|
|
政情：考察扶貧 泛民乘機去玩
http://orientaldaily.on.cc/cnt/news/20130803/00176_090.html
立法會扶貧小組委員會本月下旬會前往台灣同日本考察十日，就扶貧政策同當地政府、學者同非牟利機構交流，叫得外訪，機票酒店嘅花費就梗係公帑找數啦。不過，一班經常站喺道德高地嘅泛民主派議員就賺到盡，借外訪之便順道觀光兼探朋友，其中馮檢基（阿基）同張國柱（阿柱）就要黃毓民呢位台灣女婿做導遊，帶佢哋遊覽曾經係軍事禁區嘅金門，而長毛梁國雄更加喺日本逗留多五日添！
扶貧小組委員會八名成員將聯同議員黃國健、謝偉俊喺本月二十至二十九日出訪台北同日本東京。難得有公帑資助機票同酒店，六個泛民議員除咗梁家傑外，個個都賺到盡，佢哋唔係提早出發，就係延遲返港，爭取時間觀光、探朋友。毓民同我哋講，佢原本打算二十日先跟大隊過台灣，但今次考察團團長阿基同阿柱知道佢去過金門之後，就話好想去觀光，仲搵佢做導遊添！
「橫掂機票錢都一樣」
毓民話，基於佢太太係台灣人，作為台灣女婿都覺得應該盡地主之誼帶佢哋去遊覽，所以就同阿基同阿柱提早三日過台灣。佢仲話，金門民風淳樸，最出名就係當地嘅高粱酒同用炮彈殼製成嘅刀，而金門嘅民宿都唔錯，所以應該會住番一晚輕鬆吓咁話。不過，據聞阿基仲打算抽時間去高雄一趟，真係賺到盡、唔好嘥咁款。
除咗毓民三人行之外，議員梁耀忠（阿忠）都會提早三日去台北，結束外訪後亦會喺東京留多一日。阿忠直言：「橫掂機票錢都一樣」，所以順便去見吓當地朋友囉。佢仲打算到時住喺朋友屋企，連酒店錢都可以慳番。至於長毛亦會喺結束訪問行程後喺日本留多五日，佢打算趁機會去埋大阪同京都，探吓朋友咁話。
班泛民議員個個都強調早到遲走嘅開支係自費，但唔好忘記佢哋係借外訪之便進行私人活動。其實議員嘅行為，市民（目及）到實一實，奉勸議員好自為之喇！
=======================
D仆街站在道德高地，雙重標準，嚴人寬己，利益輸送。
落台啦 |
|
IP卡
狗仔卡
發表於 2013-8-4 11:15:26
提升卡
置頂卡
沉默卡
喧囂卡
變色卡
顯身卡
