17:51


我覺得唔係太中point
都要用一個好既錄音source去tunnig,如果你只用"味精"cd去set,你會set到d咩出泥?
發表於 2011-7-11 18:11:06 | 顯示全部樓層
我覺得唔係太中point
都要用一個好既錄音source去tunnig,如果你只用"味精"cd去set,你會set到d咩出泥? ...
JanHau 發表於 2011-7-11 18:00

哩點就要多聽現場先知那張碟可以用來教聲
發表於 2011-7-11 18:38:19 | 顯示全部樓層
回復 6# JanHau

JAN兄, 其實大講緊既野係一樣架...不過你行前過lee sir一步, 我行後左一步啫. 我舉個例, 避開hi-fi, 咁會易明d...
試諗下個情況係咁: 而家個個都想自己隻錶準, 但係有人話要跟勞力士, 有人又話要跟omega. lee sir就話: 唔係, 牌子野, 個人喜好成份居多. 係跟應該跟"原子鐘". 咁就有人問, 我應該用咩錶跟"原子鐘"教時間先準呀? 我就話個重點係應該整個原子鐘先...
lee sir個重點係 - 調聲要跟一個"客觀標準", 我個重點係 - 要建立一個"客觀標準". 因為無一個"客觀標準", 根本就無得"跟". 而我記得lee sir提倡同好們多d去聽現場, 咁我估計真聲其實可以作為一個"客觀標準"等大家去跟...
發表於 2011-7-11 18:52:27 | 顯示全部樓層
回復  JanHau

JAN兄, 其實大講緊既野係一樣架...不過你行前過lee sir一步, 我行後左一步啫. 我舉個例, 避 ...
sillyken 發表於 2011-7-11 18:38



    越來越迷網添 大師們可否話比小弟知邊隻碟 同現場一樣可以用來調聲呀?
發表於 2011-7-11 18:56:45 | 顯示全部樓層
回復  JanHau

JAN兄, 其實大講緊既野係一樣架...不過你行前過lee sir一步, 我行後左一步啫. 我舉個例, 避 ...
sillyken 發表於 2011-7-11 18:38


同意
發表於 2011-7-11 18:59:39 | 顯示全部樓層
越來越迷網添 大師們可否話比小弟知邊隻碟 同現場一樣可以用來調聲呀? ...
anthlai 發表於 2011-7-11 18:52

唔好大師前大師後好唔好
發表於 2011-7-11 19:02:10 | 顯示全部樓層
Lee sir眞係字字珠璣!等我諗諗點樣調校番嗰深度出黎先!受教
發表於 2011-7-11 19:02:57 | 顯示全部樓層
有時間去聽下香港交響樂團現場你就會明白
發表於 2011-7-11 19:03:12 | 顯示全部樓層
用衰佬 會唔會close 得滯
發表於 2011-7-11 19:11:28 | 顯示全部樓層
用衰佬 會唔會close 得滯
anthlai 發表於 2011-7-11 19:03



   
發表於 2011-7-11 19:57:26 | 顯示全部樓層
有時間去聽下香港交響樂團現場你就會明白
timmywan 發表於 2011-7-11 19:02



    C hing 禁我翻到屋企用邊隻碟做調校先得架
發表於 2011-7-11 19:58:43 | 顯示全部樓層
甘你可以用多幾隻碟作參考都係方法之一
發表於 2011-7-11 20:16:55 | 顯示全部樓層
小弟亦來分享吓: 先去文化中心買一張交響樂的現場演奏會飛, 最好係中間位(前后, 左右計), 演奏會前幾日將相同典目日日聽幾次, 聽到熟, 然后去到現場聽吓有乜分別。 即晚返到屋企以接近音量再聽多次, 對比返小, 中, 大, 低音大提琴, 鋼琴, 管樂, 鼓嘅比例及位置。 如此這般將歌唱劇, 中樂, 室樂, 爵士等都試多幾次之后其實都應該心中有數。

小弟亂吹廿四, 各位唔好見怪。
發表於 2011-7-11 21:04:29 | 顯示全部樓層
HI FI聲音的標準                                                                                      ...
lee388 發表於 2011-7-11 17:22


多謝Lee sir呢段非常有啟發性嘅分享,果晚我地提及正是點樣釐定可以量化嘅標準而吾係針對個人偏好嘅音色,好似我咁多年都係閉門造車完全冇機會去認識何謂合規格嘅基本音效,正如你提過玩音響有嘅幾種人,令我深深體會到向外求知嘅重要性,幸好接觸到hiendy眾c兄有機會探訪各種不同組合以及各位光臨舍下指教才能有所得著繼而努力搵錢去追求心目中嘅理想音效。
如果Lee sir能夠繼續分享多啲睇法和經驗就更正嘞!

評分

1

查看全部評分

發表於 2011-7-11 23:18:57 | 顯示全部樓層
回復 1# lee388

如果Lee Sir可以推介一D曲目簡單嘅碟及提供解說俾新手學習就very good la!!
星期6晚有機會同C兄你同枱食飯都學到唔少入門知識, 希望出多D post la!!
您需要登錄後才可以回帖 登錄 | 新用戶註冊 Sign in with facebook

本版積分規則

小黑屋|Archiver|手機版|聯絡我們|刊登廣告|Hiendy.com 影音俱樂部 一個屬於音響愛好者的家

GMT+8, 2019-11-14 06:07 , Processed in 0.075829 second(s), 21 queries .

Powered by Discuz! X3

© 2001-2013 Comsenz Inc.

快速回復 返回頂部 返回列表